Tour de France 2010

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Logo-Le Tour de France.png
Ändergäbnis
Wäge Doping disqualifiziert Flagge SpaniensSpanie Alberto Contador 91:58:48 h
Gsamtwärtig Flagge LuxemburgsLuxeburg Andy Schleck + 00:39 min
Zweite Flagge RusslandsRussie Denis Menschow + 02:01 min
Dritte Flagge SpaniensSpanie Samuel Sanchez + 03:40 min
Vierte Flagge BelgiensBelgie Jurgen Van den Broek + 06:54 min
Fümfte Flagge der NiederlandenHolland Robert Gesink + 09:31 min
Sächste Flagge KanadasKanada Ryder Hesjedal + 010:15 min
Siibte Flagge SpaniensSpanie Joaquim Rodríguez + 011:37 min
Achte Flagge TschechiensTschechie Roman Kreuziger + 11:54 min
Nünte Flagge der Vereinigten Staaten von AmerikaUSA Chris Horner + 12:02 min
Punktwärtig Flagge ItaliensItalie Alessandro Petacchi 243 P.
Zweite Flagge des Vereinigten KönigreichsGrossbritannie Mark Cavendish 232 P.
Dritte Flagge NorwegensNorwege Thor Hushovd 222 P.
Bärgwärtig Flagge FrankreichsFrankriich Anthony Charteau 143 P.
Zweite Flagge FrankreichsFrankriich Christophe Moreau 128 P.
Dritte Flagge LuxemburgsLuxeburg Andy Schleck 116 P.
Nochwuchswärtig Flagge LuxemburgsLuxeburg Andy Schleck 91:59:27 h
Zweite Flagge der NiederlandenHolland Robert Gesink + 08:52 min
Dritte Flagge TschechiensTschechie Roman Kreuziger + 11:15 min
Mannschaftswärtig Flagge der Vereinigten Staaten von AmerikaUSA Team Radioshack 276:02:03 h
Zweite Flagge SpaniensSpanie Caisse d'Epargne + 09:15 min
Dritte Flagge der NiederlandenHolland Rabobank 27:49 + min
Agressivst Fahrer Flagge FrankreichsFrankriich Sylvain Chavanel

D Tour de France 2010 isch die 97. Uflag vom wichtigste Etapperenne uf der Wält gsi. Si het am 3. Juli 2010 z Rotterdam agfange – s fümfte Mol ass d Tour z Holland agfange het, noch 1954, 1973, 1978 und 1996 – und isch am 25. Juli 2010 traditionsgmäss uf der Avenue des Champs-Élysées z Paris fertig si.

Si het e Gsamtdistanz vo 3642 km, öbbe 180 km lenger als d Tour de France 2009 gha, 20 Etappe und e Prolog in dr Form vom ene churze Einzelzitfahren, umfasst, im Gegesatz zu 2009. Der Streckeverlauf uf der Charte isch em Uhrzeigersinn gfolgt, zerst über d Alpe und denn über d Pyrenäe.[1]

Favorite[ändere | Quälltäxt bearbeite]

Als Favorite für e Gsamtsiig hai näben em Titelverteidiger Alberto Contador die ehemolige Toursiiger Carlos Sastre (2008) und Lance Armstrong (1999–2005), der best Nochwuchsfahrer vo dr 2009 Tour, dr Andy Schleck, der Siiger vom Giro d'Italia 2010, dr Ivan Basso, und der Erst in der UCI-Wältrangliste, dr Cadel Evans gulte. Au vom Bradley Wiggins, em Alexander Winokurow und em Denis Menschow het me gsait, ass si gueti Chance haige. Dr Armstrong isch nüm stark gnueg gsi und er het au Päch gha und noch e baar Stürz keini Chance meh gha im Gsamtklassemänt. Er het aber siis Team zum Siig im Manschaftsklassemänt gfüehrt. Dr Ivan Basso isch nit in Form gsi und au dr Wiggins und dr Evans hai entdüscht.

Die beste Sprinter wo drbii gsi si, si dr Thor Hushovd (Cervélo TestTeam) , dr Mark Cavendish (Team HTC-Columbia) und dr Tyler Farrar (Garmin-Transitions) gsi und die si d Favorite für s grüene Liibli gsi, aber au dr Oscar Freire (Rabobank), dr Alessandro Petacchi (Lampre-Farnese Vini), dr Jose Joaquin Rojas (Caisse d'Épargne), dr Gerald Ciolek (Team Milram) und dr Edvald Boasson Hagen (Team Sky) hai bi de Sprint mitgmischt. Dr Cavendish het mit fümf Etappe meh as jede andere gwunne.

D Rennfahrer und d Equipe[ändere | Quälltäxt bearbeite]

D Rennleitig het 22 Mannschafte iiglade: die 18 UCI ProTour-Teams und 4 Professional Continental Teams. Jedes Team bestoht us nüün Fahrer. Im Ganze si 198 Velorennfahrer us 31 Natione am Start gsi, drunder 15 Dütschi, 5 Schwiizer und 3 Östriicher. Wie im Vorjohr isch s Team Milram die einzigi Mannschaft mit ere dütsche Lizänz und s Cervélo TestTeam isch s einzige Team us dr Schwiiz gsi.

