Benutzer Diskussion:Halibali

Willchuu

Sali Halibali un härzli willchuu bi dr Alemannische Wikipedia!

Ich frai mi, ass Du zuen is gstosse bisch un mit Diim Artikel Schoggi scho zue däre Wikipedia biidrait hesch.

Wänn Du no Froge hesch, no chasch Di gärn an mi oder aine vu dr andere Nutzer wände oder d Site Wikipedia:Hilfe konsultiere. Allgmaini Diskussione findsch uf em Stammtisch. Nitzlig isch au s Wikipedia-Portal.

Vil Spass bim Mitmache!

--Holder (Diskussion) 19:01, 8. Sep. 2013 (MESZ)

Übersetzige

Hallo Halibali, Danke för Dini Artikel zum Thema Physik. Eigentlich mössti bi Artikel, wo us ere andere Wikipedia übersetzt wärded, am Schluss vom Artikel en Baustei iigfüegt wärde, wo zeiged, wohär de Artikel übersetzt worde isch. De Baustei gsächt för de Artikel Starchi Wächselwürkig esoo uus:

Dä Artikel basiert uff ere fräie Übersetzig vu dere Version vum Artikel „Starke_Wechselwirkung“ vu de dütsche Wikipedia. E Liste vu de Autore un Versione isch do z finde.

Wänns e 1:1-Übersetzig isch, so söt me de Baustei ine tue. Wänns nu abschnittwys e Übersetzig isch, so chasch vor em spychere im Chäschtli «Zämefassig» z.B. schriibe; «Inhalt us de dütsche Wikipedia» oder «Inhalt tailwiis us de englische Wikipedia». I sälber han de Baustei nöd so gärn bi Artikel, wo sich de Inhalt schnäll chan ändere. I däm Fall isches halt bald e kei Übersetzig me und hät under Umständ scho glii me Infos dine, als s "Original". Wichtig isch aber so oder so; bim läse vome Artikel sött me chöne nochevollzie, wohär as die Infos chömed oder mit wellne Quälle as de Inhalt beleit isch. Bi Dine Artikel Magnetischi Flussdichti, Beschlünigung und Starchi Wächselwürkig häts e paar Weblink und Fuessnoote, oder sogär Literatur dine, wo jo au uf möglechi Quälle verwiised. I han drumm de "Übersetzigs-Baustei" nöd ine ghöckt. Gruess --Schofför (Diskussion) 10:07, 2. Nov. 2013 (MEZ)

Sali Schofför, danke villmal für de Hiiwiis, ich wird mich in Zuekunft meh druf achtä. Wie chunt mer denn zu der Nummere im Baustei? (obe 123344260) Lg --Halibali (Diskussion) 19:37, 8. Nov. 2013 (MEZ)

Hoi Halibali, wänn Du bim Artikel, wo übersetze wötsch (also i Dim aktuelle Fall «Schwachi Wächselwürkig» us de dütsche Wikipedia), uf «Versionsgeschichte» klicksch, dänn chunnt e Liste vo allne Wärsione vo däm Artkel. Jetzt klicksch uf die Wärsion, wo öbersetze wotsch (da wär i däm Fall worschindli di ersti Wärsion «12:32, 16. Okt. 2013») und dänn häsch di gwünscht Nummere z hinderst i de Ygabezyle obe vom Brauser - i däm Fall =123501869. Vill Vergnüege bim usprobiere und en schöne Sunntig wünscht --Schofför (Diskussion) 09:47, 10. Nov. 2013 (MEZ)

Yyladig zum Schrybwettbewärb

Solly Halibali,

Wänn's im Fall no nit gsee hesch: grad zur Zyt lauft wiider en Schryybwettbewärb do uff de alemannische Wikipedia. Vilycht e Glägeheit, nooch viilene Joor wiider emool öbis uff Alemannisch z schryybe? En liebe Gruess, --Terfili (Diskussion) 17:29, 14. Nov. 2021 (MEZ)