(22) Kalliope I Linus
| (22) Kalliope I Linus | |
|---|---|
| Entdeckig | |
| Entdecker | Jean-Luc Margot un Michael E. Brown |
| Datum vu dr Entdeckig | 29. August 2001 |
| Date vum Orbit | |
| Middlerer Bahnradius | 1065 km[1][2][3] |
| Bahnexzentrizität | < 0.005[1] |
| Umlaufzitt | 3.590[1] Däg |
| Bahngschwindigkeit | 21.5 m/s |
| Inklination | 9°[1] |
| Natürlicher Satellit vu dr | (22) Kalliope |
| Physikalischi Date | |
| Middlerer Durchmesser | ~30–45 km[2][3] |
| Masse | ~6×1016 kg[2][3] |
| Dichti | ~2-2.4 g/cm3 |
| Gravitation (a.d. Oberfl.) | ~0,01 m/s2 |
| Fluchtgschwindigkeit | ~20 m/s |
| Axneigig | ? |
| Albedo | ? |
| absoluti Helligkeit | 9.7[3] |
| Dialäkt: Markgräflerisch (Ebringe) |
Dr (22) Kalliope I Linus isch e Asteroide-Mond, wo dr Asteroid (22) Kalliope umchreist. Wie dr Mueder-Asteroid ghört er zue dr metallische Asteroide, isch also vum M-Typ.
Mit gschätzte 38±6 km Durmesser[3] isch dr Linus im Vergliich zue dr meiste andere Asteroide-Mönd rächt gross un gäb scho selber e rächte Asteroid ab. Im Hauptgürtel bestoht numme dr Doppelasteroid (90) Antiope us zwei beidermasse grössere Komponente.
Am 29. August 2001 hän d'Astronome Jean-Luc Margot un Michael E. Brown dr Linus mith em Keck-Teleskop uf Hawaii entdeckt un as Mond vu dr (22) Kalliope identifiziert. E anderi Gruppe het d'Entdeckig mit eme andere Teleskop, au uf em hawaiianischi Mauna Loa am 2. September 2001 bestätigt. Gmäss dr Nomenklaturregle vu dr Internationale Astronomische Union het dr Mond zuenächst die provisorisch Bezeichnig S/2001 (22) 1 erhalde un isch am 8. August 2003 noochem mythologische Linus, dr Suhn vu dr Muse Kalliope un Erfinder vu Melodi un Rhythmus. daift worre.
Mer nimmt a, dass im Linus si Umlaufbahn e rächt churzi Präzession vu numme e baar Johr het. Säll soll vor allem an dr eher uregelmässige Gstalt vu dr Kalliope liige.[2][3]. Im Linus si Helligkeit variiert nennenwert zwische einzelne Beobachtige, was uf e länglichi Gstalt schliesse losst.[3].
Dr Linus isch vermuetlich e Bruchstück vu ere Kollision vu eme grössere Vorgängerkörper vu dr Kalliope (Proto-Kalliope) mit eme andere Asteroid, wo in ere Umlaufbahn vum Muederkörper blibe isch. Säll schliesst mer us dr ähnliche Zämmesetzig vu beide Asteroide.
Weblink
[ändere | Quälltäxt bearbeite]- IAUC 7703, Bekanntgab vu dr Entdeckig vum Linus
- IAUC 8177, Bekanntgab vu dr Daifi vum Linux
- Link zue dr Publikation vu dr Linus-Entdeckig, "A Low-Density M-type Asteroid in the Main Belt"
- Kalliope and Linus guet ufglösti Ufnahm vu dr Kalliope un em Linux vum VLT
- Orbitdiagramm vum Linus
- Information iber d'Kalliope, dr Linus-Orbit un einigi Bilder
- E anders VLT-Bild vu dr Kalliope unem Linus
Quelle
[ändere | Quälltäxt bearbeite]- ↑ 1,0 1,1 1,2 1,3 Zämmefassig vu verschideme Beobachtige http://astro.berkeley.edu/~fmarchis/Science/Asteroids/Kalliope.html (Memento vom 29. Augschte 2006 im Internet Archive) ischliesslich nöiere mit em VLT 8m-Teleskop. (engl.)
- ↑ 2,0 2,1 2,2 2,3 J.L. Margot & M.E. Brown: 'A Low-Density M-type Asteroid in the Main Belt'. In: Science. 300, 2003, S. 1939
- ↑ 3,0 3,1 3,2 3,3 3,4 3,5 3,6 F. Marchis et al: 'A three-dimensional solution for the orbit of the asteroidal satellite of 22 Kalliope'. In: Icarus. 165, 2003, S. 112