Iigladeni Team[2]
UCI ProTour-Teams
Flagge BelgiensBelgie Quick Step
Flagge BelgiensBelgie Omega Pharma-Lotto
Flagge DänemarksDänemark Team Saxo Bank
Flagge DeutschlandsDütschland Team Milram
Flagge FrankreichsFrankriich ag2r La Mondiale
Flagge FrankreichsFrankriich Française des Jeux
Flagge ItaliensItalie Lampre-Farnese Vini
Flagge ItaliensItalie Liquigas-Doimo
Flagge KasachstansKasachstan Astana
Flagge der NiederlandenNiiderlande Rabobank
Flagge RusslandsRussland Team Katusha
Flagge SpaniensSpanie Caisse d’Epargne
Flagge SpaniensSpanie Euskaltel-Euskadi
Flagge SpaniensSpanie Footon-Servetto
Flagge des Vereinigten KönigreichsVereinigts Königriich Sky Professional Cycling Team
Flagge der Vereinigten Staaten von AmerikaVereinigti Staate Team HTC-Columbia
Flagge der Vereinigten Staaten von AmerikaVereinigti Staate Garmin-Transitions
Flagge der Vereinigten Staaten von AmerikaVereinigti Staate Team RadioShack
UCI Professional Continental Teams
Flagge FrankreichsFrankriich Bbox Bouygues Télécom
Flagge FrankreichsFrankriich Équipe Cofidis
Flagge der SchweizSchwiiz Cervélo TestTeam
Flagge der Vereinigten Staaten von AmerikaVereinigti Staate BMC Racing Team

Etappenübersicht[ändere | Quälltäxt bearbeite]

Streckecharte vo der Tour de France 2010

Der Streckeverlauf für s Renne vo 2010 isch am 14. Oktober 2009 bekanntgee worde.[1] Ungwöhnlig drbii isch gsi, ass es abgseh vom Prolog nume en einzigs Einzelzitfahre gee het; au e Mannschaftszitfahren isch nit vorgseh gsi. Im Streckeplan het s nüün Flachetappe gha, vier hügeligi Etappe und sächs Bärgetappe mit drei Bergakümft. Zsämme hai 25 Aastiig vo de Kategorie 2, 1 und HC müesse bewältigt wärde, drundere zweimol der Pyrenäepass Col du Tourmalet.

Noch em Prolog im holländische Rotterdam si die erste drei Etappe dur Belgie gange. Under anderem isch z Brüssel und z Spa Halt gmacht worde. Die ersti Ziilaakumft in Frankriich sälber isch z Arenberg gsi, wo eine vo de elf Ort isch, wo zum erste Mol Etappenort worde si. In der zweite Helfti vo der erste Wuche isch d Tour an Paris vorbii gege Süde gfahre. Zwüsche Montargis und Gueugnon isch mit 227,5 km der lengsti Dagesabschnitt gsi.

In dr 7. Etappe si die ersten Alpepäss vorcho, zwei Hochgebirgsetappe si dur en erst Ruhedag drennt worde und denn isch non e hügelige Abschnitt cho. Drei Überfüehrigsetappe hai s Fäld an dr Rand vo de Pyrenäe brocht, öbbe 100 km vo dr Mittelmeerküste ewäg. Die dritti Tourwuche het mit vier Hochgebirgsetappe und em zweite Ruhedag z Pau agfange, mit dr Bärgaakumft uf em Tourmalet isch die letzti Pyrenäenetappe z Änd gange.

Denn isch e Flachetappe und s Einzelzitfahre vo Bordeaux uf Pauillac cho. Die letzti Etappe het wie immer in dr Nöchi vo Paris aagfange und mit der mehrmolige Umrundig vo de Champs-Elysées g ändet.

Etappe Typ Dag Start–Ziil km Etappesiiger Zit (h) Jersey yellow.svg Gäls Liibli
0Prolog Einzelzitfahre Sa., 3. Juli Rotterdam (NED) – Rotterdam 008,9 Flagge der SchweizSchwiiz Fabian Cancellara 0:10:00 Flagge der SchweizSchweiz Fabian Cancellara
01. Etappe Plainstage.svg So., 4. Juli Rotterdam – Brüssel (BEL) 223,5 Flagge ItaliensItalie Alessandro Petacchi 5:09:38
02. Etappe Hillystage.svg Mo., 5. Juli Brüssel – Spa (BEL) 201 Flagge FrankreichsFrankriich Sylvain Chavanel 4:40:48 Flagge FrankreichsFrankriich Sylvain Chavanel
03. Etappe Plainstage.svg Di., 6. Juli Wanze (BEL) – Arenberg 213 Flagge NorwegensNorwege Thor Hushovd 4:49:38 Flagge der SchweizSchwiiz Fabian Cancellara
04. Etappe Plainstage.svg Mi., 7. Juli CambraiReims 153,5 Flagge ItaliensItalie Alessandro Petacchi 3:34:55
05. Etappe Plainstage.svg Do., 8. Juli ÉpernayMontargis 187,5 Flagge des Vereinigten KönigreichsGrossbritannie Mark Cavendish 4:30:50
06. Etappe Plainstage.svg Fr., 9. Juli Montargis – Gueugnon 227,5 Flagge des Vereinigten KönigreichsGrossbritannie Mark Cavendish 5:37:42
07. Etappe Bergigi Etappe Sa., 10. Juli TournusLes Rousses 165,5 Flagge FrankreichsFrankriich Sylvain Chavanel 4:22:52 Flagge FrankreichsFrankriich Sylvain Chavanel
08. Etappe Hochgebirgsetappe So., 11. Juli Les Rousses – Avoriaz 189 Flagge LuxemburgsLuxeburg Andy Schleck 4:54:11 Flagge AustraliensAustralie Cadell Evans
1. Usruehdag Mo., 12. Juli
09. Etappe Hochgebirgsetappe Di., 13. Juli MorzineSaint-Jean-de-Maurienne 204,5 Flagge FrankreichsFrankriich Sandy Casar 5:38:10 h Flagge LuxemburgsLuxeburg Andy Schleck
10. Etappe Bergigi Etappe Mi., 14. Juli ChambéryGap 179 Flagge PortugalsPortugal Sérgio Paulinho 5:10:56
11. Etappe Plainstage.svg Do., 15. Juli SisteronBourg-lès-Valence 184,5 Flagge des Vereinigten KönigreichsGrossbritannie Mark Cavendish 4:42:29
12. Etappe Hillystage.svg Fr., 16. Juli Bourg-de-PéageMende 210,5 Flagge SpaniensSpanie Joaquim Rodríguez 4:58:26
13. Etappe Plainstage.svg Sa., 17. Juli RodezRevel 196 Flagge KasachstansKasachstan Alexander Winokurow 4:26:26
14. Etappe Hochgebirgsetappe So., 18. Juli Revel – Ax-3 Domaines 184,5 Flagge FrankreichsFrankriich Christophe Riblon 4:52:42
15. Etappe Hochgebirgsetappe Mo., 19. Juli PamiersBagnères-de-Luchon 187 Flagge FrankreichsFrankriich Thomas Voeckler 4:44:52 Flagge LuxemburgsLuxeburg Andy Schleck
16. Etappe Hochgebirgsetappe Di., 20. Juli Bagnères-de-Luchon – Pau 199,5 Flagge FrankreichsFrankriich Pierrick Fédrigo 5:31:43
2. Usruehdag Mi., 21. Juli
17. Etappe Hochgebirgsetappe Do., 22. Juli Pau – Col du Tourmalet 174 Flagge LuxemburgsLuxeburg Andy Schleck 5:03:29 Flagge LuxemburgsLuxeburg Andy Schleck
18. Etappe Plainstage.svg Fr., 23. Juli Salies-de-BéarnBordeaux 198 Flagge des Vereinigten KönigreichsGrossbritannie Mark Cavendish 4:37:09
19. Etappe Einzelzitfahre Sa., 24. Juli Bordeaux – Pauillac 052 Flagge der SchweizSchwiiz Fabian Cancellara 1:00:56
20. Etappe Plainstage.svg So., 25. Juli LongjumeauParis, Champs-Élysées 102,5 Flagge des Vereinigten KönigreichsGrossbritannie Mark Cavendish 2:42:21

