305

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

| 3. Jh. | 4. Jahrhundert | 5. Jh. |
| 270er | 280er | 290er | 300er | 310er | 320er | 330er |
◄◄ | | 301 | 302 | 303 | 304 | 305 | 306 | 307 | 308 | 309 | | ►►

305
Pantaleon
dr häilig Pantaleon, wo as chrischtliche Glaubenszüüge stirbt
305 in andere Kaländer
Ab urbe condita 1058
Armenische Kaländer -247–-246
Ethiopische Kaländer 297–298
Buddhistische Kaländer 849
Chinesische Kaländer
 – Ära 3001–3002 oder
2941–2942
 – 60-Joor-Ziklus

Holz-Ratte (甲子, 1)–
Holz-Rind (乙丑, 2)

Hebräische Kaländer 4065–4066
Islamische Kaländer 327 BH–326 BH
Thai-Solar-Kaländer 848

d Röömer und d Alemanne[ändere | Quälltäxt bearbeite]

  • Bi dr alte Stadt Augusta Raurica am Rhy, wo im spoote dritte Joorhundert bi de Raubzüüg vo de Germaane kabut gmacht worden isch, wird die starchi Feschtig Castrum Rauracense, wo e wichtige Teil vo dr nöie Gränze zum Piet vo den Alemannen isch, fertig bout (öppen anne 305). Die grossi Burg isch grad bi dr römische Brugg übere Rhy.
  • Im Castrum Rauracense sin Truppe vo dr Erschte römische Legioon, dr Legio I Martia, stazioniert, und doo isch sogar s Hauptquartier vo däre Legioon.
  • Uf em Tänkmool vo Nikäa, wo öppen anne 305 ufgstelt wird zum a d Syg vom Constanzius über frömdi Völker z maane, stoot bi de figuure ufem Relief dr Naame Alemannia.[1]

was isch suscht no bassiert ?[ändere | Quälltäxt bearbeite]

  • Dr Kaiser Dioklezian und dr Mitkaiser Maximian trätte zrugg. Dr Dioklezian isch sächzg Joor alt, er het öppe zwänzg Joor lang s Rych regiert.
  • Dr Constantius I. und dr Galerius wäärde Kaiser vo Rom.
  • Dr Flavius Valerius Severus un dr Gaius Galerius Valerius Maximinus wärde noch em Regierigssischteem vo dr Tetrarchy nöi Zäsaare.
  • D Hauptstadt vom röömische Rych wird vo Rom uf Mailand verläit.
  • Ufem Chilekonzyl vo Eliberitanum – das isch «öppen anne 305» gsi – wird abgmacht, ass men am Samschti söll faschte, as me kei Zins törf nää, ass me d Bilder nit vereeri und ass d Prieschter nit dörfe hüroote.
  • Bi dr Chrischtevrfolgig, wo dr Kaiser Dioklezian anne 303 befole het, stirbt dr Pantaleon as chrischtliche Glaubenszüüge (Märtirer).
  • Z Egipten isch d Chrischteverfolgig psunders schlimm. Teil Chrischte flüchten i d Wüeschti und läbe döört as Eremite.
  • Gwüss näbe vilen andere, wo me nit mit Naaem kännt, stärbe d Dorothea, dr Gorgonius, d Margreet vo Antiochie und dr Soteris as chrischtlechi Märtirer.
  • Z Pozzuoli wärde dr häilig Prokulus und dr häilig Januarius im Amfitheater de wilde Dier zum frässe higläit, und drno wärde si z Solfatara gchöpft.
  • Die häiligi Katrin bezüügt z Alexandria öfentlich ire chrischtlich Glauben und wird uf eme Raad gfolteret – s Raad isch spöter i dr chrischtlichen Ikonografy iires Attribut – und drno gchöpft.
  • Dr griechisch Filosoof Porphyrios stirbt.
  • Z Britannie isch Chrieg zwüsche de Röömer un de Pikte.

Weblink[ändere | Quälltäxt bearbeite]

 Commons: 305 – Sammlig vo Multimediadateie

Fuessnoote[ändere | Quälltäxt bearbeite]

  1. K. Bittel: Das Alamannia-Relief in Nicaea. In: Istanbuler Mitteilungen, 39, 1989, S. 85–88.