Anahita Rehbein

D Anahita Rehbein (* 1994 z Enzkofa) isch e dytsch Model. Im Februar 2018 isch si zur Miss Germany gwehlt wore.

Lääbe[ändere | Quälltäxt bearbeite]

D Anahita Rehbein isch z Enzkofa mit drei jingere Gschwischter ufgwachse. Ihre Vorname chunt us em Persische un maint Liebesgettin, e Hommage an e iranischi Mitschueleri vu ihre Mueter. Anne 2013 het si z Semmerenga an dr Liebfraueschuel Abitur gmacht. Derno isch si uf Stuegert zoge un studiert syter 2014 Bildigswisseschafte an dr Pedagogische Hochschuel z Ludisburg.

Im Juni 2017 isch si in dr Bodeseeklinik z Lindau zur Miss Bodesee gwelt wore. Si heb emol e Mail mit ere Wärbig fir d Miss Bodesee-Wahl kriegt un wel ihri Mueter z Lindau läbt un si die Wahl mit eme Bsuech bi dr Mueter het well verbinde, heb si si beworbe. Mit dr Wahl zue dr Miss Bodesee het si si fir d Wahl zue dr Miss Bade-Wirttebärg qualifiziert. Aafangs Novämber 2017 isch si derno zue dr Miss Bade-Wirttebärg gwehlt wore un het dodermit bi dr Miss Germany-Wahl derfe aadrätte.

No drei Wuche mit Foto-Shooting un Training un eme zeedägige Workshop uf Fuerteventura isch d Rehbein bim Finale in dr Nacht vum 24. uf dr 25. Februar 2018 im Europa-Park z Ruescht zur neie Miss Germany 2018 gwehlt wore. Ihri Amtszyt as Miss Germany isch ai Johr, in däre Zyt duet si s Studium unterbräche.

Wel si ne lychte schwebische Akzänt het, wänn si Hochdytsch schwätzt, het si no ihre Qualifikation zue dr Miss Germany-Wahl im Novämber 2017 no vorghaa, ass si wett „meinen Dialekt unter Kontrolle bringen“, well ere bi Tonufnahme ihres Schwebisch negativ uffalle diei. Bi dr Wahl zue dr Miss Germany het si derno gsait, si wett ihre Dialäkt nit verstecke: „Es ist meine Heimatsprache.“

Am 29. Augschte 2020 het si ire langjehrige Frynd, dr Unternämer Jörg Echtermann, ghyrote un haißt syterhär burgerli Echtermann.^[1] Im Juni 2021 isch ire gmainsam Suhn uf d Wälkt chuu.^[2]