D Klassemänt währed dr Tour[ändere | Quälltäxt bearbeite]

Die Tabälle zeigt die Erste in de verschiidnige Klassemänt, wär weles Liibli aahet oder weli farbigi Ruggenummere drait am Ändi vo jeder Etappe.

Etappesiiger
Etappesiiger
S Gäle Liibli
Gsamtklassemänt
S Grüene Liibli
Punktklassemänt
S Punktliibli
Bärgklassemänt
S Wiisse Liibli
Nochwuchsklassemänt
Die gäli Ruggenummere
Mannschaftsklassemänt
Die roti Ruggenummere
Dr agressivst
Fahrer
Prolog Fabian Cancellara Fabian Cancellara Fabian Cancellara[A 1] nit vergee Tony Martin Team RadioShack nit vergee
01. Etappe Alessandro Petacchi Alessandro Petacchi Maarten Wijnants
02. Etappe Sylvain Chavanel Sylvain Chavanel Sylvain Chavanel[A 2] Jérôme Pineau Quick Step Sylvain Chavanel
03. Etappe Thor Hushovd Fabian Cancellara Thor Hushovd Geraint Thomas Team Saxo Bank Ryder Hesjedal
04. Etappe Alessandro Petacchi Dimitri Champion
05. Etappe Mark Cavendish José Iván Gutiérrez
06. Etappe Mark Cavendish Mathieu Perget
07. Etappe Sylvain Chavanel Sylvain Chavanel Andy Schleck[A 3] Astana Jérôme Pineau
08. Etappe Andy Schleck Cadel Evans Rabobank Mario Aerts
09. Etappe Sandy Casar Andy Schleck Anthony Charteau Caisse d’Epargne Luis León Sánchez
10. Etappe Sérgio Paulinho Jérôme Pineau Mario Aerts
11. Etappe Mark Cavendish Alessandro Petacchi Stéphane Augé
12. Etappe Joaquim Rodríguez Thor Hushovd Anthony Charteau Team RadioShack Alexander Winokurow
13. Etappe Alexander Winokurow Alessandro Petacchi Juan Antonio Flecha
14. Etappe Christophe Riblon Caisse d'Epargne Christophe Riblon
15. Etappe Thomas Voeckler Andi Schleck
(Dr Alberto Contador isch im Gääle Liibli gfahre, isch aber 2012 wäge Doping im Joor 2010 rückwirkend disqualifiziert worde)
Team Radioshack Thomas Voeckler
16. Etappe Pierrick Fédrigo Thor Hushovd Carlos Barredo
17. Etappe Andy Schleck Alexander Kolobnew
18. Etappe Mark Cavendish Alessandro Petacchi Daniel Oss
19. Etappe Fabian Cancellara nit vergee
20. Etappe Mark Cavendish nit vergee
Siiger Andi Schleck Alessandro Petacchi Anthony Charteau Andy Schleck Team RadioShack Sylvain Chavanel

Notize:

  1. Dr David Millar isch nume Dritte im Punktklassemänt gsi. Er het uf der 1. Etappe s Grüene Liibli aagha, wil der Erst im Punktklassemänt, dr Cancellara, s Gäle und der Zweit, dr Martin, as Beste vo de Jungprofi s Wiisse Liibli aagha hai.
  2. Dr Alessandro Petacchi isch Zweite im Punktklassemänt gsi. Er het uf der 3. Etappe s Grüene Liibli aagha, wil dr Erst im Punktklassemänt, dr Chavanel, s Gäle Liibli aagha het.
  3. Dr Robert Gesink isch Zweite im Jungprofiklassemänt gsi. Er het vo der 10. Etappe aa s Wiisse Liibli aagha, wil dr Andy Schleck als Erste im Gsamtklassemänt s Gäle Liibli aagha het.

