Arvigo

Arvigo isch es Dorf im Calancatal, wo im Süde vom Bündnerland liit.

wo d Gmeind vor der Fusion am 1. Jänner 2015 gsi isch

Bis anne 2014 isch es en eigeti Gmeind gsi; uf 2015 het sech die mit Braggio, Cauco und Selma zämetoo, und das het die nöji Gmeind Calanca ggää.

S Dorf lyt im undere Calancataal am Bach Rià d’Arvigo. Es isch der Hauptort vom Taal. Uff meh weder der Helfti vom ehmolige Gmeindbann het’s Wald, und oben a de Bärge sind Mäiesäss und Alpe. Die gröschte sind d Alp Stabveder un d Alp di Rossiglion.

Der Wyler Landarenca lyt hööch uff ere chlyne Terrassen am Bärghang under em Forcel.

Die vilen alte Fluernääme sind schööni Zügnis vo der alte Mundart vom Alpinlombardische.

S erschte Mol list men öppis vom Dorf im ene Dokumänt vom Joor 1453. Anne 1496 isch Arvigo zum Graue Bund cho. D Pfarrchile het der Heilig Loränz zum Patroon. Hüt lääben im Dorf nume no weniger weder hundert Lüüt.

Z Arvigo goot en eleganti alti Schteibrugg übere Taalfluss, d Calancasca.

Literatur

• Cesare Santi: Arvigo In: Historisches Lexikon vo dr Schwiiz.
• Cesare Santi: Landarenca. In: Historisches Lexikon vo dr Schwiiz.

Weblink

 Commons: Arvigo – Sammlig vo Multimediadateie

• Arvigo uf schweizmobil.ch