Wattweiler

Wàttwiller

Wàttwiller Wattwiller
Wappe	Kart
Dialekt: Alemannisch
Hauptvariante	Owerrhinàlemànnisch
Regionalvariante	Elsässisch
Basisdate
Stààt	Frànkrich
Region	Elsass
Département	Owerrhin
Arrondissement	Tànn
Kanton	Sanne
Kommünàlverbànd	Gmeinverbànd vu Sanne & Umgawung (C.C.C.E.)
Geographischi Lag:	47° 50′ 13″ N 07° 10′ 51″ O
Heh	355 m (266 m–1121 m)
Inwohner	1.734 (1. Jänner 2009)) [1]
Flech	13,61 km²
Boschtleitzàhl	68700
INSEE-Code	68359
Maire (Bürgemeischter): lfd. Amtszitt	Jacques Muller 2008-2014

Wàttwiller (IPA: [ʋɑd̥ˈʋilər], frànzesch Wattwiller, ditsch: Wattweiler) esch a elsasser Gmei àm Rànd vun de Vogese, ém Zentrum vum südlich Dépàrtement Oberrhin. D'r àktüell Maire heischt Jacques Muller (Grieni (les Verts)) un esch a Kàndidàt gsé àn da Wààle zur Nàtionàlversàmmlung vum Jüni 2007. Er ésch àwwer stàtt én d´Nàtionalversàmmlung én da Senàt kumme.

De Bàri Hartmannswillerkopf (frz.: Vieil Armand), wie ém Erscht Waltkriej e gross Schlàchtfald gsin ésch, léijt uff da Gmàrkung.

Wàttwiller esch békànnt fer sin Mineràlwàsser.

Gschìcht

Wàttwiller ìsch schu ìm Neolithikum bewohnt gsìì, un oi d Rémer han doo gsììdelt un zum èrschte Mol d Thèrmàlquèlle benutzt. Wàttwiller wìrd ìm Johr 735 zum èrschte Mool erwahnt, wuu's der Grààf Eberhard em Klooster Murbàch gschankt hat. Em Ort sii dèrtmoliger Nàme „Wattonvilare“ bedüttet „Bürehof vum Watto“. Wàttwiller hat noch bis zur Frànzeesche Révolution zum Fìrschteduum Murbàch gheert. Frieier hat's e Klooster gaa, wuu 1336 zu eme Dominikànerklooster wore ìsch.

Der Àbt Berthold hat s Dèrfle losse befeschtige un zwìsche 1260 un 1285 s Schloss Hirzestei boie. Àschliessend isch d'Ortschàft àls Stàdt ànerkennt wore. Wàttwiller ìsch 1376 vu de Anglander un 1468 vu de Schwizzer gstìrmt wore, vum Bürekrieg ìsch es dergeege verschoont wore. Derfìr han ìm Drissigjeehrige Krieg d Schweede Zèrsteerunge ààgrìchtet. 1464 ìsch Wàttwiller s Marktracht verlìhe wore.

Zamme mìt em Rest vum Fìrschteduum Murbàch ìsch Wàttwiller ìm Johr 1680 zu Frànkriich kumme. Es hat d Stadtracht ghà, bis ìm 19. Johrhundert d Fèstung zersteert wore isch.

Durch sine géogràphische Neechi zur Schlàcht am Hartmannswillerkopf hat Wàttwiller oi under em Èrschte Waltkrieg glìtte un ìsch dernooch fàst vollstandig kàbutt gsìì.

Bevelkerung

Joor	1962	1968	1975	1982	1990	1999	2007
Inwohner	879	1020	1135	1186	1506	1593	1721

Wìrtschàft

Nawe der Broduktion vu Mineràlwàsser (lüeg unde) hat Wàttwiller a làndwirtschaftlige Braagung; es were voor àllem Rìnder ghàlte. Zudèm wìrd Gedreide ààboie, Forschtwìrtschàft bedrììwe un Wii heergstèllt.

Schu zur Reemerzitt ìsch d'Quèlle vu Wàttwiller gnutzt wore, wuu sìch ìm Regionale Nadurpark Ballons des Vosges befìndet. Es hat kei Kontàkt mìt àndere Gwasser rund ume, wage dèm ìsch's frèi vu Nitràt, wènn's àn d Owerflache kummt. Oi Nàtrium ìsch nume weenig drìnne, wage dèm ìsch's vu der frànzeesche Académie nationale de Médecine àls gsundheitsfèrdernd ànerkannt. Es hat z Wàttwiller drèi Quèlle, eine dervuu lìt keine hundert Meeter vum Ortszandrum ewèg. D'Àbfàssung vum Quallewàsser entsteht in e Pàrkànlàge zwische Ewerdorf un Wàld. Vu dare Stell wird s Wàsser dur e 2 km-lànge unterirdische Leitung mit geniegend Fàll bis ins Gebej gfiehrt, wu d' induschtriemassige Flàschefillung stàtt findet. Do kà me àlles - uf elsassisch - iwer dàs Wàttwillre Mineràlwàsser erfààre.

Àndere Bohrunge sin in de letschte Johre in de Nache vu de geologische Spàlte durgfiehrt wore, um (wàrm) Thermàlwàsser zu entdecke. Trotz Unerfolg, han dia Bohrunge kenna feschtstelle, dàss der unterirdische Wàsserspeicher sehr gross isch.

Pàrterschàfte

Pàrtnergmei isch sit 1965 Wàsewiler, wo sit dr 1970er Johr e Ortsdeil vu Ihringe àm Kaiserstüehl in Südbàde isch.

Quelle

• Wàttwiller uf quid.fr

Dä Artikel basiert uff ere fräie Übbersetzig vu dere Version vum Artikel „Wattwiller“ vu de franzeesische Wikipedia. E Liste vu de Autore un Versione isch do z finde.