Zsämmefassig vom Renne[ändere | Quälltäxt bearbeite]

Prolog[ändere | Quälltäxt bearbeite]

Dr Fabian Cancellara bim Prolog

Dr Prolog isch z Rotterdam usdrait worde, und, wie z erwarte gsi isch, hai d Ziitfahrspezialiste guet abgschnitte drbii. Dr Cancellara het gwunne und s gäle Liibli übercho. Dr Dütschi Tony Martin isch mit zäh Sekunde Abstand Zweite worde und dr David Millar Dritte. D Favorite für s Gsamtklassemänt, dr Armstrong, dr Contador und dr Schleck si au nit wiit hindedri gsi. Bi de Flachetappe, wo denn cho si, hai, usser bi dr zweite Etappe, Sprinter ihri Form chönne under Bewiis stelle.

Ersti Etappe[ändere | Quälltäxt bearbeite]

In dr erste Etappe isch dr Petacchi z Brüssel as Erste dur s Ziil gfahre, nochdäm zwei Kilometer vor em Ziil d Sprinter Freire und Cavendish in en erste Sturz verwigglet gsi si und denn churz noch dr flamme rouge fast s ganze Fahrerfäld vom ene Massesturz ufghalte worden isch.

Zweiti Etappe[ändere | Quälltäxt bearbeite]

Bi dr zweite Etappe vo Brüssel uf Spa isch e Gruppe mit em Chavanel zäh Kilometer noch em Start usgrisse. S Peloton isch in en andere Massesturz verwigglet worde und het sich schwer do mit ihrer Verfolgig. Umgfalle si under Andere dr Armstrong, dr van de Velde und d Brüeder Schleck. Dr Fränk Schleck het s Schlüsselbei broche und het müesse ufgee. Dr Andy het sich an dr Achsle verletzt und het mehreri Minute verlore. Dr Cancellara het en mit andere Fahrer vom Saxo Bank Team zum Hauptfäld zrugggfüehrt, aber das het en d Füehrig im Gsamtklassemänt kostet. Dr Chavanel het duureghalte bis zum Schluss und mit meh as drei Minute Vorsprung uf e Cancellara däm s gäle Liibli abgnoh.

Dritti Etappe[ändere | Quälltäxt bearbeite]

S Fahrerfeld vor dr 3. Etappe

Die dritti Etappe isch vo Wanze uf Arenberg Porte du Hainaut gange und het über mehreri Chopfsteipflasterabschnitt gfüehrt. Dr Chavanel, immer no in Gäl, het zwei Panne gha und sovil Zit verlore, ass dr Cancellara as Sächste bi dr Akumft wiider Gsamterste worden isch. Dr Armstrong het au Päch gha und wägen ere Panne e chli meh as zwei Minute uf e Cancellara verlore und, schlimmer us siiner Sicht, fast ei Minute uf e Contador. Dr Norwäger Thor Hushovd het dr Sprint gwunne vor em Geraint Thomas und em Cadel Evans und isch Erste im Punktklassemänt worde. S Saxo Bank Team het d Füehrig im Mannschaftsklassemänt übernoh vor Garmin und Sky. Bi de Junge het dr Geraint Thomas vor em Andy Schleck gfüehrt, nochdäm dr Tony Martin, wo s wiisse Liibli drait het, gstürzt isch.

Vierti Etappe[ändere | Quälltäxt bearbeite]

Dr Jens Voigt und dr Alberto Contador bim Iischriibe vor dr 4. Etappe

Bim Massesprint in dr vierte Etappe z Reims het dr Mark Cavendish wiider entdüscht. Dr Petacchi het si zweiti Etappe in dere Tour gwunne, vor em Julian Dean und em Norwäger Edvald Boasson Hagen. In de Gsamtklassemänt het sich wenig gänderet. Dr Cancellara het s gäle Liibli bhalte, dr Hushovd s grüene, dr Thomas s wiisse und dr Pineau s Liibli vom beste Bärgfahrer. Saxo Bank het d Mannschaftswärtig agfüehrt.

Fümfti Etappe[ändere | Quälltäxt bearbeite]

In dr fümfte Etappe si dr José Ivan Gutierrez vo dr Caisse d’Epargne, dr Belgier Jurgen Van De Walle vo Quick Step und der Franzose Julien El Fares vo Cofidis sächs Kilometer vom Start usgrisse und hai s bis zum ene Vorsprung vo siibe Minute brocht. Denn het s Columbia Team vom Cavendish ihri Verfolgig organisiert. E baar Kilometer vor em Ziil hai si zwei vo de Usrisser iigholt, dr Gutierrez het brobiert elei wiiterzfahre, isch aber vier Kilometer vor em Ziil vom Peloton iigholt worde. Dr Ängländer Cavendish isch im Windschatte vom Garmin Team gfahre, wo für e Farrar gschafft het. Dä isch aber schwach gsi und dr Cavendish het en abghänggt und dr Sprint vor em Dütsche Ciolek gwunne. Wil braktisch alli Fahrer immer zsämme bliibe si bis ins Ziil, het sich an de Klassemänt nüt gänderet.

