Theo Klaus

Dr Theo Klaus (* 31. Jänner 1935 z Bischeffinge) isch e dytsche Buur, Beamte un Dialäktautor.

Lääbe

Dr Klaus isch z Bischeffinge ufgwagse un wohnt bis hit in sym Elterehuus. No dr Volksschuel z Bischeffinge isch er uf d Buureschuel z Rotwiil gange. No dr Schuel het er e landwirtschaftli Lohnunternäme grindet (Maaidrescher, Härdepfelvollärner). Anne 1960 isch er Gmaindsrächner vu Bischeffinge wore, het aber allno uf em Hof vu dr Eltere buurt un d Rääbe gmacht. Vu 1981 bis zue dr Pänsionierig anne 1998 isch er Hauptamtslaiter vu dr Stadt Vogtsburg gsii, wu Bischeffinge syt dr Verwaltigsreform derzue ghert.

Näb em Beruef het er si as Vorstandsmitglid in verschidene Verain engaschiert, unter anderem as Rächner oder Schriftfierer i

Dr Klaus schrybt Gedicht, Gschichte un au Lieder sym Kaiserstieler Alemannisch. Anne 1996 het er mit „Bischoffingen. Unser Dorf in alter Zeit“ e Bildband mit alte Bilder vu sym Haimetdorf uusegee. Doodin het er au e baar aigeni Gedicht uf Alemannisch vereffetligt. Wel er gmerkt het, ass die Gedicht guet aachuu sin, het er 2002 mit „He dü liebi Zit“ sy zwoot Buech uusegee, e alemannische Gedichtband. Är het langi Johr e alemannischi Kolumne im Regio-Magazin gschribe. Anne 2011 het er e CD mit 30 Gschichte, Gedicht un Lieder uusegee, wun er sälber druf vorgläse un gsunge het. Iber sy Lääbe het e anne 2021 unter em Titel „Krieg und Frieden“ en autobiografische Churzroman vereffetligt.

Är isch ghyrote un het e Dochter.

Wäärch

• Bischoffingen. Unser Dorf in alter Zeit. Bildband mit Gedichten. Geiger, Horb am Neckar 1996. 72 S. ISBN 3-89570-249-8
• He dü liebi Zit. Alemannische Gedichte. Weis, Freiburg 2002. 96 S., 2. erw. Aufl. 2006. 120 S.
• He was dü nit saisch. CD. Eigenverlag, Vogtsburg 2011
• Krieg und Frieden. Die Lebensgeschichte eines Kaiserstühlers. Gutenbergdruckerei, Freiburg 2021

Weblink

• Sebastian Ehret: Zufriedener Blick auf das eigene Leben, Badische Zeitung, 11. Dezämber 2021
• Benjamin Bohn: Fasziniert vom Kaiserstühler Dialekt. Heimatdichter Theo Klaus veröffentlicht eine CD, Badische Zeitung, 09. Merz 2011
• Iber dr Theo Klaus mit ere Uuswahl an Gedicht uf dr Websyte vum Harald Noth