Wüsseschaft
Mit Wüsseschaft isch d Erwiterig vom Wüsse dur Forschig gmäint, si Witergoob dur d Leer, dr gsellschaftligi, historischi und instituzionelli Raame, wo mä das in em organisiert macht, und s ganze Wüsse, wo so erworbe worde isch. D Forschig isch die methodischi Suechi noch nöije Erkenntniss und iiri süstematischi Dokumentazioon und Veröffentligung in dr Form vo wüsseschaftlige Arbäite. D Leer isch d Witergoob vo de Grundlaage vom wüsseschaftlige Forsche und d Vermiddlig vom ene Überblick über s Wüsse vom ene Forschigsfäld (dr sogenannt aktuell Stand vo dr Forschig).
D Wüsseschaftstheorii
[ändere | Quälltäxt bearbeite]D Wüsseschaftstheorii isch e Däilgebiet vo dr Filosofii, wo sich mit em Sälbstverständnis vo dr Wüsseschaft in dr Form vo dr Analüüse vo iire Vorussetzige, Methode und Ziil beschäfdigt. Dodrbi wird bsundrigs iire Woorhetsaaspruch kritisch hinderfrogt. Für d Forschig, wo noch nöije Erkenntniss suecht, isch bsundrigs d Froog noch de Methode und Vorussetzige für d Erkenntnisgwünnig vo Bedütig. Die Froog wird in dr Erkenntnistheorii behandlet.
Wüsseschaftsberiich
[ändere | Quälltäxt bearbeite]
Scho dr Aristoteles het d Wüsseschaft in Däilberiich, sogenannti Äinzelwüsseschafte iidäilt. Die klassischi nöizitligi Iidäilig underschäidet Natur-, Gäistes- und Gsellschaftswüsseschafte und Gebiet, wo dank dr Verwüsseschaftligung drzue cho si: Agrar-, Ääscheniöör-, Wirtschafts-, Rächtswüsseschaft und Medizin.
D Iidäilig vo dr Wüsseschaft isch bsundrigs für organisatorischi Zwäck (Fakultääte, Fachberiich) und für die süstematischi Ornig vo Veröffentligunge vo Bedütig (z. B. Dewey Decimal Classification, Uniwerselli Dezimalklassifikazioon).
Mee und mee wärde au interdisziplinääri Beriich definiert, wo sich mit Frooge beschäfdige, wo zwäi oder no mee Wüsseschaftsgebiet aagöön.
Lueg au
[ändere | Quälltäxt bearbeite]
Litratuur
[ändere | Quälltäxt bearbeite]- Guy Debord: Die Gesellschaft des Spektakels, Berlin: Edition Tiamat, 1996, S.230 ff..
- Hartmut Heuermann: Wissenschaftskritik. Konzepte Positionen Probleme, Tübinge und Baasel: A. Francke, 2000.
- Ulrich Herb: Empfehlungen, Stellungnahmen, Deklarationen und Aktivitäten wissenschaftspolitischer Akteure zur Gestaltung des wissenschaftlichen Kommunikationssystems. Berlin: Berlin-Brandenburgische Akademie der Wissenschaften, 2012.
Weblingg
[ändere | Quälltäxt bearbeite]
Commons: Wissenschaften – Sammlig vo Multimediadateie- Grundsätze zur Sicherung guter wissenschaftlicher Praxis (PDF; 708 kB) der Deutschen Forschungsgemeinschaft, Januar 1998
- Exposure Science in the 21st Century: A Vision and a Strategy, The National Academies Press, gratis pdf, änglisch
|
Dä Artikel basiert uff ere fräie Übersetzig vum Artikel „Wissenschaft“ vu de dütsche Wikipedia. E Liste vu de Autore un Versione isch do z finde. |