Sächsti Etappe[ändere | Quälltäxt bearbeite]

Die sächsti Etappe vo Montargis uf Gueugnon isch die lengsti in dere Tour de France gsi. Schon e Kilometer noch em Rennafang hai sich drei Fahrer abgsetzt, dr Sebastian Lang vo Omega Pharma Lotto, dr Franzos Mathieu Perget vo dr Caisse d'Epargne und dr Spanier Ruben Perez vo Euskaltel. Bi meh as drissig Grad im Schatte si si uf e Vorsprung vo bis zu acht Minute cho, s Peloton het se aber acht Kilometer vor em Ziil iigholt. Im Massesprint het dr Cavendish wiider gwunne und isch jetzt im fümfte Rang vo dr Punggtwärtig gsi. Im Hushovd si Vorsprung uf e Petacchi isch uf vier Pünggt zsämmegschmulze. As kämpferiste Fahrer het dr Mathieu Perget die roti Ruggenummere übercho und im Bärgklassemänt dr Sylvain Chavanel überholt. Sust het sich wenig gänderet in de Klassemänt.

Sibti Etappe[ändere | Quälltäxt bearbeite]

Die siibti Etappe vo Tournus uf d Station des Rousses isch über fümf Päss gange, die letzte drei si in dr zweite Kategorii gsi. Bim letzte Aastig, wo dr Sylvain Chavanel elei alle vorusgfahren isch, hai sich d Sprintspezialiste ändgültig vo dr Klassemäntspitze verabschiidet, und dr Cancellara, wo öbbe vierzäh Minute uf e Chavanel iibüesst het, het s gäle Liibli an dä abgee. D Favorite si zsämme im Peloton bliibe und an ihre relative Positione het sich nit vil veränderet. E grossi Überraschig isch aber gsi, ass dr Klöden, won e sehr guete Bärgfahrer isch, nit mit em Hauptfäld het chönne mithalte und erst meh as zwei Minute spöter as siini Rivale im Peloton am Ziil acho isch. Dr Pineau, wo as Erste über die erste vier Päss gfahren isch, het siis grüene Liibli mit Erfolg verdeidigt. Dr best Jungfahrer isch dr Andy Schleck worde und bim Sprintklassemänt het sich nüt veränderet.

Achti Etappe[ändere | Quälltäxt bearbeite]

Dr Bradley Wiggins uf dr 8. Etappe

Die erste zwei Drittel vo dr achte Etappe vo dr Station des Rousses uf Avoriaz si nid schwiirig gsi. Zerst isch e Pass vo dr vierte Kategorii und denn e langi Abfahrt mit chliinere Hügel cho. Dr Belgier Mario Aerts, dr Holländer Koos Moerenhout und e baar anderi hai das usgnützt, zum Sprint- und Bärgpünggt zsammle. Die letzte vo dene Usrisser si erst am letzte Bärg überholt worde vom Peloton, wo vo Astana agfüehrt worden isch und wo fast alli Favorite drzue ghört hai, usser em Lance Armstrong, wo noch zwei Stürz meh und meh Zit verlore het, mit 11:45 Minute Abstand am Ziil acho isch und kei Chance für s Gsamtklassemänt meh gha het. Dr Andy Schleck und dr Spanier Samuel Sánchez si churz vor em Ziil usgrisse und dr Schleck het im Sprint d Etappe gwunne.

Nüünti Etappe[ändere | Quälltäxt bearbeite]

Die nünti Etappe het mit ere drissig Kilometer langen Abfahrt agfange, denn isch e Bärg us dr erste Kategorii cho, dr Col de la Colombière, denn dr Col des Aravis (zweiti Kategorii) und denn dr Col des Saisies (ersti Kategorie). Dä Rennabschnitt isch prägt worde von ere Usriissergruppe mit em Sandy Casar, em Anthony Charteau, em Luis León Sánchez, em Jérôme Pineau, em Christophe Moreau und e baar Andere, wo vili Pünggt für s Bärgklassemänt gsammlet hai. Bim letzte Ufstiig vom Dag uf e Col de la Madeleine (Hors Catėgorie) hai sich die beste Fahrer abgsetzt und s Tempo afo forciere. Dr Cadel Evans, dr Carlos Sastre, e chlii druf dr Ivan Basso und dr Lance Armstrong hai nit mit em Andy Schleck und em Alberto Contador chönne mithalte. Die beide hai d Verfolgig vo dr Gruppe vom Casar ufgnoh, wo immer chliiner worden isch und uf em Pass nume no us fümf Fahrer bestande het. Uf dr Abfahrt, wo fast drissig Kilometer lang gsi isch, het dr Samuel Sánchez, wo bim Ufefahre e bitz distanziert worden isch, dr Contador und dr Schleck fast iigholt, het aber uf dr fast ebene Strecki uf Saint-Jean-de-Maurienne wiider vierzig Sekunde verlore. Unterdesse het d Gruppe vom Casar sich nit drum kümmeret, ass dr Schleck und dr Contador guet zsämmegschafft hai und si si churz vor em Ziil überrascht gsi, ass dr Schleck se sogar churz überholt het. Dr Casar het aber dr Sprint vor em Luis León Sánchez und em Damiano Cunego gwunne. S gäle Liibli isch an dr Andy Schleck gange, won e Vorsprung vo 41 Sekunde uf e Contador und vo 2:45 Minute uf e Samuel Sánchez gha het. Dr Schleck isch dr best Nochwuchsfahrer und dr Thor Hushovd dr schnällst Sprinter bliibe. Im Bärgklassemänt het dr Anthony Charteau d Füehrig übernoh vor em Pineau und em Moreau.

