Werner Wollenberger

Us der alemannische Wikipedia, der freie Dialäkt-Enzyklopedy

Dr Werner Wollenberger (* 6. Juni 1927 z Haalbrunn; † 17. Oktober 1982 z Züri) isch e Schwiizer Schriftschteller, Publizischt, Satiriker un Regisseur gsi.

Läbe[ändere | Quälltäxt bearbeite]

Dr Wollenberger isch z Baasel ufgwachse, wo er Germanischtik gschtudiert het. Ab Ouguscht 1947 het er für s Kabarett Kikeriki Tekscht gsschribe und isch dort au Regisseur gsi. 1950 isch er in s Autoreteam vom Cabaret Fédéral iitrete. Er het Brogramm under anderem för dr Walter Roderer un s Schauspilerduo Voli Geiler un Walter Morath un au für «Die Kleine Freiheit» z Münche un für s «Kom(m)ödchen» verfasst. Speter isch er chünschtlerische Beroter am Schauspiilhuus Züri worde.

Dr Wollenberg isch ein vo dr beliebteschte Autore un Regisseur vo Schwiizer Cabaretsendige un Musical gsii (Nöifassig d chliine Niderdorfoper, Tekscht zue Mis Dach isch dr Himmel vo Züri). S Spektrum vo sym Schaffe het au Arbete für Radio un Fernsehe umfasst (E Fall für Männdli), Filmdräibuecher (SOS-Gletscherpilot, Textchauffeur Bänz), Songtekscht, Zytigskolumne, Theater- un Filmkritike, dezue het er au als Übersetzer gschafft (Musical Promises, Promises; dütschi Songtekschte für Es war die Lerche vom Ephraim Kishon).

Dr Wollenberger isch au Chefredakteur vo dr Zürcher Woche un Co-Chefredakteur vo dr Weltwoche gsi.

Wärch[ändere | Quälltäxt bearbeite]

  • Max Dätwyler (geb. 1886): wohnhaft in Zumikon-Zürich, der Prophet mit der weissen Fahne (Friedensapostel), die Daetwyler-Story, in: Die Zürcher-Woche, Nr. 40 - 45, Die Zürcher Woche, Zürich 1963, OCLC 610666090, ISSN 0044-541X.
  • Ja, aber. Benteil, Bern 1973, DNB 57694579X.
  • Heiri Gretler – der grosse Schweizer Schauspieler. Pendo, Zürich 1978, ISBN 3-85842-024-7
  • Fast eine Weihnachtsgeschichte. Pendo, Zürich 1984, ISBN 3-85842-096-4
  • Kolumnen aus zwei Jahrzehnten. Pendo, Zürich 1992, ISBN 3-85842-236-3
  • mit Bernhard Ruetz, Susane Ruf, Maria Becker, Ulrich Kündig und Alex Bänninger: Heinrich Fueter (1911 - 1979): Produzent – Unternehmer – Filmpionier, mit DVD. herausgegeben vom Verein für Wirtschaftshistorische Studien, Zürich 2012, ISBN 978-3-909059-56-0 (= Schweizer Pioniere der Wirtschaft und Technik, Band 95).

Literatur[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Werner_Wollenberger“ vu de dütsche Wikipedia. E Liste vu de Autore un Versione isch do z finde.