Leo IV. (Byzanz)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Leo IV.
Kaiser vom Byzantinische Riich
Daarstellig vom Leo IV. und vom Konstantin VI.
Regierigsziit 25. Merz 775 – 18. Juni 780
Uf d Wält cho 25. Januar 750
Gstorbe 8. Septämber 780 (im Alter vo 30)
Vorgänger Konstantin V.
Nochfolger Konstantin VI.
Verhürotet mit Irene
Nochkomme Konstantin VI.
Dynastii Sürische Dünastii
Vater Konstantin V.
Mueter Tzitzak (Irene vo Chasarie)

Dr Leo IV. (* 749 oder 750 [1]; † 8. Septämber 780), wäge dr Häärkumft vo sinere Mueter het er dr Übernaame dr Chasar (griechisch Leon o Chazaros Λέων ὁ Χάζαρος überchoo), isch vo 775 aa byzantinische Kaiser us dr sürische Dünastii gsi.

Dr Leo isch dr Noochfolger vo sim Vater Konstantin V. gsi. 776 het er si jung Soon Konstantin (dr spööteri Konstantin VI.) zum Mitkaiser gmacht und en Ufstand underdruckt, wo sini fümf Stiefbrüeder wäge däm gmacht häi.

Wie si Vater und si Groossvater Leo III. isch au dr Leo IV. im Kampf gege d Araber-er het ene 778 e schweeri Niiderlaag zuegfüegt- und gege d Bulgare erfolgriich gsi. Aber nid wie die bäide isch er in religiööse Frooge ikonodul (bilderfründlich) iigstellt gsi (lueg Bilderstrit). Allerdings bedoont die nöijeri Forschig, ass die bilderfründlige Kwelle d Regierigszit und d Religioonsbolitik vom Leo III. und vom Konstantin V. stark verzerrt beschriibe. Dr Leo IV. het uf jede Fall im Februar 780 wider e bilderfründlige Patriarch vo Konstantinopel iigsetzt.[2]

Wäärend sinere Regierig sig dr Leo stark under em Iifluss vo sinere Frau Irene gstande. In dr eltere Forschig het mä das as Grund für si moderaati Religioonsbolitik gsee, das luegt mä aber hüte skeptischer aa.[3] Wo dr Leo im Septämber 780 unerwartet gstorbe isch, isch d Irene Regäntin für iire gmäinsame Soon und Noochfolger vom Leo Konstantin VI.

Liddratuur[ändere | Quälltäxt bearbeite]

  • Leslie Brubaker, John F. Haldon: Byzantium in the Iconoclast era. c. 680–850. A History. Cambridge University Press, Cambridge u. a. 2011, ISBN 978-0-521-43093-7, S. 248ff.
  • Ulrich Schmidt: Leo IV. (Byzanz). In: Biographisch-Bibliographisches Kirchenlexikon (BBKL). Band 4, Herzberg 1992, ISBN 3-88309-038-7, Sp. 1474–1475.
  • Paul Speck: Kaiser Konstantin VI. Die Legitimation einer fremden und der Versuch einer Herrschaft. München 1978, S. 53ff.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Dr Ulrich Schmidt git im BBKL dr 25. Januar 749 aa, d Lynda Garland in De Imperatoribus Romanis Januar 750.
  2. Leslie Brubaker, John F. Haldon: Byzantium in the Iconoclast era. c. 680–850. A History. Cambridge u. a. 2011, S. 249f.
  3. Leslie Brubaker, John F. Haldon: Byzantium in the Iconoclast era. c. 680–850. A History. Cambridge u. a. 2011, S. 252f.
Dä Artikel basiert uff ere fräie Übersetzig vum Artikel „Leo_IV._(Byzanz)“ vu de dütsche Wikipedia.

E Liste vu de Autore un Versione isch do z finde.