Silke Krebs

D Silke Krebs (* 23. Merz 1966 z Aschaffenburg) isch e dytschi Bolitikeri (Bindnis 90/Di Griene). Si isch vum 21. Novämber 2009 bis 2011 Landesvorsitzendi vum Landesverband Bade-Wirttebärg vu Bindnis 90/Di Griene gsii. Dr neie grien-rote Landesregierig vum Minischterbresidänt Winfried Kretschmann het si as Minischteri im Staatsministerium aaghert.

Noch em Schuelbsuech z Geppenge het d Krebs zerscht z Fryybeg Mineralogi studiert. No dr Geburt vu ihre Dochter het si ne Umschuelig gmacht un fir d Fryybeger Stadtwärch gschafft.

D Krebs isch zwische 1989 un 1994 fir di Griene im Fryybeger Gmairot ghockt. Ab 2001 het si in dr Wahlchraisbiro vu verschidene griene Landdagsabgordneter gschafft, zerscht fir dr Dieter Salomon, ab 2002 fir d Edith Sitzmann, 2006–2008 fir d Bärbl Mielich. Syter anne 2008 isch si Referänti fir Effetligkaitsarbet vu dr griene Landdagsfraktion gsii. D Silke Krebs isch vu 2001 bis 2008 Mitglid im Chraisvorstand vu dr Fryybeger Griene un syter 2005 Mitglid im erwyterte Landesvorstand gsii. Uf dr Landesdelegiertekumferäntz im Novämber 2009 z Biibra hän di bade-wirttebärgische Griene si zämme mit em Christian Kühn zue aire vu zwai glychbrächtigte Landesvorsitzende gwehlt. Ihri Noofolgeri im Amt vu dr Landesvorsitzende isch d Thekla Walker.

Am 12. Mai 2011 isch d Krebs as Mitglid im Kabinett Kretschmann I im Landdag as neji Minischteri im Staatsminischterium veraidigt wore. Am 14. Merz 2016, ai Dag no dr Landtagswahl, het si ihre Ruggdritt as Staatsministerin zum 18. Merz 2016 aagchindet^[1]. Syterhär schafft si as freiberuefligi Beroteri.