Arabisch Wolf

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Bärndütsch
Arabisch Wolf
Arabisch Wolf
Wolf im Süde vo Israel im Gebiet vo der Arava-Halbwüeschti

Der Arabisch Wolf isch d Form vom Wolf, wo uf der Arabische Halbinsle verbreitet isch. Me het lang gmeint das der Arabisch Wolf e eigeti Underart isch, uf Latinisch Canis lupus arabs.[1] Aktuell wird d Population wider em Eurasisch Wolf (C. I. lupus) zuegortnet.[2]

Merkmal[ändere | Quälltäxt bearbeite]

Der Arabisch Wolf isch mit nur 18 – 20 Kilo di liechtischti Form vom Wolf u isch ou di chlynschti Form. Är het es churzes, dünns u meischtens bruuns Fäll u grossi Ohre.

Vorcho u Läbeswys[ändere | Quälltäxt bearbeite]

Der Arabisch Wolf isch im Wüeschtegebiet uf der Arabische Halbinsle (ds Saudi-Arabie, ds Jeme u ds Oman) sowi i de nordweschtlech agränzende Wüeschtegebiet ds Syrie, ds Jordanie u ds Israel heimisch.[3]

Är gilt als starch bedroht. Us de meischte Gebiet vo sym ehemalige Verbreitigsgebiet isch är hüt ufgrund vo der heftige Nachstellig verschwunde.

Was d Ernährig betrifft, isch der Arabisch Wolf nid wählerisch. Syni Choscht setzt sech vor allem uf Küder, Aas u Fäldfrücht zäme, glägendlech rysst är ou mal Gazälle, Hase, Steiböck oder Huustier.

E Analyse vo der Zämesetzig vo 777 Kotprobene i der südleche Negev-Wüeschti het ergä, dass 51,4% vo de Probe pflanzlechi Narig, 37,2% mönschleche Küder u 62,5% Haar vo Chuekadaver (Shalmon 1986) enthalte hei. Nume 6,3% vo de Kotbrobe hei Heimischi Söigetier wi Gazälle u Hase drinne gha. Zudäm ghöre chlyni Nagetier zum Büütespecktum vom Wolf.[4]

Literatur[ändere | Quälltäxt bearbeite]

  • S. Biquand u. a.: Fishes as a diet of wolf (Canis lupus arabis) in Saudi Arabia (änglisch: ,Fische als Narung des Wolfes (…) in Saudi-Arabien’). In: Mammalia, 58. Jg., Nr. 3, 1994, ISSN 1864-1547. S. 492–494.

Weblink[ändere | Quälltäxt bearbeite]

 Commons: Arabisch Wolf – Sammlig vo Multimediadateie

Quelle[ändere | Quälltäxt bearbeite]

  1. Timothy C. Bray et al.: Genetic variation and subspecific status
  2. Claudio Sillero-Zubiri: Family Canidae (Dogs). Im Don E. Wilson, Russell A. Mittermeier (Hrsg.): Handbook oft he Mammals oft he World. Band 1: Carnivores. Lynx Edicions, Barcelona 2009, ISBN 978-84-96553-49-1, S. 352-446, hie S. 413.
  3. Reuven Hefner, Eli Geffen: Group Size and Home Range oft he Arabian Wolf (Canis Lupus) in Southern Israel. In: Journal of Mammalogy, 80. Jg., Nr. 2, Mai 1999.
  4. Reuven Hefner, Eli Geffen: Group Size and Home Range oft he Arabian Wolf (Canis Lupus) in Southern Israel. In: Journal of Mammalogy, 80. Jg., Nr. 2, Mai 1999. Syte 617.
Information icon.svg Dä Artikel basiert uff ere fräie Übersetzig vu dere Version vum Artikel „Arabischer_Wolf“ vu de dütsche Wikipedia. E Liste vu de Autore un Versione isch do z finde.