Syrische Dynastie

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Byzantinische Riich am Aafang vo dr Herrschaft vo dr Sürische Dünastii, 717

As sürischi Dünastii (vilmol au falsch Isaurischi Dünastii) wird die byzantinischi Herrscherdünastii bezäichnet, wo vom Kaiser Leo(n) III. gründet worden isch und s Riich vo 717 bis 802 regiert het. Zu dr Dünastii häi näben em Leo III. d Kaiser Konstantin(os) V., Leo IV. und Konstantin VI. und d Kaiserin Irene ghöört.

Dr Naame vo dr Dünastii goot uf d Häimet vom Leo III. zrugg, wo us Germanikeia in Sürie gstammt het. Dr Theophanes git as Ursprungsland Isaurie aa (AM 6209), was falsch isch, aber wäge däm het sich dr Naame Isaurischi Dünastii iibürgeret. Dr Leo III. und dr Konstantin V. si milidäärisch seer erfolgriich gsi, wo si d Aagriff vo de Aarber und vo de Bulgare abgweert häi. Si häi au e baar innepolitischi Reforme duuregfüert, wie d Iifüerig vo dr Gsetzsammlig Ekloge. Wäge iirer ikonoklastische Posizioon im Bilderstrit, wo under em Leo III. aagfange het, wärde si in de erhaltene ikonodule byzantinische Kwelle seer negativ daargstellt. In dr nöijere Forschig wärde hingeege iiri beachtlige Erfolg understriche und e Hufe Ussaage in de bilderfründlige Kwelle kritischer bedrachdet, wil die vilmol tendenziöös si und s Bild verzeere, zum dr Standpunkt vo dr siigriiche (bilderfründlige) Site z bedoone. As letschti vo dr Dünastii het d Irene regiert, die ersti Kaiserin vom Riich, bevor si 802 abgsetzt und dur e Nikephoros I. ersetzt worden isch.

Liddratuur[ändere | Quälltäxt bearbeite]

  • Leslie Brubaker, John F. Haldon: Byzantium in the Iconoclast era. c. 680–850. A History. Cambridge University Press, Cambridge u. a. 2011, ISBN 978-0-521-43093-7.
Dä Artikel basiert uff ere fräie Übersetzig vum Artikel „Syrische_Dynastie“ vu de dütsche Wikipedia.

E Liste vu de Autore un Versione isch do z finde.