August Lämmle

D August Lämmle (* 3. Dezember 1876 z Oßweil – heitzogdag a Stadtdoil vo Ludwigsburg –, † 8. Februar 1962 z Leaberg) ischt a deitscher Schriftsteller ond Volkskundler gwäa, wo ondr andrem au Litradur em schwäbischa Dialekt – Kurzgschichda ond Gedicht – gschriiba hot.

Aus seim Leaba

Dr August Lämmle ischt am 3. Dezember 1876 z Oßweil en-ra beierlicha Familie uff d Welt komma. Noch seira Schuelausbildong hot’r an dr Pädagogischa Hochschuel z Esslenga a Studium zom Volksschuellehrer uffgnomma ond des em Johr 1896 abgschlossa. Do drnoch hot’r en vorschiidene wirdabergische Städt als Lehrer gwirkt. Noch-em Erschda Weltkriag hot dr Lämmle d Leidong vo dr Cannstatter Volkshochschuel ibrnomma. Um dui Zeit rom hot’r au d Bekanntschaft mit dr Sophie Tschorn gmacht. Wia-nr dera ihr Begabong erkannt hot, hot’r-se ermondret, sich bei sellem ganz nei grindeda Sidfunk Stuttgart (heitzodag Sidweschtrundfunk) zo bewerba, weil der grad uff dr Sueche noch geeignede Leit wär. Des hot dui Frau doa ond bald Karriere ondrem Nama Gretle vo Strempflbach als Gschichda- ond Märles-Vorzehlere gmacht. 1920 hot dr Lämmle – innerhalb vom Schwäbischa Sengerbund – da Silchergau ens Leaba gruafa. Neaba seim Beruaf hot’r fir vorschiidene Tageszeidonga ond Zeitschrifda landeskundliche Artikl gschriiba. Vo 1921 bis 1922 hot sich dr Lämmle a Johr lang beurlauba lassa fir bsondre Uffgaba, ondr andrem fir d Volksbildong ond fir d Volkskunde. 1924 isch sellem Moo d Leidong vo dr Grubbe Volkskunde am Wirdabergischa Landesamt fir Denkmalpflege ibrtraga ond 1930 ischt’r zom Landeskonservator ernannt worra. 1938 ischt’r em Alder vo 62 Johr en Ruhestand ganga.

Weil em Zwoida Weltkriag em Lämmle sei Wohnong em Stuegerter Stadtdoil Bad Cannstatt ausbombt worra ischt, ischt’r mit seira Frau noch Leaberg omzoga. Deet hot’r am 8. Februar 1962 seine Auga fir emmer gschlossa. 85 Johr alt isch der Moo worra. Sei ledschda Ruah hot’r uff-em Stuegerter Waldfriidhof gfonda.

Schaddaseida em Lämmle seira Biografii

1933 isch dr Lämmle Mitglied vo dr NSDAP, vo dr Reichsschrifttumskammer ond vo dr Reichskuldurkammer worra. Aus Olass vom 50. Geburtsdag vom wirdabergischa Gauleiter Wilhelm Murr em Johr 1938 hot dr Lämmle a Huldigong uff sellen Moo vorfasst. Dr Wilhelm Murr isch do drvoo so oodoa gwäa, dass’r drfir gsorgt hot, dass dr Lämmle 1939 zom Vorsitzenda vom Bund für Heimatschutz in Württemberg und Hohenzollern gmacht worra ischt.

Ehronga

1936 ischt’r mit-em Schwäbischa Dichterpreis auszeichnet worra.
1951 isch deam Moo dr Professora-Titl vorliha worra. Zuasätzlich ischt’r em gleicha Johr Ehrabirger vo Leonberg worra.
Noch-em Lämmle seim Ableaba ischt z Leaberg a Schuel noch sellem Moo benannt worra.^[1].
August-Lämmle-Stroßa geit’s ondr andrem z Ludwigsburg^[2], z Kuschderdenga^[3], em Sendlfenger Stadtdoil Maichenga^[4] ond z Bodlshausa.

A Auswahl vo seine Werk

Die Schorndorfer Heimatkunde, 1909
Schwobabluat, 1913
Oiges Brot, 1914
Spinnstuben-Geschichten, 1916
Bunte Geschichten, 1917
Junker Goldmacherlein und andere Erzählungen, 1918
Sonntich, 1919
Schwobaspiegel, 1922
Das Geschichtenbuch, 1922
Schwäbische Volkskunde, 1924
Unser Volkstum, 1925
Das Herz der Heimat - ein Schwabenbuch für ausgewanderte Schwaben, 1925 (zamma mit seim Landsmoo Hans Reyhing)
Sonnenstrauß, 1926
Das alte Kirchlein, 1926
Württembergische Volkslieder, 1929
Bilder aus Württembergs Vergangenheit und Gegenwart, 1931
Schwäbisches und Allzuschwäbisches, 1936
Reise ins Schwabenland, 1937
Es leiselet im Holderbusch, 1938
Schwäbische Gedichte, 1938
Der Herrgott in Allewind, 1939
Der Sebulon, 1940
Es scheinen die Sterne so hell, 1944
Ein kleines Geschenk, 1948
Das ist mein Land, 1950
Unterwegs, 1951
Der goldene Boden, 1953
Greif zu mein Herz, 1956
Ich schaue von außen durchs Fenster, 1956
Schwäbische Miniaturen, 1957
Menschen…nur Menschen, 1959
Ludwigsburger Erinnerungen, 1960
Fünfundachtzig mal um die Sonne gefahren, 1961

Leseprob

A Leseprob fendet mr em Ardikl Schwäbische Schreibweisa vo professionelle Autora.

Weblink

Oinzlne Nochweis

[1] ttp://www.als-leonberg.de/?page_id=2385

[2] ttp://www.dasoertliche.de/Themen/August--L%C3%A4mmle--Str/Ludwigsburg.htm

[3] ttp://www.dasoertliche.de/Themen/August--L%C3%A4mmle--Str/Kusterdingen.htm

[4] ttp://www.dasoertliche.de/Themen/August--L%C3%A4mmle--Str/Sindelfingen.htm

[1]

[2]

[3]

[4]