Schiff

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Passaschierschiff Queen Mary 2
Dr Schlepper Fairplay 26

E Schiff isch e gröössers Wasserfaarzüüg, wo noch em archimedische Brinzip schwümmt. Es underschaäidet sich vom Floß wil s en äigene Aadriib het und vom Boot in erster Linie wäge sinere Gröössi.

Schiff wärde in Wärfte baut. Wenn dr Rumpf fertig isch, wird s Schiff mit em Stapellauf in s Wasser gloo, und erst denn wird s usgrüschdet. Die ersti Faart vom ene Schiff wird as Jumpferefaart bezäichnet. Zum e Schiff repariere, chunnt s mäistens in e Drochedock oder e Schwümmdock.

Schiff sin s wichdigste Dransbortmiddel für Massegüeter. Stückguet wird hützudags vor allem in Container uf Containerschiff dransbortiert. Die gröösste Schiff sin Ööltanker, wo mee as 560'000 tdw (Tons Deadweight) oder öbbe 100'000 BRT (Bruttoregisterdonne) chönne mässe.

Sit spöötistens de 1960er Jooren stoot d Bassaschierschifffaart mee und mee im ene Konkurränzkampf mit em Flugverkeer. Si wird wäge däm us eme räine Dransbortmiddel mee und mee zum ene Verkeersmiddel, bsundrigs im Beriich Erlääbnisräise und Chrüzfaarte.

Schiff, wo zur See faare, wärde au as Seeschiffe bezäichnet, die andere häisse Binneschiff.

Mit de Schiffsmääss wird e Schiff genauer beschriibe. Doodrzue ghööre d Verdrängig, d Dräägfähigkäit, dr Ruumghalt, d Donnaasche, d Brutto- und d Nettoruumzaal (BRZ, NRZ), dr Diefgang, die verschiidene Lengiaagoobe und bsunderi Formkoeffiziänte.

Dr Ufbau vom ene Schiff[ändere | Quälltäxt bearbeite]

Schiffsdäil
  1. Dr Bug isch dr vorderi Däil vom Schiffsrumpf.
  2. Dr Bugwulst verbesseret d Ströömigsäigeschafte und sänggt dr Verbruuch vo Dribstoff.
  3. Mit em Anker wird s Schiff am Boode vom Wasser festgmacht, wenn s nit faart.
  4. D Backbordsite isch die linggi Site vom Schiff, wemm mä vom Heck gegen e Bug luegt. Z Nacht kennzäichnet mä sä mit eme roote Liecht.
  5. D Stüürbordsite isch die rächti Site vom Schiff, wemm mä vom Heck gegen e Bug luegt. Z Nacht kennzäichnet mä sä mit eme grüene Liecht.
  6. S Heck bezäichnet dr hinderi Däil vom Schiff.
  7. S Oberdeck is s Deck, wo dr Rumpf gegen oobe zueduet.
  8. D Ufbaute si alli Ufbaute ooben uff em Oberdeck.
  9. E Motorschiff wird mit eme Brobbäller oder ere Schiffschruube aadriibe.
  10. D Abgaas vom Schiffsmotor wärde über e Chemmi abgläitet.

Weblingg[ändere | Quälltäxt bearbeite]

 Allmänd (Commons): Schiff – Album mit witere Multimediadateie

Wikisource S dütschsprochig Wikiquote hät Zitat zum Thema „Schiff