Barbara Kirchner

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Barbara Kirchner (* 9. Novämber 1970 z Fryybeg) isch e dytschi Chemikeri un Schriftstelleri.

Läbe, Studium un Forschig[ändere | Quälltäxt bearbeite]

D Kirchner isch z Munzinge ufgwagse un het anne 1990 am Rotteck-Gymnasium z Fryybeg Abitur gmacht. Vu 1990 bis 1998 het si an dr Universitete Fryybeg un Mainz, an dr Tächnische Universitet Chemnitz un an dr Universität Basel Chemi studiert. Anne 1999 het si z Basel bim Hanspeter Huber am Institut fir Fysikalischi Chemi promoviert iber Molekulardynamik-Simulatione zur Berächnig vu NMR-Aigeschafte. As Post-Doktorandi het si z Brisbane (Auschtralie), z Stuegert, z Bochum, z Züri un z Bonn gforscht. Anne 2006 het si an dr Universitet Bonn habiliert. Ab 2007 isch si as Noofolgeri vum Joachim Reinhold Brofessori fir Theoretischi Chemi an dr Universitet Leipzig gsii. Zum 1. Jänner 2013 het d Kirchner e Ruef an s Mulliken Center for Theoretical Chemistry am Inschtitut fir Physikalischi un Theoretischi Chemi an dr Universitet Bonn aagnuu.

Literarischs Schaffe[ändere | Quälltäxt bearbeite]

D Barbara Kirchner vereffetligt näbe ihre wisseschaftlige Arbet au literarischi Prosa un Essay.

Si het zämme mit em Dietmar Dath Abitur gmacht, mit ihm het si iber d Johr immer wider au uf literarischem Biet zämmegschafft. 1997 hän si zämme d Gruppe Pfadintegral (GPI) grindet, urspringlig e fiktivi bolitischi Gruppe in eme Artikel vum Dath fir d Zytschrift Jungle World, wu derno as Editionsramme fir em Dath syy Roman Phonon dient het.

2002 hän d Kirchner un dr Dath ihre gmainsame Roman Schwester Mitternacht im Verbrecher Verlag vereffetligt. Dr Kirchner ihre erschte aigeständige Roman Die verbesserte Frau isch anne 2003 im Verbrecher Verlag Berlin erschine.

Anne 2003 het d Kirchner z Fryybeg dr Implex Verlag grindet, wu unter anderem au dr Roman "Für immer in Honig" vum Dath erschine isch.

Schrifte[ändere | Quälltäxt bearbeite]

Wisseschaftligi Schrifte[ändere | Quälltäxt bearbeite]

  • Quadrupol-Kopplungskonstante und quadrupolare Spin-Gitter-Relaxation aus der Sicht der klassischen Moleküldynamiksimulation, Basel 1999
  • Theory of complicated liquids, Amsterdam [u. a.] 2007
  • Ionic Liquids, Berlin 2010

Literarischi Wärch[ändere | Quälltäxt bearbeite]

  • Schwester Mitternacht, Berlin 2002 (zämme mit em Dietmar Dath)
  • Die verbesserte Frau, Berlin 2003
  • Der Hochzeitstag, Frankfurt a. M. 2003

Sunschtigi Schrifte[ändere | Quälltäxt bearbeite]

  • Der Implex. Sozialer Fortschritt: Geschichte und Idee (zämme mit em Dietmar Dath). Berlin 2012
  • Dämmermännerung. Neuer Antifeminismus, alte Leier. Hamburg: konkret Verlag 2014, ISBN 978-3-930786-69-5

Weblink[ändere | Quälltäxt bearbeite]