Passhöchi
D Passhöchi bezeichnet di tüüfstmöglichi gangbari Stell zur Öberquerig bimene Bergchamm, Höherugge oder bim Grotverlauf zwüsche zwei Bergchettene, z. B. binnere Passstross oder eme Gebirgspass. Es wird die absoluti Höchi über em Meeresniveau vomene Pass i Meter oder Fuess aagee.
D Passhöchi isch nöd immer de höchsti Punkt vome Übergang. De Verlauf vonere Passstross chan vor oder noch de Passhöchi us verschidnige Gründ nomol aastiige. Z. B. erreicht d Stross, wo vo Disentis her dur s Medelsertal uf de Lukmanierpass ufe chunnt, eren eigentliche Kulminationspunkt (d Scheitelhöchi) uf 1'972 m i de Galerii nördlich vo de eigentliche Passhöchi, wo sälber nu uf 1'915 m ü. M. liit. Da hät z tue demit, as i de 1960er Johr en Stausee baut worde isch und d Passstross hät müese witer ufe verlait wärde.
Lueg au
[ändere | Quälltäxt bearbeite]- Gebirgspass
- Talpass oder Engtal
- Alpepäss im Wallis zur römische Zyt
- Liste vo de Alpepäss
- Liste vo de Gebirgspäss z Frankrych
- Liste vo de Alpepäss z Italie
- Liste vo de Päss z Östrych
- Liste vo de Päss i de Schwiz
Weblink
[ändere | Quälltäxt bearbeite]
Commons: Pässe – Sammlig vo Multimediadateie