Wappen der Schweiz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Wappe vor Eidgenosseschaft, mit umrahmnde Schild

Es Wappe vor Schwiiz isch es Staatswappe vo der Eidgenosseschaft und zeigt es Schwiizerkrüz. Wie alle Wappe unterstäht des au däm Hohitsrächt, un nit nur däm Urhäberrächt. Mir dirfe des zwor wie do verwändä, aba nit "fire", nit in dä Briefkopf und so...

Eifach gseit zeigt z'Wappu äs wissus Chriz uf rotum Grund.

Nummu z'Schwitzärchriz isch feschtgleit - d'Arma vam Chriz sind 1/6 längär als breit. Diz gmäss Bischluss vannär Bundesvärsammlig ussum Jahr 1889. Im Gägusatz z'anre Nationalflagge bildut du Schwizärfahnu äs Quadrat. Nur uf Hochsee -und Binnuschiffa va schwizärischu Reederie weht än rächtegigi Flagga im Värhältnis va 2 : 3.

S Wappe als Fahne (Flagge)

Biditig vor Fahnu[ändere | Quälltäxt bearbeite]

D'Schwizärflagge, i de Schwiiz sait me Schwizärfahne, het vär vili Schwizerinne und Schwizär än grossi Biditig. So wärdunt zum Bispil am schwizär Nationalfirtag villi Hischär mit dum Fahnu gschmückt. Währund z'Schwizärchriz währund du 1980er Jahr bi politisch Lingsstehändu vil als patriotisch värpöhnt isch gsi, isch's im Zug va där sognänntu Swissness innä 1990er zum vilfach värwändutu Symbol fär Kult-Chleidig und Diseinärgäguständ.

Früesti Form vo de
eidg. Fahne (ab ca. 1470)

Gschicht[ändere | Quälltäxt bearbeite]

Alti Eidgenossuschaft[ändere | Quälltäxt bearbeite]

Z'Schwizärchriz isch scho va de altu Eidgnossu als Fäldzeichu värwändut wordu. D'eltuscht dokumäntiärti Värwändig geit uf d'Schlacht va Löipu im Jahr 1339 zrug. Ursprüngli sind d'Arma vam Chriz schmal gsi, viel öi bis zum Rand durchgizogni, wiä innä skandinavischu Flagge. Offizielli Hoheitszeichu sind bi dä altu Eidgnossuschaft nummu d'Wappu va dä Kantonu gsi.

Flagge vo de
Helvetische Republik

Helvetischi Republik[ändere | Quälltäxt bearbeite]

Än erschit gsamtschwizärischi Flagga hets währund där helvetischu Republik 1798-1803, namu Französischu Vorbild (Trikolore in griä-rot-gälb gigä. Schi isch am 13. Hornig 1799 offiziell igfiährt wordu. 1815 isch z'Chriz zum offiziellu Schwizär Wappu gwordu. Äs het zersch nur uffum schwizär Siägl värwändig kha.

Modärni Schwiiz[ändere | Quälltäxt bearbeite]

Ufs bisträbu vam Guillaume-Henri Dufour hent d'eidgnössischu truppe 1840 än iheitliche Fahnu bärcho, welli öi vam 1848 gigründutu Bundässtaat ubärnu wordu isch. Z'schwizärchriz vam Dufours isch us füf Quadratu zämmugsetzt gsi.

Schwizer Fahnu
ufäru Alpa

1889 het d'Bundäsvärsammlig im Bundäsbischluss d'hitig Form vam eidgnössischu Wappu feschtglegt. Lüt der Feschtlegig isch z'Situvärhältnis va dä Arma 7: 6. "Ds Wappu va där Eidgnossuschaft isch im rotu Fäld äs üfrächts, fristehunds wissus Chriz, wa glichi armu je um än sägschtl länger sind als breit." Z'Grössuvärhältnis vam Chriz zum Quadrat isch nid definiärt. Ärfahrigsgmäss sellti abär där Abschtand vam Chriz zum Rand nid länger sie als än Armbreit vam Chriz. Dass z'Chriz gnau zentriärt müäss si, isch sälbschvärständlich.

Fahnu, nit Flagga[ändere | Quälltäxt bearbeite]

Innär ditschsprachigu Schwiz het schich entsprächund där militärischu Vorgschicht z'maritima Wort "Flagge" niä igibürgrut. Äs wird vamu Fahnu gredut.

FIAV 000110.svg Flagga zär See
Seituvärhältnis: 2 : 3

Schwizärflagga zär See[ändere | Quälltäxt bearbeite]

Sit 1941 fiährund schwizär Schiffi än rächteckigi Nationalsflagga im Värhältnis va 2 : 3. Dischi richtigärwis "Schwizärflagga zär See" gnännti Form isch nid nummu uf dä Wältmeer, sondärn öi uffum Rhin, dum Bodusee und uffum Gänfärsee und du meischu Binnusee azträffu.

Wappu[ändere | Quälltäxt bearbeite]

Z'Schwizärwappu änthaltut äs fristehunds, wissus Chriz uf rotum Grund innu säblu Proportionu wiä uffum Fahnu. Im Gägusatz zär quadratischu Form vam Fahnu isch d'üssär Form vam Wappuschild nid definiärt.

D'abgibildut Darstellig mir liächt gibognu oburum Schildrand, wa nach unina ina Spitza üslöift, isch hüfig värbreitut. Dischi Form finutmu öi als Logo uf där Websita vannär schwizär bundesvärwaltig, in normalu hellu Rot.[1]

Witäri Darstellige vam Wappu finund schich öi uf schwizär Münze, uf Plagge und värschidenu Konsumgiätär (zum Bischpil schwizär Sackmessär).

D Flagge vom Rote Chrütz

Z Rot Chriz[ändere | Quälltäxt bearbeite]

Als ursprünglichus Schutz und Kännzeichu isch z Rotu Chriz bschtimmt wordu. Äs handlut schich därbi um än Umcherig vam Schizärfahnu. Das isch än Feschtlegig, wasch z'Ehru vam Rotchrizgründär, dum Henry Dunant und schinum Hejmatland agnu hent.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. S Wappe uf de Website vo de Schwizer Eidgenosseschaft