Schimon Peres
Dr Schimon Peres (hebräisch שמעון פרס, arabisch شمعون بيرس, ursprünglig Szymon Perski; * 2. August 1923 z Wiszniewo, Pole, hüte Wischnewa, Wiissrussland; † 28. September 2016 z Tel Aviv) isch en israelische Politiker und Friedesnobelpriisdräger gsii. Är isch vo 2007 bis 2014 dr Presidänt vom Staat Israel gsii.
Läbe und Wirke
[ändere | Quälltäxt bearbeite]Uf d Wält choo isch de Peres as Soh vomene Holzhändler. Sii Familie isch mit em 1934 uf Tel Aviv usgwanderet. Uufgwachse isch er dört ime Kibbuz. 1939 isch er i di marxistisch-zionistisch Mapai-Partei iidrätte un het sich de Gwäärchschaft Histadrut aagschlosse. 1947 het er zur israelische Armee un isch im Israelische Unabhängigkeitschrieg 1947–49 de Leiter vom Seedienst gsi. I de Füfzgerjohr het er sich starch um d Bewoffnig vo Israel gchümmered; ziitewiis het der a der amerikanische Harvard-Universiteet Verwaltigswissenschaft gstudiert.
Dr Peres isch 1959 is israelisch Parlament, d Knesset, gwehlt worde. Ab em gliiche Johr hed er verschiideni Ministerpöste iignoo – für Verteidigung, Iiwanderig/Integration, Verchehr/Kommunikation und Information. Ab 1977 isch er meh as eimol dr Vorsitzend vo der israelische Arbetspartei gsi, won er aber 2006 drus usdrätte isch. Vo 1984 bis 1986 isch er denn dr acht Ministerpresidänt vo Israel gsi und wider für e churzi Ziit vo 1995 bis 1996 noch em Mord am Jitzchak Rabin. Er isch au dr stellverträtend Regierigschef und Usseminister in der Regierig vom Ariel Scharon vo 2001 bis 2002 gsi. Vom Januar 2005 aa isch er wider Vize-Ministerpresidänt in de Regierige vom Ariel Scharon und Ehud Olmert gsi.
Am 13. Juni 2007 isch er vo dr Knesset zum nünte Staatspresidänt vo Israel as Nochfolger vom Mosche Katzaw gwehlt worde. Dr Peres het siini siibejöhrigi Amtsziit am 15. Juli 2007 agfange. Zue siim Noofolger isch am 10. Juni 2014 de Reuven Rivlin gwehlt worde.
De Peres isch e Cousin gsi vo dr Schauspilere Lauren Bacall.
Literatur
[ändere | Quälltäxt bearbeite]- Tamar Amar-Dahl: Shimon Peres. Friedenspolitiker und Nationalist. Schöningh Verlag, Paderborn 2010.
Weblink
[ändere | Quälltäxt bearbeite]
Commons: Shimon Peres – Sammlig vo Multimediadateie- Informatione vu dr Nobelstiftig zue dr Pryysverleihig 1994 an Schimon Peres (änglisch)
- Offizielli Biographi vom Israelische Usseministerium no dr Wahl vom Peres zum Präsidente (englisch)
- D Aatrittsred vom Schimon Peres als Staatspräsident am 15. Juli 2007 (englisch)
- Schimon Peres – d Site vo dr Knesset
- Website des Peres Center for Peace
- Offizielli Site vom Präsident vo Israel
|
Dä Artikel basiert uff ere fräie Übersetzig vum Artikel „Schimon_Peres“ vu de dütsche Wikipedia. E Liste vu de Autore un Versione isch do z finde. |