Negev
| Dialäkt: Mìlhüüserdiitsch |
D’ Wììschta Negev odd’r Negeb (uff Näihebrääisch הַנֶּגֶב „Süüda (vun Israel)“, „Süüdlànd“); uff Àrààwisch ٱلنَّقَب an-Naqb) lììgt ìm süüdliga Mìttlera-n-Oschta un schtällt mìt ung’fahr 12.000 km² äbba 60 Prozant vu dr Flächa vum Schtààt Israel dàr.
Geogràfii[ändere | Quälltäxt bearbeite]
D’ Negev-Wììschta wìrd ìm Wäschta vu dr ägüptisch-isràeelischa Granz (àm Rànd vu dr Sinai-Hàlbìnsla) un em Gasaschtraifa, ìm Oschta vu dr Sanka Arava un ìm Norda vu dr Linia Gaza–En Gedi àm Toota Meer begranzt.[1] Sa däckt sìch mìt’m greeschta Tail vum isràeelischa Süüdbezirk.[2] Àm süüdliga And vum Negev ìsch dr Gulf vun Akaba mìt’m Hààfa vun Eilat.[3]
D’ Üriiwoohner vum Negev sìnn d’ Beduina. Äbba 10 Prozant vu dr isràeelischa Beveelkerung laabt ìm Negev. D’ greeschta Schtàdt ìsch Be’er Scheva.[1] Ìm Negev sìnn mehrera isràeelischa Äntwìcklungsschtädt z’ fìnda, wia Dimona, Arad un Mitzpe Ramon, un àui zààhlriicha beduiinischa Klaischtädt wia Rahat, Tel Scheva un Lakiya.[3] Ainiga Derfer, wo d’ Beduiina noh 1948 grìnda hann, sìnn noch hìt nìt vu da isràeelischa Beheerda àànärkännt.[4] ’S sìnn àui mehrera Kibbuzim wia Revivim un Sde Boker. Bii Sde Boker lììgt d’ Ben-Gurion-Üniwärsiteet vum Negev mìt’ma Forschungszäntrum, wo ìn d’ Schtüdia vu da Wììschta schpeziàlisiart ìsch.[3]
Ìm Oktoower 2012 hàt dr Raisafiahrer Lonely Planet d’ Negev-Wììschta àls s’ zwaitbäschta regionààla Raisaziil ìn dr Walt g’lischtet.[5][6]
G’schìcht[ändere | Quälltäxt bearbeite]
Ìn dr reemischa Zitt ìsch d’ Wììschta Negev Tail vun’ra greessera Regioon, wo d’ Reemer mìt’m làtiinischa Nàmma Arabia Petraea b’zaichnet hann.[3]
Ànna 1922 ìsch dr Negev Tail vum Veelkerbundsmàndààt fìr Pàläschtiina worra. Bis 1946 hann ìn dr Regioon numma-n-Àrààwer g’woohnt. Mìt’m Morrison–Grady-Plààn hann d’ Briita dia Regioon ìn’ma àrààwischa Schtààt wälla gaa. Àlso hàt d’ Jìddischa-n-Àgantüür geplàànt, jìddischa Iiwànderer ìn 11 Orta ìm Negev z’ sììdla. Ain Joohr schpeeter hàt d’ UNO ìm Rààhma vun ìhrer Tailungsplààn dr Negev ìm näija Schtààt Israel gaa.[3]
a pààr Bìlder[ändere | Quälltäxt bearbeite]
-
Làndschàft ìn dr Wììschta Negev -
dr Zin-Tààl un Nachal Havarim bii Midreschet Ben-Gurion -
dr Barg Zin -
ìm Wadi Nachal Paran -
d’ Schlucht En Awdat -
d’ Schlucht En Awdat -
d’ Schlucht En Awdat -
ìm En-Awdat-Nàzionààlpàrk -
Làndschàft um Eilat -
ìm wäschtliga Negev -
a Fluss ìm Negev -
a Schtrooss ìm Negev -
a Wànderung ìm Negev -
a Pàlmpflànzung ìm süüdliga Negev
.jpg)
.jpg)
Lìteràtüür[ändere | Quälltäxt bearbeite]
- Negev. In: Brockhüüs Enzüklopädii. Brockhüüs (brockhaus.de).
- Negev. In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 6. Juni 2024]).
- Xavier de Planhol: Néguev. In: Encyclopædia Universalis. Encyclopædia Universalis France (französisch, universalis.fr [abgerufen am 6. Juni 2024]).
Weblìnks[ändere | Quälltäxt bearbeite]
Commons: Negev – Sammlig vo Multimediadateie- Detlef Jericke: Negev. In: Michaela Bauks, Klaus Koenen, Stefan Alkier (Hrsg.): Das wissenschaftliche Bibellexikon im Internet (WiBiLex), Stuttgart 2006 ff.
Ainzelnoohwiisa[ändere | Quälltäxt bearbeite]
- ↑ 1,0 1,1 Dia Informàzioona sìnn üss’m Àrtìkel Negev ìn dr hoochdiitscha Wikipedia ìwwernumma worra.
- ↑ Dia Informàzioona sìnn üss’m Àrtìkel Néguev ìn dr frànzeescha Wikipedia ìwwernumma worra.
- ↑ 3,0 3,1 3,2 3,3 3,4 Dia Informàzioona sìnn üss’m Àrtìkel Negev ìn dr anglischa Wikipedia ìwwernumma worra.
- ↑ Celestine Hassenfratz: Für Beduinen gibt es keinen Schutz. In: Die Zeit. 31. Juli 2014, archiviert vom Original am 18. Februar 2018; abgruefen am 6. Juni 2024: „Etwa 220.000 Beduinen wohnen in der Negev, einer Steinwüste, die knapp die Hälfte Israels einnimmt. 100.000 von ihnen leben in 35 Dörfern, die von der israelischen Regierung nicht anerkannt werden.“
- ↑ Ilan Gattegno: Negev named among top ten travel destinations for 2013. In: Israel Hayom. 26. Oktober 2012, archiviert vom Original am 6. Oktober 2014; abgruefen am 6. Juni 2024 (änglisch).
- ↑ Best in Travel 2013 – Top 10 regions. (Nicht mehr online verfügbar.) Lonely Planet, 23. Oktober 2012, archiviert vom Original am 9. März 2013; abgruefen am 6. Juni 2024 (änglisch).