D Baasler Dramlinie

Us der alemannische Wikipedia, der freie Dialäkt-Enzyklopedy
Dr Linienetzblaan vom Baasler Drämli
Dialäkt: Baseldütsch

S Baasler Dramnetz isch vo 1895 aa vo dr Baasler Stroosse-Baane (B. St. B.), dr Vorgängergsellschaft vo de Baasler Verkeers-Betriib (BVB) baut worde. E baar vo de Vorortslinie si vo Brivatbaangsellschafte wie dr Birseckbahn AG (BEB), dr Birsigthalbahn AG (BTB), dr Trambahn Basel-AeschAG (TBA) und dr Basellandschaftliche Ueberlandbahn (BUeB) baut worde.

Hüte wird s Baasler Dramnetz vo de Baasler Verkeersbetriib (BVB) und dr Baaselland Dransbort (BLT) bedient. D Drämli vo de bäide Gsellschafte häi verschidnigi Farbe. Die vo dr BVB si grüen und die vo dr BLT gääl/root.

D Linien und iire Betriib[ändere | Quälltäxt bearbeite]

S aktuelle Dramlinienetz vo Baasel bestoot us 13 Linie. Vo dene wärde nüün vo dr BVB und vier vo dr BLT bedient:

Betriiber Linie Strecki Lengi Stazione Faarzit Verlauf
BVB 1 DreiroosebruggBaanhof SBB (– Badische Baanhof) 06,8 km 13 (20) 27 / 26 Minute Linie 1
BVB 2 Binnige Kroneblatz – Eglisee (– Rieche Dorf) 08,9 km 16 (22) 26 / 31 Minute Linie 2
BVB 3 Burgfälde Gränze – Birsfälde Hard 06,4 km 20 22 / 22 Minute Linie 3
BVB 6 AllschwilRieche Gränze 12,5 km 35 40 / 39 Minute Linie 6
BVB 8 Neuwiilerstrooss – Kläihünige - Wiil am Rhii 07,6 km 25 28 / 29 Minute Linie 8
BLT 10 DornachEttige (– FlüeRodersdorf) 25,7 km 34 (38 / 40) 62 / 63 Minute Linie 10
BLT 11 St-Louis Gränze – Aesch 14,4 km 34 44 / 43 Minute Linie 11
BLT E11 TheaterRiinech Süd 11,6 km 29 29 / 29 Minute Linie E11
BVB 14 DreiroosebruggBrattele 12,6 km 31 38 / 38 Minute Linie 14
BVB 15 BruederholzMässblatz 05,3 km 21 17 / 22 Minute Linie 15
BVB 16 BruederholzSchiffländi 05,3 km 18 20 / 21 Minute Linie 16
BLT 17 EttigeSchiffländ (– Wiiseblatz) 12,2 km 18 (26) 34 / 36 Minute Linie 17
BVB 21 Santihanns BaanhofBadische Baanhof 03,2 km 10 11 / 11 Minute Linie 21

D Zaal vo de Stazione in Klammere bezien sich uf verkürzti Liniefüerige.
D Aagoobe zur Faarzit bezien sich jewiils uf dr lengst Streckeverlauf von ere Linie. D Faarziten für d Faartrichdig und d Gegerichdig si drennt aagee.

Dä Artikel basiert uff ere fräie Übersetzig vum Artikel „Basler_Tramlinien“ vu de dütsche Wikipedia. E Liste vu de Autore un Versione isch do z finde.