Ando Hakob

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
De Ando Hakob

De Ando Hakob (* 6. März 1989 z Eriwan, Armenie), wo eigetlich Andranik Hakobyan heisst, isch en Schwiizer Profi-Boxer us Bade. Am 24. November 2017 het er z Gämf als de Schwiizer Meischtertitel im Super-Lichtgwicht gunne.

Läbe[ändere | Quälltäxt bearbeite]

De Ando Hakob isch z Eriwan uf d Wält cho und in äärmliche Verhältnis ufgwachse. Im 1996 isch d Familie über Wiissrussland und Pole uf Dütschland gflüchtet. Wo nach drü Johr de Asylaatrag vo de Familie abglehnt worde isch, isch d Familie witer uf Frankriich und Schpanie. Dur en Zuefall isch d Familie Hakobyan im 1999 i d Schwiiz cho und nach eme Umwäg über Gämf und Muri z Ännetpade heimisch worde.[1] Nachdem de Ando zerscht tschutet het, het er de Boxsport entdeckt und scho bim erschte Training gmerkt, dass das sin Sport isch.[2]

Karriere[ändere | Quälltäxt bearbeite]

Mit 18i het de Ando Hakob mit em Boxtraining aagfange. Es Johr spöter, am 20. November 2008 het er sin erschte Amateurkampf gunne und het bis und mit 2010 alles in allem 19 Amateur-Boxkämpf bestritte. Im 2010 het er de Schwiizer Meischtertitel für Amateur im Halb-Weltergwicht gunne, wil er de Riccardo Silva Ramos nach Pünkt besiigt het. Insgsamt het er in sinere Amateur-Karriere vo 67 Fights 62 für sich entschide.

Im 2014 het er denn zu de Profi gwächselt. I de Zwüscheziit het er 10 Profikämpf (Stand: 20. Februar 2018) bestritte und alli gunne, d Hälfti nach eme Knockout. De bisher letschti isch der um de Schwiizer Meischtertitel im Super-Lichtgwicht gsi, wo er gege de Cedric Kassongo gunne het.

Fuessnote[ändere | Quälltäxt bearbeite]

  1. Badener Tagblatt Online vom 14. Februar 2018: «Historischer Boxerfolg: Ando Hakob ist Schweizer Meister». Archiviert vom Original am 2018-02-14. Abgrüeft am 2018-02-20.
  2. Wettiger Nochrichte vom 15. Februar 2018: «De Ando Hakob isch Schwiizermeischter» bzw. s verlinkte Interview mit ihm (Site cha nüme abgrüeft wärde; Suche im Webarchiv)[1] [2] Vorlage:Toter Link/wettiger-nochrichte.ch