Badische VI (alt)
| VI | |
|---|---|
| Nummerierig: | 47 – 54 |
| Azahl: | 8 |
| Hersteller: | Kessler |
| Baujohr: | 1845 |
| Usmusterig: | 1865 – 1868 |
| Bauart: | C n2 1B n2 (nõch Umbau 1854) |
| Spurwiiti: | 1.600 mm 1.435 mm (nõch Umbau 1854) |
| Längi über Puffer: | 12.825 mm |
| Höchi: | 4.450 mm |
| Fest Radstand: | 3.390 mm |
| Gsamtradstand: | 3.390 mm |
| Leermasse: | 19,50 t 20,5 t (nõch Umbau 1854) |
| Dienstmasse: | 21,8 t 22,8 t (nõch Umbau 1854) |
| Riibigsmasse: | 21,8 t |
| Radsatzfahrmasse: | 7,25 t |
| Kuppelraddurchmässer: | 1.220 mm |
| Steuerigsart: | Stephenson |
| Zylinderzahl: | 2 |
| Zylinderdurchmässer: | 356 mm |
| Cholbehub: | 610 mm |
| Dampfchessel: | Bauart Sharp |
| Chesselüberdruck: | 7,0 bar |
| Zahl vo de Heizrohr: | 166 |
| Heizrohrlengi: | 3.945 mm |
| Rostflechi: | 0,95 m² |
| Strahligsheizflechi: | 5,66 m² |
| Rohrheizflechi: | 75,09 m² |
| Verdampfigsheizflechi: | 80,75 m² |
| Tender: | 3 T 5,4 |
| Lokbrämse: | Schruubèbrèms am Tender |
D Faarzüüg vo dè Gattig VI[1] vo dè Badischè Staatsysèbaan sin Güèterzug-Lokomotyvè gsi.
D Lokomotyvè sin diè erschtè dreifach kuppletè Loks (Achsfolg C) z Dütschland gsi. Bi dèrè Konschtruktion orièntyrt mo sich a dè Faarzüüg vo dè Gattig V. Stationyrt sin diè Lokomotyvè z Monnèm. Diè Leischtigè hèn dè Erwartigè entschprochè. Uff dè Streggi vo Karlsruè nõch Appèwyer hèt mo èn 472 t schwèrè Zug mit 24 bis 27,5 km/h ziè könnè. Uff kurzè Zwischèstygigè isch abber è Vorschpannlokomotyv erforderlich gsi. Nõch demm 1854 erfolgè Umbau uff Regelschpur sin d Lokomotyvè nô è Zit lang i dè Ebeni ygsetzt worrè.
Uffallend a dè Konschtruktion isch gsi, dass dè Radschtand zwischè dè Achsè uuglych gsi isch; dè Abschtand zwischè dè èrschtè beidè Achsè isch erheblich größer (2.085 mm) gsi als dè zwischè dè zweitè un drittè Achs (1.305 mm). S Zweizilinder-Naßdampftrybwärk isch ußèligend aagordnet gsi. Dè Aatryb isch mit gabletè Trybschtangè uff diè mittler Kuppelachs erfolget. Dè Raamè hèt us zwei innèligendè Gabelraamè bschtandè. Dè Langkessèl isch èn Sharp-Kessèl gsi, dè vom Kessler nõchbaut worrè isch. Dè Stehkessèl isch halbrund gsi. Uff sellem hèt èn schwarz gschtrichenè Dom thronet. Dõher isch selli Uusfüürig au als „Schwarzkopf“ bezeichnet worrè. Dè Kämmi isch zilindrisch uusgfüürt gsi. Wem mo mit Holz aagfüèret hèt, denn hèn selli Lokomotyvè èn Mantelkämmi mit Turbiinè ka. D Stephenson-Stüèrig isch innèligend gsi. D Vorderachs hèt obbèligendi Blattfèdèrè ka. Beidi Hinterachsè sin mit èrè gmeinsamè Blattfèdèrè mit Uusglychshebel abgfèdèrèt gsi.
Bim Umbau uff Regelschpur hèn diè Lokomotyvè 1854 èn Ußèraamè kriègt. Dè Steekessèl hèt mo graad no so unterbringè könnè. Well abber dè Platz nit greicht hèt, hèt mo diè vorderi Achs nimmi aagetrybè könnè und asè isch si zuè nèrè Laufachs worrè. Bim Umbau sin d Schilder vp dè Lokomotyv JASON, ACHILLES, FRIDOLIN un MEDEA voduuscht worrè.
D Faarzüüg hèn èn Schlepptender vo dè Bauart 3 T 5,4 ka.
I dè zweitè Hälfti vo dè 1860er Johr sin diè Lokomotyvè vo dè konschtruktiv ähnlich uffbautè Gattung VII a abglöst worrè.
Fuèßnotè
[ändere | Quälltäxt bearbeite]- ↑ Zu dè Unterscheidig vo dè nõch èm Schema vo 1868 bezeichnetè Lokomotyvè au als VI (alt) bezeichnet.
Literadur
[ändere | Quälltäxt bearbeite]- Hermann Lohr, Georg Thielmann: Lokomotiv-Archiv Baden. transpress, Berlin 1988, ISBN 3344002104
|
Dä Artikel basiert uff ere fräie Übersetzig vum Artikel „Badische_VI_(alt)“ vu de dütsche Wikipedia. E Liste vu de Autore un Versione isch do z finde. |