Kwelle vom Rhy
Als Kwelle vom Rhy gilt allgemein d Gägend vom Tomasee i der Nöchi vom Oberalppass im Kanton Graubünde. D Kwelle vom Bärgbach isch chly oberhalb vom See.[1]
Vorderrhy
[ändere | Quälltäxt bearbeite]Vom Tomasee us flüsst der Bach Rein da Tuma is Taal abe und chunt churz drufabe der Name Vorderrhy (romanisch Rein Anteriur) über. Der Vorderrhy flüsst dur d Surselva und chunt bi Riichenau mit em Hinderrhy zäme. Vo Riichenau us heisst der Fluss Rhy.
Hinderrhy
[ändere | Quälltäxt bearbeite]Dr Hinderrhy het syni Kwelle i dr Gmeind Hinderrhii am Rhywaldhorn.
Kwelle vo es baar Näbeflüss
[ändere | Quälltäxt bearbeite]Näbe der Hauptkwelle bim Tomasee gits no anderi Kwelle vo de verschidene Näbeflüss, wo au der Name Rhy träge:
- Medelser Rhy, Mit der Kwelle i der Tessiner Gmeind Quinto
- Rein da Maighels, mit der Kwelle under am Maighelsgletscher
- Rein da Curnera, mit der Kwelle am Piz Curnera
- Rein da Nalps, mit der Kwelle am Nalpspass
- Cristallina-Rhy, mit de Kwellbech am Casatschagletscher und bim Uffiernsee
- Rein da Fuorns, mit der Kwelle am Gletscher Davos la Buora
- Plattasrhy, mit de vile Kwellebech uf Sut Glatscher am Plattasgletscher
- Valser Rhy, mit der Kwelle am Läntagletscher
- Oovnerrhy, e Näbefluss vom Hinderrhy mit der Kwelle vom Madrischer Rhy i dr Gmeind Bergäll