Zähnti Etappe[ändere | Quälltäxt bearbeite]

Die erste siibzig Kilometer vo der zähnte Etappe si hügelig gsi, s Tämpo vom Peloton isch mässig gsi, und vili Fahrer hai brobiert uszriisse. Bi dr Uffahrt zur Côte de Laffrey (1. Kategorii) het sich e Sächsergruppe uusebildet, wo us de Franzose Pierre Rolland und Maxime Bouet, de beide Belgier Mario Aerts und Dries Devenyns, em Portugiis Sergio Paulinho und em Wiissruss Vasil Kiryienka bestande het, wo alli im Gsamtklassemänt kei Bedrohig für d Favorite dargstellt hai. Im Peloton het s dorum niemer bressant gha, und d Usriisser hai ihre Vorsprung bis zum Gipfel vom Col du Noyer (2. Kategorii) uf fast zwölf Minute chönne usbaue. Die letzti Abfahrt isch technisch aspruchsvoll gsi, wil aber niemer under Druck gsi isch, isch au niemer Risike iigange und alles isch ohni Stürz abgloffe. D Füehrigsgruppe het sich ufglöst und dr Paulinho und dr Kiryienka si de andere drvo gfahre. Im Ändsprint isch dr Portugiis grad no vor em Kiryienka an s Ziil cho. Bi de Sprinter het dr Petacchi dr Vorsprung vom Hushovd um drei Pünggt chönne verchliinere, bi de Bärgspezialiste het dr Pineau as Siibte uf dr Côte de Laffrey ei Punggt meh übercho as dr Charteau und het em s Punggtliibli abgnoh. Caisse d'Epargne het bi de Mannschafte dr ersti Platz verdeidigt vor RadioShack und Astana. Im Gsamtklassemänt het sich nüt gänderet.

Elfti Etappe[ändere | Quälltäxt bearbeite]

S erste Drittel vo dr elfte Etappe isch e langsame Astiig uf e Col de Cabre (3. Kategorii) gsi. E Gruppe mit em Spanier José Alberto Benítez und de Franzose Stéphane Augé, Anthony Geslin und em Jérôme Pineau si vorus gfahre und het die wenige Pünggt im Bärgfahre und bi de Zwüschsprint wo s gee het, iigsammlet. Denn isch e langi Abfahrt cho bis zum Ziil. Bi dr Aakumft z Bourg-lès-Valence si alli Usrisser scho lang iigholt gsi und d Sprinterteam hai em Peloton e hochi Gschwindikeit vorgschriibe. Im Sprint het dr Mark Cavendish vor em Alessandro Petacchi gwunne. Dr Thor Hushovd isch nume Siibte worde und het s grüene Liibli em Petacchi müesse überloo. In de andere Klassemänt het sich nüt gänderet. Dr Augé isch zum kämpferiste Fahrer vo dr Etappe gwehlt worde.

Zwölfti Etappe[ändere | Quälltäxt bearbeite]

Die zwölfti Etappe isch vo Bourg-de-Péage uf Mende gange und isch 210,5 km lang gsi. Dr Fedrigo, dr Hejsedal und dr Costa si am erste Bärg usgrisse, hai d Pünggt für s Bärgklassemänt gnoh und si e baar Kilometer druf wider iigholt worde. Am zweite Bärg het sich e Gruppe vo achzäh Fahrer abgsetzt, drunder dr Anthony Charteau, dr Winokurow, dr Kiryenka, dr Klöden, dr Casar, dr Hesjedal und dr Hushovd. Dä het vorgha d Zwüschsprint z gwünne und im Petacchi s grüene Liibli wider abzneh, was em noch em zweite Sprint au glungen isch, und denn het er sich wider vom Peloton lo iihole. Dr Winokurow het aagrife und isch zsämme mit em Klöden, em Kiryienka und em Hesjedal uf fast vier Minute Vorsprung uf s Peloton cho. Das het reagiert und dr Vorsprung isch langsam zsämmegschmulze. Am letzte Aastiig, wo nume vier Kilometer lang aber sehr steil gsi isch, het sich dr Vorsprung rapid verchliineret, und dr Klöden und dr Hesjedal si ins Peloton zrugggfalle. Dr Contador het aagrife und dr Andy Schleck het e baar Sekunde zum reagiere bruucht und het s nüm fertig brocht zum Contador ufzschliesse. Dä het dr Ändspurt gegen e Joaquim Rodríguez verlore. Dr Schleck het zäh Sekunde uf dr Contador verlore, het aber s gäle Liibli mit eme Vorsprung vo 31 Sekunde bhaltet. Dr Charteau het vor em Pineau im Bärgklassemänt gfüehrt, dr Hushovd isch wider Erste bi de Sprinter gsi und s Team RadioShack isch die besti Mannschaft worde.

Drizähnti Etappe[ändere | Quälltäxt bearbeite]

Die drizähnti Etappe isch hügelig gsi, drei Bärge in dr vierte und zwei in dr dritte Kategorii. Dr Winokurow het sich mit drizäh Sekunde Vorsprung vor de Sprinter in s Ziil grettet. Dr Mark Cavendish isch Zweite worde und het siini Chance im Punggtklassemänt verbesseret. Dr Petacchi as Dritte het acht Pünggt meh übercho as dr Hushovd as Achte und het däm wider s grüene Liibli abgnoh. Im Gsamtklassemänt het sich bi de Füehrende nüt gänderet.

