Laurentius (Gegepapscht)
Dr Laurentius († 506/507) isch vu 496 bis 499 Gegepapscht gsii.
Lääbe un Wirke
[ändere | Quälltäxt bearbeite]Noch em Dod vum Papscht Anastasius II. sin noch ere fimfdägige Sedisvakanz am 22. Novämber 498 zwee Noofolger gwehlt wore. Dr aint isch dr Symmachus, en ehmolige Diakon, dr ander dr bishärig Archipresbyter Laurentius. Är isch nume vun ere Minderhait gwehlt wore, dr Adel un dr Senat vu Rom sin aber uf dr Syte vum Laurentius gstande.
Dr Laurentius het s Akakianisch Schisma, wu s syt 484 gee het, welle bylege un het wäge dämen Uusglych mit Konstantinopel gsuecht. Dr Symmachus het dergege Byzanz gegeniber nit welle noogee. Wel sie zue kaire gmainsame Bolitik gfunde hän, hän boodi Barteiedr Chenig Theoderich al iSchidsrichter uf Rom gruefe.
Dr Oschtgotechenig het dr Symmachus anne 499 as Bischof vu Rom anerkännt un het derfir gsorgt, ass dr Laurentius s Bischtum Nuceria Alfaterna z Kampanie iberchuu het. Dr Symmachus, wu jetz aidytige Bischof gsii isch, isch zwai oder drei Johr speter in e Grichtsskandal verwicklet gsii, was sym Aasää arg gschadet het, Dr Theoderich isch aafangs wäge däm vun em abgange un dr Laurentius isch uf Rom retuur chuu. Vu eppe 502 bis 506 hän si boodi Barteie heftigi Stroßeschlachte z Rom gliferet, was d Burgerschaft derzue brocht het, dr Theoderich z ruefe. Dää het si wider fir dr Symmachus yygsetzt, wel sälle, im Gegesatz zum Laurentius, mit syre stränge Haltig zum Akakianische Schisma di antibyzantinisch Bolitik vum Chenig unterstitzt het.
Dr Laurentius het si derno uf sy Landguet bi Rom zrugzoge un isch um 506 as Asket gstorbe.
Literatur
[ändere | Quälltäxt bearbeite]- Ekkart Sauser: Laurentius, Gegenpapst. In: Biographisch-Bibliographisches Kirchenlexikon (BBKL). Band 4, Herzberg 1992, ISBN 3-88309-038-7, Sp. 1249–1252.
- Eckhard Wirbelauer: Zwei Päpste in Rom. Der Konflikt zwischen Laurentius und Symmachus. (498–514). tuduv-Verl.-Gesellschaft, München 1993, ISBN 3-88073-492-5 (Quellen und Forschungen zur antiken Welt 16), (Au: Freiburg (Breisgau), Univ., Diss., 1992).
Lueg au
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Laurentius_(Gegenpapst)“ vu de dütsche Wikipedia. E Liste vu de Autore un Versione isch do z finde. |