Konstantin VI. vo Byzanz

Us der alemannische Wikipedia, der freie Dialäkt-Enzyklopedy


Konstantin VI. (Byzanz)
Kaiser vom Byzantinische Riich
Dr Konstantin VI. (rächts näben em Chrüz) bim Zwäite Konzil vo Nikäa
Regierigsziit 776–797
Uf d Wält cho 771
Gstorbe 802 (im Alter vo 31)
Vorgänger Leo IV.
Nochfolger Irene

Dr Konstantin VI. (Κωνσταντῖνος ΣΤ′, * um 771; † 797 Byzanz) isch 780 dr Noochfolger vo sim Vater Leo IV. as Kaiser vo Byzanz worde und het bis 797 regiert. Er isch dr letscht männlig Kaiser vo dr sürische Dünastii gsi. Wil er seer jung gsi isch, won er Kaiser worde isch (öbbe nüüni), het sini ikonoduli Mueter Irene as Regäntin gherrscht.

787 het d Irene e Bündnis mit em Karl em Groosse abgschlosse, und mä het Blään gmacht, im Karl si Dochder Rotrud mit Konstantin z verhüroote, aber us d#m isch nüt worde. 788 het dr Konstantin d Maria, e Groosschind vom Philaretos, won e verarmte Landbsitzer us Amnia in Paflagonie gsi isch und spööter häilig gsproche worden isch.

Dr Konstantin isch denn sächzääni gsi, und das isch zu säller Zit alt gnueg gsi, zum d Regierig vo sinere Mueter z übernää. Er het aber no bis zum ene Ufstand gege d Irene vo armenische Soldate in dr byzantinische Armee im Joor 790 müesse warte, bis er daatsächlig an d Macht choo isch. D Irene het iire Kaiserinneditel bhalte, und dr Konstantin het zerst die ufständische Soldate müesse schloo, bevor si das akzeptiert häi. Denn het er en Ufstand vo si Brueder Nikephoros müesst underdrucke, wo mä in e Chloster gsteckt gha het, zum en draa z hindere, z leere wie mä regiert. Dr Konstantin het sich lo schäide und wider ghürootet, was umbobuläar und villicht au illegal gsi isch, was dr Patriarch aber nid gstöört het.

Im Joor 797 isch non e Rebellioon usbroche, dasmol sis Verbündeti vo dr Irene gsi und si het sä au understützt. Mä het dr Konstantin gfange gnoo und bländet und er isch spööter an sine Wunde gstorbe. D Irene het vo denn aa alli Gwalt über s Riich ghaa.

In dr Regierigszit vom Michael II. (820–829) si Pretendänte ufdräte, wo behauptet häi, ass si dr Konstantin VI. sige. Äine von ene isch dr Thomas dr Slaaw gsi.

Liddratuur[ändere | Quälltäxt bearbeite]

  • Leslie Brubaker, John F. Haldon: Byzantium in the Iconoclast era. c. 680–850. A History. Cambridge University Press, Cambridge u. a. 2011, ISBN 978-0-521-43093-7.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Konstantin_VI._(Byzanz)“ vu de dütsche Wikipedia. E Liste vu de Autore un Versione isch do z finde.