Albiorix (Mond)
| XXVI Albiorix | |
|---|---|
| Vorläufigi Bezeichnig | S/2000 S 11 |
| Zentralchörper | Saturn |
| Eigeschafte vum Orbit | |
| Grossi Halbax | 16.182.000 km |
| Periapsis | 8.447.000 km |
| Apoapsis | 23.917.000 km |
| Exzentrizität | 0,478 |
| Bahnneigig | 33,98° |
| Umlaufzitt | 783,5 Däg |
| Middleri Orbitalgschwindigkeit | 1,50 km/s |
| Physikalischi Eigeschafte | |
| Albedo | 0,06 |
| Schinbari Helligkeit | 20,5 mag |
| Middlerer Durchmesser | ≈ 32 km |
| Masse | ≈ 2,1 × 1016 kg |
| Middlere Dichti | 2,3 g/cm³ |
| Fallbeschlünigung an dr Oberflächi | 0,0055 m/s² |
| Fluchtgschwindigkeit | 13 m/s |
| Entdeckig | |
| Entdecker | Brett Gladman et al. |
| Datum vu dr Entdeckig | 9. November 2000 |
Dr Albiorix (au Saturn XXVI) isch ein vu dr chleine ussere Mönd vum Planet Saturn.
Entdeckig
[ändere | Quälltäxt bearbeite]D'Entdeckig vum Albiorix durch e Astronometeam uf Ufnahme vum 9. November bis zum 17. Dezember 2000 isch am 19. Dezember 2000 bekannt gä worre. Dr Albiorix isch zerscht vorlaifig as S/2000 S 11 gnennt worre. Daift worre isch dr Mond uf dr Albiorix, ere Gottheit us dr keltische Mythologi.
Bahndate
[ändere | Quälltäxt bearbeite]Dr Albiorix umchreist dr Saturn uf ere sehr exzentrische Bahn ime middlere Abstand vu 16.394.000 km in rund 783 Däg un 11 Stunde, alo eweng iber zwei Erdjohr. D'Bahnexzentrizität betrait 0,4791, wobi d'Bahn mit 33,979° starch gege d'Äquatorebeni vum Saturn gneigt isch. Dr Albiorix ghört zue dr Gallische Gruppe vu dr Saturnmönd.
Ufbau un physikalischi Date
[ändere | Quälltäxt bearbeite]Dr Albiorix besitzt e gschätzte Durchmesser vu 32 km. Si us dr vermuetete Zämmesetzig abgleiteti Dichti isch mit 2,3 g/m3 im Verglich zue dr andere Saturnmönd relativ hoch. Mer vermuetet, dass er us Wasseriis mit eme hoche Adeil an silikatischem Gstei bstoht. Er het e sehr dunkli Oberflächi mit ere Albedo vu 0,06, d. h., numme 6 % vum igstrahlte Sunneliecht werre reflektiert.
Mit ere scheinbare Helligkeit vu 20,5m isch er e usserscht liechtschwach Objekt.
Weblink
[ändere | Quälltäxt bearbeite]- Saturn's Known Satellites (engl.)
- MPEC 2000-Y13: S/2000 S 11 19. Dezember 2000 (Entdeckig un Ephemeride)
- IAUC 7545: S/2000 S 11 (Site cha nüme abgrüeft wärde; Suche im Webarchiv) 19. Dezember 2000 (Entdeckig)
- MPEC 2001-T07: S/2000 S 5, S/2000 S 9, S/2000 S 11 6. Oktober 2001 (Wiiderentdeckig)
- IAUC 8177: Satellites of Jupiter, Saturn, Uranus 8. August 2003 (Nummerierig un Benennig)
|
Dä Artikel basiert uff ere fräie Übersetzig vum Artikel „Albiorix_(Mond)“ vu de dütsche Wikipedia. E Liste vu de Autore un Versione isch do z finde. |
_large.jpg)