Bahnhof Wettingen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bahnhof Wettingen
Bahnhof Wettingen (Schweiz)

Fähler: uugiltiger Titel im Link in dr Zyyle 2

Daate
Bedriibsart Durchgangsbahnhof
Perron 5
Abchürzig WE
Eröffnig 1876
Laag
Gmeind Wettige
Kanton Aargau
Staat Schweiz
Koordinate 666159 / 25691047.4596438.316028Koordinaten: 47° 27′ 34,7″ N, 8° 18′ 57,7″ O; CH1903: 666159 / 256910
MSL 408 m
Iisebahnstreckene
Lischte vo de Bahnhööf in dr Schwiz

i7i11i13i15i15i15i18

De Bahnhof Wettige isch de Bahnhof vo de Schwiizer Gmeind Wettige und isch im Johr 1876 eröffnet worde. Sit de Renovation und em Umbau vo 2013 isch er rollstuhlgängig.

Gschicht[ändere | Quälltäxt bearbeite]

Bahnhof Wettige, vor 1900, Sammlig Wehrli
Drehschiibe und Lokremise

D Schwiizer Nordoschtbahn het im 1847i zwüsche Züri und Bade di erschti Iisebahnlinie vo de Schwiiz eröffnet. S Trassee isch damals aber an Wettige vorbi gführt worde, au um de doppelt Übergang über d Limmet z vermiide. D Linieführig isch dann geänderet worde. De Bau vo de Iisebahnbrugg zwüsche Noiehof und Wettige isch im 1875 bauet worde, die zwüsche Bade und Wettige im 1877 und im 1876 het me de Bahnhof Wettige iigweiht, wo in de Nöchi vom Chloschter Wettige ligt, relativ wir ewäg vom Dorf.

E grösseri Bedütig het de Bahnhof übercho, wo im 1877 d Schwiizer Nationalbahn (SNB) d Iisebahnstrecke Winterthur–Wettige und Zofige–Wettige eröffnet het und d Schwiizer Nordoschtbahn d Strecki vo Bade uf Bülach.

Scho vo 1907 bis 1909 het's im Wettiger Bahnhof en Oberleitig geh, wil uf Aaregig vo de Maschinefabrik Oerlike zwüsche Wettige und Seebach e Versuechsstrecki für elektrischi Lokis betribe worde-n-isch.

Im Johr 1912 isch de Bahnhof erwitered worde und im 1919 d Gleisalag. Di endgültig Elekrtifiziirig isch erscht im 1942 bauet worde und en witere Umbau het de Bahnhof im 1982 erläbt. Vo Oktober 2011 bis Juni 2013 het me dann d Gleisaalage vom Bahnhof modernisiirt und d Zugänge zu de Perron umbaut, so dass sie rollstuhlgäng worde sind.[1] Am 21. Juni het d Eröffnigsfiir vom umbaute Bahnhof stattgfunde.[2]

Weblink[ändere | Quälltäxt bearbeite]

 Commons: Bahnhof Wettingen – Sammlig vo Multimediadateie

Einzelnochwis[ändere | Quälltäxt bearbeite]

  1. Aargauer Zeitung: Startschuss zum Umbau des Wettinger Bahnhofs. 26. September 2011.
  2. Dieter Minder: Einweihung des Bahnhofs Wettingen ging feierlich über die Bühne. Aargauer Zeitung, 22. Juni 2013, abgerufen am 23. Juni 2013.