Valeria Gordeev
D Valeria Gordeev (* 1986 z Dibenga) isch e dytschi Schriftstelleri un Illuschtrateri. Anne 2023 het si dr Ingeborg-Bachmann-Bryys gwunne.
Lääben un Wäärch[ändere | Quälltäxt bearbeite]
D Eltere vu dr Valeria Gordeev sin Ändi 1970er Johr us dr Sowjetunion uusgwanderet; iir Familie läbt hite z Russland, in dr Ukraine, dr USA un z Dytschland. D Gordeev het z Berlin Mathematik un Art in Context studiert un Literarisch Schryybe z Leipzig. Iri Abschlussaarbet an dr Uniwersiteet vu dr Chinscht z Berlin isch e Raisefierer an Böhmisch Meer bi dr Ingeborg Bachmann gsii, wu ne Gedicht vu dr eeschtryychische Autoori as Grundlaag ghaa het.[1][2]
E Romanprojäkt zue me fiktive Foorschigsinschtitut, wu versuecht d Lyych vum Lenin z erhalte, isch 2018 im Rame vu dr Autoorewäärchstatt Prosa dur s Literarisch Colloquium Berlin gfeerderet woore. In Zytschrifte un andere Periodika het si syterhäär Uusziig us em Romaan un aigeständigi Verzellige vereffetligt.
Anne 2023 isch d Valeria Gordeev vu dr Juroori Insa Wilke zue dr Dääg vu dr dytschsproochige Literatuur z Klagenfurt am Wörthersee yyglaade woore un het deert mit irem Proosatäxt Er putzt dr Ingeborg-Bachmann-Bryys gwunne.[1][3]
Zaichnige un Illuschtrazioone vu dr Gordeev zue literaarische Wäärch sin im Guggolz Verlag uusechuu. In Zämenaarbet mit em Autoor Franz Friedrich duet si Liedtäxt fir d Film vum Reschiseer Max Linz verfasse. D Valeria Gordeev läbt un schafft z Berlin.[4]
Uusglääseni Uuszaichnige un Stipändie[ändere | Quälltäxt bearbeite]
- 2018: Autoorewäärchstatt Proosa vum Literaarische Colloquium Berlin
- 2019: Literatuurstipändium vum Land Brandeburg
- 2020: Literatuurstipändium vum Land Baade-Wiirttebäärg
- 2020: Gränzgänger Rescherschestipändium vu dr Robert-Bosch-Stiftig
- 2021: Nominierig fir dr Alfred-Döblin-Bryys
- 2022: Bryys vu dr Floriana Biennale fir Literatuur
- 2023: Ingeborg-Bachmann-Bryys[5]
Uusglääseni Wäärch[ändere | Quälltäxt bearbeite]
- Das Geheimnis der Piroschki. Erzählung. In: Federlesen. Anthologie der Jürgen Ponto-Stiftung zur Förderung junger Künstler, Berlin 2018.
- Die Zikade entschlüpft ihrer goldglänzenden Hülle. Romanauszüge. In: Sprache im technischen Zeitalter, Berlin 2018.
- The Time Machine Of The Benjaminian Front. Erzählung. in: Koschke. Publikation der Woche der Kritik, Berlin 2019.
- Archeology TV. Prosa. In: Tippgemeinschaft. Anthologie, Leipzig 2019.
- Ist es eine Utopie? Ist es eine Dystopie?. Essay. Kollaboration mit Franz Friedrich. In: schliff. Edition text+kritik, Band 11: Utopie, Köln 2021.
Weblink[ändere | Quälltäxt bearbeite]
Commons: Valeria Gordeev – Sammlig vo Multimediadateie- Valeria Gordeev uf dr Websyte vum Bachmann-Bryys
Fueßnote[ändere | Quälltäxt bearbeite]
- ↑ 1,0 1,1 Valeria Gordeev, D, Bachmannpreis.
- ↑ Valeria Gordeev, Chunschtstiftig Baade-Wiirttebäärg
- ↑ Ingeborg-Bachmann-Preis für Valeria Gordeev. 1. Juli 2023, abgruefen am 2. Juli 2023.
- ↑ Valeria Gordeev, Roger-Willemsen-Stiftung
- ↑ Autorinnen und Autoren 2023, Bachmann-Bryys.
|
Dä Artikel basiert uff ere fräie Übersetzig vu dere Version vum Artikel „Valeria_Gordeev“ vu de dütsche Wikipedia. E Liste vu de Autore un Versione isch do z finde. |