Brandenkopf

Brandenkopf
	Blick uf dr Brandekopf Blick uf dr Brandekopf
Hechi	945 m ü. NHN
Lag	Bade-Wirttebärg
Gebirg	Mittlere Schwarzwald
Geografischi Lag	48° 20′ 19″ N, 8° 9′ 13″ OKoordinate: 48° 20′ 19″ N, 8° 9′ 13″ O
	Brandenkopf (Baden-Württemberg) Brandenkopf
	Brandenkopf (Baden-Württemberg) Brandenkopf

E aglüegti Version vo derre Site, wo am 12. Juli 2016 freige worre isch, basiert uff derre Version.

f

Dialäkt: Markgreflerisch (Obfige)

Dr Brandekopf isch mit 945 m ü. NHN ain vu dr hegschte Berg im Mittlere Schwarzwald. Dr Berg lyt im Ortenaukreis z Bade-Wirttebärg uf em Baan vu dr Gmaine Fischerbach, Haamerschbach un Huusä, dr Spitz sälber ghert zue Haamerschbach. Dr Berg bildet dr markant Mittelpunkt zwische dr Däler vu dr Kinzig, dr Wolf un vum Haamerschbach.

Dr Name vum Brandekopf stammt vun eme große Waldbrand anne 1730. Vor däre Brunscht isch dr Bärg Varnlehenskopf gnännt wore.

Dr Brandenkopf isch us verschidene Richtige guet erschlosse mit Stroße un Wanderwäg (u. a. Hansjakobwäg II un e Verbindig zum 3,5 km wyt ewäge Weschtwäg).

Uf em Bärg stoht dr Sänder Brandekopf.

Zum Aaluege

Syter anne 1929 git s dr 29 m hoch Brandekopfdurm, e gmuurte Uussichtsdurm, wu ne wyte Uusblick uf d Landschaft vum Schwarzwald, an haitere Däg bis zue dr Alpe, dr Vogese un dr Schwebische Alb. Vor em Böu vum Staidurm het s scho helzerni Vorgänger ghaa.

Dr Schwarzwaldverain unterhaltet uf em Brandekopf e Wanderhaim mit eme aagschlossene Gaschthuus. Di guet Lag vum Bärg mit ere durschnittlige Windgschwindigkait vu 5,8 m/s wird dur e Windenergiaalag gnutzt.

Im Summer 2002 isch as zwooti windenergiaalag s Burgerwindrad Brandekopf rund 350m weschtli vum Wanderhaim in Bedriib gnuu wore. Die Aalag erzygt am Brandekopf iber 2.000.000 kWh Strom im Johr.