Agapitus I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Agapitus I., Darstellig in dr Basilika Sankt Paul vor dr Muure

Dr Agapitus I. (au Agapetus oder Agapet; * vor 494 z Rom; † 22. April 536 z Konstantinopel) isch vum 13. Mai 535 bis zue sym Dod Papscht un Bischof vu Rom gsii.

Lääbe[ändere | Quälltäxt bearbeite]

Är isch e Suhn vum Presbyter Gordianus gsii,[1] wu bi Uurueje vu Aahänger vum Gegepapscht Laurentius umbrocht woren isch. Dr Agapitus het mit em Cassiodorus zämegschafft, go z Rom e Bibliothek vu chilchlige Autore in Griechisch un Lstynisch grinde,[2] was em Cassiodorus au bi sym Projäkt z Vivarium ghulfe het, wun er di große griechische Philosophe uf Latynisch ibersetzt het.

Pontifikat[ändere | Quälltäxt bearbeite]

Im Mai 535 isch dr Agapitus Noofolger vum Papscht Johannes II. (533–535) wore, wun er bin em as Erzdiakon im Dienscht gstande isch. Dr Chenig vu dr Oschtgote Theodahad (480–536) het en bäte, uf Konstantinopel z raise, go dr Chaiser Justinian I. (482–565) vun ere Invasion z Italie noch em Dod vu dr gotische Chenigi Amalasuntha († 535), wu em Chiaswe fryndli gsinnt gsii isch, abzhalte. Vu Rom uf Konstantinopel isch dr Sergios vu Resaina mit em gange. Em Agapitus isch s nit glunge, dr Justinian vu syne Blän abzbringe, sy Ufenthalt het aber zuen ere Ussenandersetzig mit em Patriarch Anthimos I. (535–536) gfiert, wu vu dr Frau vum Chaiser Theodora I. (500–548) unterstitzt, bim orientalische Klerus aber nit gschetzt woren isch un wu Aahänger vum Monophysitismus gsii isch. Die Lehr isch im Konzil vu Chalcedon verworfe wore, un dr Agapitus het s gschafft, ass dr Chaiser dr Anthimos abgsetzt het. Dr Agapitus het dr Menas zue sällem sym Noofolger gweit un het eso s Bindnis vu dr Chilche chenne feschter mache.

Dr Agapitus isch bald ruf z Konstantinopel gstorbe, vergrabe woren isch er z Rom in dr Grotte unter hitige Petersdom.

Verehrig[ändere | Quälltäxt bearbeite]

Sy Wirke het zuen ere Entspannig zwische Wescht- un Oschtchilche gfiert un är wird au hite no vu dr Orthodoxe as Hailge verehrt. Sy Mahndag in dr remisch-kadolische Chilche isch dr 22. April, in dr orthodose näb em 22. Au no dr 17. April. Agapet I. wird im Papschthees dargstellt un drair as Attribut d Tiara un dr Chryzstabd (mit drei Querbalke).

Literatur[ändere | Quälltäxt bearbeite]

  • Adolf Jülicher: Agapetos 8. In: Paulys Realencyclopädie der classischen Altertumswissenschaft (RE). Band I,1, Stuttgart 1893, Sp. 734–735.
  • Friedrich Wilhelm Bautz: AGAPET I.. In: Biographisch-Bibliographisches Kirchenlexikon (BBKL). Band 1, Hamm 1975, Sp. 52.
  • James Loughlin: Pope St. Agapetus I. In: Catholic Encyclopedia, Band 1, Robert Appleton Company, New York 1907 (änglisch)

Weblink[ändere | Quälltäxt bearbeite]

 Commons: Agapitus I. – Sammlig vo Multimediadateie
  • Agapitus I. im Ökumenische Heiligenlexikon
  • Agapito, In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 27. Juli 2016. (änglisch)
  • 57. Papst der Katholischen Kirche

Fueßnote[ändere | Quälltäxt bearbeite]

  1. Gordiano, In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 27. Juli 2016. (änglisch)
  2. Günter Ludwig: Cassiodor. Über den Ursprung der abendländischen Schule. Frankfurt a. M. 1967, S. 13 un 17
VorgängerAmtNachfolger
Johannes II.Papscht
535–536
Silverius
Information icon.svg Dä Artikel basiert uff ere fräie Übersetzig vu dere Version vum Artikel „Agapitus_I.“ vu de dütsche Wikipedia. E Liste vu de Autore un Versione isch do z finde.