Romantik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Wanderer über em Näbelmeer vom Caspar David Friedrich

D Romantik isch e kulturgeschichtligi Epoche, wo d Ufklärig und dr Klassizismus abglöst het und vom Ändi vom 18. Johrhundert bis wiit in s 19. Johrhundert ine duurt het. Si het sich bsundrigs uf de Gebiet vo dr bildende Kunst (1790–1840), dr Literatur (1795–1848) und dr Musik (Chärnphase 1820–1850) güsseret. In dr Politik het d Romantik dr Nationalismus und dr Freiheitskampf verherrligt, isch denn aber meh und meh zun ere reaktionäre Geisteshaltig worde, wo anstatt vom nationale Freiheitsideal, wo die Französischi Revolution verbreitet gha het, ständischi, hüfig autokratischi Gsellschaftsforme as Ideal anegstellt het.

Im hütige, allgemeine Sproochgebruuch bezeichnet dr Begriff Romantik mit em Adjektiv romantisch d Eigeschaft von ere Sach oder eme Ereignis, in de Mensche Liebi und Sehnsucht z wecke, so öbbe in de Wortverbindige „romantischi Liebi“, „romantischi Musig“ oder „e romantische Brief“.

D Grundtheme vo dr Romantik[ändere | Quälltäxt bearbeite]

D Grundtheme vo der Romantik si Gfüül, Liideschaft, Individualidäät und s individuelle Erlääbe und d Seel, vor allem die kweelti Seel. D Romantik isch entstande as Reakzioon uf s Monopol vo dr razionale Filosofii vo dr Ufkläärig und uf d Strängi Klassizismus, wo vo dr Antike inspiriert gsi isch. Im Vordergrund stöön Empfindigen wie Seensucht, Mysterium und Ghäimnis. D Romantik stellt em Razionalismus, wo uf d Zuekumft grichdet isch, und em Optimismus vo dr Ufkläärig s Individuelle und s Numinose gegenüber. Die Charakteristike si bezäichnend für die romantischi Kunst und für d Lääbesiistellig, won ere entspricht.

Weblink[ändere | Quälltäxt bearbeite]

 Allmänd (Commons): Romantik – Sammlig vo witere Multimediadateie