Vierzähnti Etappe[ändere | Quälltäxt bearbeite]

Die erste zwei Drittel vo dr vierzähnte Etappe vo Revel uf Ax 3 Domaines si hügelig gsi und denn isch dr Aastiig uf dr hors categorie Port des Palhères cho, wo 2100 Meter hoch isch. Scho vier Kilometer noch em Start isch die ersti Gruppe usgrisse, wo sich zerst nit wiit vom Peloton het chönne entfärne. Bim Kilometer 27 si si denn zwei e halb Minute vorus gsi, vierzig Kilometer druff scho e chli meh as zäh Minute. Denn het Astana aber afo Dampf mache und dr Vorsprung het sich die ganz Ziit verchliineret. Bi dr Uffahrt zum Port des Palhères isch d Usrissergruppe usenandergheit. Dr Riblon isch dört am Schluss ganz elei alle vorus gsi, au starki Fahrer wie dr Valls, dr Sastre, dr Kiryienka, dr Charteau und dr Cunego si nüme mitcho. Noch ere steile Abfahrt het dr Amaël Moinard dr Riblon fast wider iigholt, aber bim Aastiig uf Ax 3 Domaines, wo zwar nume nüün Kilometer lang aber zimlig stotzig isch, het er kei Chance gha, isch zrugggfalle und isch bald vo dr Gruppe vo de Favorite überholt worde. Dr Christophe Riblon aber het duureghalte und isch mit fast ere Minute Vorsprung vor em Denis Menschow und em Samuel Sánchez, wo im Schleck und em Contador drvo gfahre si, am Ziil achoo. Dr Schleck und dr Contador hai am Schluss zsämmegschafft, zum dr Vorsprung vom Menschow z begränze und hai dr Vorsprung von ere halbe Minute bis uf fufzäh Sekunde im Ziil verchliineret.

Fufzähnti Etappe[ändere | Quälltäxt bearbeite]

Die fufzähnti Etappe isch 187,5 Kilometer lang gsi und het vo Pamiers uf Bagnières-de-Luchon gfüehrt. Dr erst Deil het nume e Bärg in dr vierte Kategorii gha, aber denn si zwei Päss in dr zweite Kategorii cho und zum Schluss dr Port de Balès (hors categorie) und e raschi Abfahrt uf Bagnières-de-Luchon. Uf em erste Bärg hai dr Hushovd und dr Petacchi, wo se im Punggtklassemänt numme zwei Pünggt drennt, um Bärgpünggt gsprintet, dr Hushovd isch Zweite und dr Petacchi Dritte worde, aber bim Zwüschsprint 25 Kilometer spöter si beidi leer usgange. Uf dr Uffahrt zum Col de Portet-d’Aspet het sich en Usriissergruppe bildet, wo dr Bestplatzierti under ne, dr Johan Van Summeren, e halbi Stund hinder em Schleck glägen isch im Gsamtklassemämt. Dorum het me se lo fahre. Dr Voeckler, wo au drbii gsi isch het das usgnützt zum Pünggt für s Bärgklassemänt z sammle. Dr Vorsprung vo dr Spitzegruppe het sich uf fast elf Minute vergrösseret. Bim letzte Aastiig dreiht d Saxobank uf, s Peloton verliert immer meh Fahrer und dr Vorsprung vom Voeckler siiner Gruppe schmilzt zsämme, und die brobiere ihri Gschwindikeit z erhöhe. Die meiste chömme nümme mit und bim Kilometer 159 fahrt dr Voeckler no im Ballan, em Letzte wo no mit em gsi isch, drvo. D Favorite si immer non e baar Minute hinder em Voeckler und zwölf Kilometer vor em Spitz vom Port de Balès grift dr Schleck dr Contador und die andere Favoriten a, aber si Chetti gumpt uuse. Dr Contador macht meh Tempo und fahrt em drvo, währed dr Schleck d Chetti wiider muess iine due und eso dr Aaschluss an die andere Favorite verliert. Bi dr Abfahrt het dr Schleck, wo nit dr best Abfahrer isch, non e baar Sekunde verlore und chunnt im Ziil 3 Minute 29 Sekunde noch em Etappesiiger, em Thomas Voeckler aa, und verliert 39 Sekunde uf dr Contador, wo eso s gäle Liibli übernimmt. Nit wenigi Zueschauer hai s Verhalte vom Contador as unsportlig betrachdet und ihn bi dr Ehrig uspfiffe.

Sächzähnti Etappe[ändere | Quälltäxt bearbeite]

Bi dr Etappe vo Bagnères de Luchon uf Pau hai d Fahrer vier schwiirigi Bärg müesse überwinde: dr Col de Peyresourde, Col d’Aspin (beidi 1. Kategorii), dr Col du Tourmalet und dr Col d’Aubisque (beidi hors catégorie). S Peloton het sich im Ufstiig uf e Col de Peyresourde in chliineri Gruppen ufglöst. Am Spitz isch dr Pol Sylwester Szmyd gsi, wo as Erste über e Pass gfahren isch. Noch ihm si dr Charteau und dr Kreuziger cho. Dr Lance Armstrong und wichdigi Fahrer wie dr Winokurow mit nume siibe Minute Rückstand im Gsamtklassemänt si au drbii gsi. S Peloton het se dorum nit allzu vil Vorsprung lo uusefahre. Am zweite Bärg isch dr Charteau Erste worde und het si Vorsprung im Bärgklassemänt usbaut. Uf e Tourmalet zue isch dr Sandy Casar usgrisse und dr Armstrong isch em nooch. Dr Armstrong het dr Franzoos denn hinder sich glo, dr Cunego und dr Fedrigo si aber bald zuen em gstosse, und denn si no dr Moreau und dr Casar und bald druf dr Horner, dr Barredo und dr Plaza drzuecho. Churz vor em Gipfel het dr Moreau aagrife und het as Erste zwanzig Pünggt und d Sunderprämie gnoh. Dr Charteau isch nume Elfte gsi und ohni Pünggt usgange. Er isch denn ins Peloton zrugggfalle und d Armstrong Gruppe het ihre Vorsprung bis uf sächs Minute chönne vergrössere. Churz vor em Spitz vom Aubisque het dr Moreau aagrife und as Erste vierzig Pünggt übercho. Dr Fedrigo isch Zweite und dr Horner Dritte worde. Bi dr Abfahrt het sich dr Abstand zum Peloton bis uf zäh Minute vergrösseret. Dr Barredo isch dr Spitzegruppe drvogfahre, het zitwiis e Vorsprung vo meh as vierzig Sekunde uf se gha gha, aber zwei Kilometer vor em Ziil het en d Armstrong Gruppe wiider iigholt. Bim Ändsprint het dr Pierrick Fédrigo vor em Sandy Casar und em Rubén Plaza gwunne. Wo denn s Peloton aacho isch, het dr Thor Hushovd no die letzte Sprintpünggt vom Dag gnoh und isch wider im Grüene Liibli gsi.

