Adolf Riedlin

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Adolf Riedlin (* 3. April 1892 z'Laufe bi Sulzburg im Landchreis Brisgau-Hochschwarzwald; † 9. September 1969 z'Friburg) isch e dütsche Moler gsi.

Läbe und Werk[ändere | Quälltäxt bearbeite]

De Adolf Riedlin het noch de Schuel zerscht e Lehr als Moler und Lackierer z'Friburg absolviert, wu er 1910 mit de Gselleprüefig abgschlosse het. Ab 1911 het er d'Kunstgwerbschuel z'Karlsrueh bsuecht. 1912/13 het er dann no zwei Semeschter an der Großherzogliche Kunstschuel Karlsrueh als Schüeler vum Profässor Walter Georgi. Hindenooch het er selbstständig als Chilchemoler gschafft.

1914 isch de Riedlin zum Militär iizoge worde. Im September 1914 isch er schwer verwundet worde, aber bis zum Kriegsendi isch er wieder gsund gsi un het an d'Front müesse.

Vu 1919 bis 1920 isch er Schüeler vum Adolf Hölzel an de Stuegeter Kunschtakademie gsi. De Hölzel, wu hüd als eine vu de Wegbereiter in de Entwicklig vu de abstrakte Molerei gilted und sich no vor em Kandinsky mit abstrakte Gstaltige befasst het, het de Riedlin beiidruckt. Er het ab 1921 Erfahrige als freie Moler gsammlet und isch 1924 uf Bade-Bade umzoge, wu er sich mit de Porträtmolerei bschäftigt het. 1926 isch er uf Laufe zruggkehrt.

Bimene fünfmonatige Ufenthalt in Paris anne 1928 isch er vu de Surrealischte un vum Kubismus prägt worde. Sini Darstellige vu Markgräfler Landschafte un Mensche im Stil vum expressive Realismus hänn ihm d'Ächtig vu de nationalsozialistische Kulturpolitik iibrocht.

Ab 1930 het er z'Basel gwohnt, aber 1933 isch er wieder uf Laufe zrugg. 1937 isch er dann uf Friburg zoge. Dört sin im gliiche Johr durch d'Richskulturkammere fünf als „entartet“ iigstufti Bilder us em Augustinermuseum z'Friburg beschlagnahmt und hii gmacht worde.

1940 het er nomol Kriegsdienst leischte müesse un isch in amerikanischi Kriegsgfangeschaft chu. Nach sinere Entlassig 1946 het er wider z'Friburg gwohnt, wu er 1969 gstorbe isch.

Literatur[ändere | Quälltäxt bearbeite]

  • Paul Ibenthaler: Adolf Riedlin, in: Unser Lörrach, eine Grenzstadt im Spiegel der Zeit. Lörracher Chronik 1970, S. 13 ff. Lörrach-Tumringen, Kropf & Herz 1970.
  • Adolf Riedlin 1892–1969. Ausstellungskatalog, Augustinermuseum Freiburg im Breisgau; Museum am Burghof Lörrach, 1992.
  • Antje Lechleiter: Die Künstlergruppe „Badische Secession“. Geschichte, Leben und Werk ihrer Maler und Bildhauer. Frankfurt u. a., Lang 1994. ISBN 3-631-47034-7

Weblink[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vu dere Version vum Artikel „Adolf_Riedlin“ vu de dütsche Wikipedia. E Liste vu de Autore un Versione isch do z finde.