Toledo

E aglüegti Version vo derre Site, wo am 13. Jänner 2020 freige worre isch, basiert uff derre Version.

Gemeinde Toledo

Blick uf Toledo mit em Alcázar und dr Kathedrale

Wappe

Charte vo Spanie

Basisdate

Autonomi Gmäinschaft:

Kastilien-La Mancha

Browinz:

Toledo

Koordinate

39° 52′ N, 4° 2′ WKoordinate: 39° 52′ N, 4° 2′ W

Hööchi:

454 msnm

Flechi:

232,1 km²

Iiwooner:

84.873 (1. Jan. 2019)^[1]

Bevölkerigsdichdi:

365,67 Einw./km²

Bostläitzaal:

45001–45009

Gemeindenummer (INE):

45168

Verwaltig

Bürgermäister:

Emiliano García-Page Sánchez (PSOE)

Website:

www.toledo.es

Toledo (schbanisch [toˈleðo]) isch d Hauptstadt vo dr spanische Browinz Toledo und vo dr autonome Region Kastilie-La Mancha und lit 65 km südsüdwestlig vo Madrid am Fluss Tajo. D Stadt het am am 1. Januar 2014 83'334 Iiwooner gha und isch dr Sitz vom Erzbistum Toledo. Zämme mit Segovia und Ávila ghöört si zu de drei historische Metropole in dr Umgääbig vo dr spanische Hauptstadt.

Geografii

Toledo lit öbbe 100 Meter über em Ufer vom Fluss Tajo, wo sich in Mäander dief in dr Felse vo dr Hoocheebeni vo dr Südmeseta iigschnitte het, und beherrscht dr Flussübergang, wo hüte dur e middelalterligi Brugg representiert wird.

D Gliiderig vo dr Stadt

D Stadt Toledo gliideret sich in 16 Stadtbezirk (barrios): Antequeruela, Azucaica, Benquerencia, Buenavista, Casco histórico, Cigarrales, Monte Sión - San Bernardo, Olivilla, Palomarejos, Pinedo, Salto del Caballo, San Antón, Santa Bárbara, Santa Teresa, Valparaiso und Vistahermosa. D Bezirk Antequeruela und Casco histórico bilde dr historisch Stadtchärn innerhalb vo de Stadtmuure.^[2]

Innerhalb vom historische Stadtchärn lige Stadtdäil wie Santa Clara oder Santa Isabel.^[3]

Seenswürdigkäite

Toledo Panorama-Aasicht

D Altstadt mit dr Kathedrale Santa María us em 13. bis 15. Joorhundert und em Alcázar us em 16. Joorhundert und e hufe anderi Chile, e Chlooster und Museum isch im Dezämber 1986 in d Liste vom UNESCO-Wältkulturerb ufgno worde. Us em ehemoolige Hospital de Santa Cruz us em 15./16. Joorhundert in dr Nööchi vom Alcázar het mä e Museum gmacht.

D Brugg vo Alcántara über e Tajo isch sit dr Römerzit dr Hauptzuegang vo dr Stadt gsi und isch im Spootmiddelalter dur d Puente de San Martín ergänzt worde, wo die fümf Spitzbööge von ere Spannwitene bis zu 40 Meter erräiche.

Seenswärt si au zwäi vo de ganz sälte erhaltene middelalterlige Synagoge, El Tránsito und Santa María la Blanca, wo noch dr Verdriibig vo de Juude 1492 as Chille brucht worde si. An dr Chille San Juan de los Reyes cha mä hüte no d Chettene vo dene gsee, wo us dr Sklaverei, bi de Berbereske usglööst worde si. Au die chliini Chille El Cristo de la Luz, wo im spoote 10. Joorhundert as Moschee baut worde isch, loont sich aazluege. En imposants Stadtdoor isch d Puerta Nueva de Bisagra, wo um 1550 baut worde isch, mit eme groosse kaiserlige Wabbe uf dr Ussesite; d Puerta Vieja de Bisagra us em 9. Joorhundert, won e Huefiisebooge drüber goot, stoot grad nääbedraa.

Toledo vom Parador us gsee
D Kathedrale vo Toledo
E Sitegang in dr Kathedrale
D Plaza de Zocodover noch dr berüemtiste Fronliichnamsfiir vo Spanie
S jetzige Museum Santa Cruz
D Puerta de Bisagra
E Wasserspöier in dr Form vom ene Dudelsackpfifer, Claustro de San Juan de los Reyes

Litratuur

Hannah Lynch: Toledo. London: Dent, 1898.
Albert Frederick Calvert: Toledo. An historical and descriptive account of the City of Generations. London: Lane, 1907.
Rufino Miranda: Toledo. Über Kunst und Geschichte. Toledo: Cruz, 2000. ISBN 84-87318-05-3.
Isabel del Rio de la Hoz: The Cathedral and City of Toledo. National Monuments of Spain. Scala Publishers, 2006. ISBN 978-1-85759-212-2.
Tobias Rütenik: Transformationen von Moscheen zu Kirchen in Toledo. In: Beiträge zur Islamischen Kunst und Archäologie, Bd. 2, Hgg. Markus Ritter und Lorenz Korn, Wisbade: Reichert, 2010, S. 37–59. ISBN 978-3-89500-766-8.

Weblingg

Commons: Toledo – Album mit Multimediadateie

Legände vo Toledo
Mi Toledo
Panoramischi Abbildige vo Toledo
Bilder vo Toledo
Toledo Informazioon und Fotene (änglisch)
Toledo uf dr Website vom offizielle Turismusbüro (dütsch)
Abbildig vo dr Stadt 1566 in Civitates orbis terrarum vom Georg Braun und Frans Hogenberg
Illustrazioon vom Daniel Meisner vo 1623: Toledo; Tota Vita Sapientis Es Meditatio Mortis (Digitalisat)

Fuessnoote

↑ Cifras oficiales de población resultantes de la revisión del Padrón municipal a 1 de enero. Bevölkerungsstatistiken des Instituto Nacional de Estadística (Bevölkerungsfortschreibung).
↑ Barrios de Toledo Archivlink (Memento vom 3. Augschte 2015 im Internet Archive) (abgrüeft am 28. April 2010)
↑ Stadtplan Archivlink (Memento vom 27. Septämber 2010 im Internet Archive)

Dä Artikel basiert uff ere fräie Übersetzig vum Artikel „Toledo“ vu de dütsche Wikipedia. E Liste vu de Autore un Versione isch do z finde.

[1] Cifras oficiales de población resultantes de la revisión del Padrón municipal a 1 de enero. Bevölkerungsstatistiken des Instituto Nacional de Estadística (Bevölkerungsfortschreibung).

[2] Barrios de Toledo Archivlink (Memento vom 3. Augschte 2015 im Internet Archive) (abgrüeft am 28. April 2010)

[3] Stadtplan Archivlink (Memento vom 27. Septämber 2010 im Internet Archive)

[1]

[2]

[3]