Sibzähnti Etappe[ändere | Quälltäxt bearbeite]

Dr Alberto Contador im gäle un dr Thor Hushovd im grüne Liibli vor dr 17. Etappe

Die letzti Etappe in de Pyreneä het mit eme Bärg vo dr 4. Kategorii agfange, denn si dr Col de Marie-Blanque und dr Col du Soulor (beidi 1. Kategorii) cho und s Ziil isch uf em Col du Tourmalet gsi. Scho fümf Kilometer noch em Start isch e Gruppe vo siibe Fahrer usgrisse. Keine drvo het e Chance bim Punggt- oder bim Bärgklassemänt gha und dorum het sich bi dene nüt g änderet; und wil s die letzti Bärgetappe gsi isch, het dr Charteau, wenn er nume d Tour z Änd fahrt, s Bärgklassemänt scho gwunne gha. D Usriisser si bis zum Tourmalet vorus bliibe und dr Sastre, wo fast 150 Kilometer lang brobiert het, elei zum Spitz ufzschliesse, isch vom Peloton schliesslig gschluggt worde. Dört het Saxobank s Tämpo vorgee und meh und meh Fahrer si zrugggfalle. Schliesslig het dr Schleck nüün Kilometer vor em Ziil aagrife und nume dr Contador het no chönne mithalte. Churz druf hai si dr Letzt vo de Usriisser, dr Alexander Kolobnew, überholt. Dr Schleck het dr Contador nit chönne abhängge, aber au däm si Agriff het em kei Vordeil brocht, so dass die beide zsämme am Ziil achoo si, wo dr Contador em Schleck dr Etappesiig nit striitig gmacht het.

Achzähnti Etappe[ändere | Quälltäxt bearbeite]

Die achzähnti Etappe isch e Flachetappe vo Salies-de-Béarn gsi. Bim 17. Kilometer si vier Fahrer, dr Breschel, dr Oss, dr Vaugrenard und dr Pineau usgrisse und bis churz vor em Ziil im Peloton vorusgfahre. Si hai eso alli Sprintpünggt iigsammlet, wo s underwägs gee het, und s Schiggsal vom grüene Liibli isch dorum nume vo dr Platzierig am Ziil abhängig gsi. Dr Cavendish het dr Ändsprint souverän gwunne, vor em Dean und em Petacchi. Das het däm glängt, zum im Hushovd s grüene Liibli abzneh.

Nüünzähnti Etappe[ändere | Quälltäxt bearbeite]

Dr Alessandro Petacchi im grüene Liibli uf dr 20. Etappe

Bim Zitfahre vo Bordeaux uf Pauillac het dr Fabian Cancellara vor em Tony Martin und em Berti Grabsch gwunne. Vo de erste Zäh im Gsamtklassemänt isch dr Denis Menschow wie erwartet dr Flinkst gsi und het sich uf e dritte Blatz ufe gschafft. Au dr Contador het relativ guet abgschnitte und het im Andy Schleck, wo besser gfahren isch as me dänggt hät, non e halbi Minute abgnoh.

Zwanzigsti Etappe[ändere | Quälltäxt bearbeite]

Uf de Champs Elisées het dr Mark Cavendish wider bewiise, ass er zu dere Zit dr best Sprinter gsi isch. Dr Petacchi het si erste Blatz im Punggtklassemänt verdeidigt, dr Thor Hushovd isch aber vom Cavendish vom zweite uf e dritte Blatz verdrängt worde. In de andere Klassemänt het sich, wie erwartet, nüt gänderet.

Grichtligs Noochschbiil[ändere | Quälltäxt bearbeite]

Wäärend dr Tour de France 2010 het dr Alberto Contador bin ere Bluetbroob Spuure vom verbotnige Clenbuterol im Bluet gha. Er isch druf gsperrt worde, aber dr schbanisch Verband RFEC het en freigsproche und d Sperri ufghoobe.[3] Dr Velosportwältverband UCI isch in d Beruefig gange und 2012 het dr Internazional Sportgrichtshoof (Court of Arbitration for Sport, churz Cas) dr Contador schuldig gfunde und iin für zwäi Joor rückwirkend vo dr Tour 2010 aa, gsperrt. Dr Contador verliert drmit siini Ditel bi dr Tour 2011 und bim Giro d'Italia 2011.[4]

Nowiis[ändere | Quälltäxt bearbeite]

  1. 1,0 1,1 Streckenverlauf der Tour de France 2010. Abgrüeft am 2010-07-03.
  2. Teams der Tour de France 2010. Abgrüeft am 2010-07-03.
  3. Spiegel online 16.02.2011 abgrüeft am 6. Februar 2012
  4. Spiegel online 06.02.2012, abgrüeft am 6. Februar 2012.

Weblink[ändere | Quälltäxt bearbeite]

Fairytale bookmark gold.png Dr Artikel „Tour de France 2010“ isch einer vo de bsunders glungene Artikel.

Churz zämmegfasst, isch de Artikel sproochlig un stilistisch vorbildlich gschrybe, bhandlet alli wichtigi Aspekt vum Thema ussfierlich, isch sachlig korrekt un sorgfältig mit Quelle belait, glunge gstaltet un profilgrächt.

Alli sin härzlich yyglade wyter aa däm Artikel z schaffe, z erwyytre un z verbessre!