Adolf Heer

Us der alemannische Wikipedia, der freie Dialäkt-Enzyklopedy
Adolf Heer

Dr Adolf Heer (* 13. September 1849 z Vehrebach im Schwarzwald; † 29. Mai 1898 z Karlsrueh) isch e dütsche Bildhauer gsi.

Läbe[ändere | Quälltäxt bearbeite]

Dr Adolf Heer isch als Soon vom Bildhauer Joseph Heer z Vehrebach im Schwarzwald uf d Wält cho. Er het bi sim Vatter und bi sim Onkel Carl Heer, wo s Bildhauergschäft Gebrüder Heer betribe händ, de Pruef glehrt.

Dr Heer het den a der Kunstgwärbschuel z Nürnbärg und a der Kunstakademii z Berlin studiert. Z Berlin het er i de Atelie vom Rudolf Siemering und vom Alexander Calandrelli gschaffet, und derno vo 1873 bis 1875 z Dresden bim Adolf Breymann. Vo ane 1877 bis is 1880i isch er z Rom gsi zum d Kunstwärch us der antike Zyt z studiere.

Ane 1881 isch dr Heer Profässer a dr Kunstgwärbschuel z Karlsrueh worde, und das isch er bis zu sim früene Tod 1898 blibe.

Wärch[ändere | Quälltäxt bearbeite]

  • Bade-Bade:
    • Figure vom Kaiserin-Augusta-Bad
  • Eschinge:
  • Heidelbärg:
  • Karlsrueh:
    • Allegorischi Figuregruppe „Feschtfreud und Ruhm“ a dr Feschthalle
    • Grabmal vom Scheffel
    • Ryterstandbild vom Kaiser Wilhelm I.
  • Neudinge:
    • Zwei Ängelsfigure für Maria-Hof
  • Osnabrück:
    • Ryterstandbild vom Kaiser Wilhelm I.

Weblink[ändere | Quälltäxt bearbeite]

 Commons: Adolf Heer – Sammlig vo Multimediadateie