Reykjavík
| Reykjavík | |||
|---|---|---|---|
|
|||
| Symbole | |||
|
|||
| Basisdate | |||
| Staat | Island | ||
| Region | Hauptstadtregion | ||
| Flechi | 274,5 km² | ||
| Iiwohner | 120.165 (1. Oktober 2008) | ||
| Dichti | 437,8 Ew./km² | ||
| ISO 3166-2 | IS-1 | ||
| Webuftritt | www.rvk.is | ||
| Politik | |||
| Bürgermeister | Hanna Birna Kristjánsdóttir | ||
 |
|||
Reykjavík [ˈreiːcaˌviːk] isch d Haupstadt vu Island un mit 120.165 Yywohner (Stand: 1. Oktober 2008) au di grescht Stadt uf Island. Vu dr Gsamtbevelkerig vu Island wohne 37,3 % z Reykjavík. In dr ganze Metropolregion läbe iber 200.000 Mänsche. D Stadt lyt am Atlantik, an dr Faxaflói-Bucht unterhalb vum rund 900 m hoche Huusbärg Esja.
In dr Stadt sin di meischte Fakultäte vu dr Háskóli Íslands, dr Universitet vu Island, un au verschideni anderi Hochschuele, Theater, Museä un Kulturyyrichtige, derzue ne Hochseehafe. Zmittsen in dr Stadt lyt au ne chleine See, dr Tjörnin. Dää See isch ein vu dr greschte Bruetplätz fir Wasservegel im Sidweschte vu Island.
Dr isländisch Namme „Rauchbucht“ chunnt wahrschyns vu dr Dämpf vu dr heiße Quälle in dr Gegnig un wird eme Missverständnis vum erschte Sidler, em Ingólfur Arnarson, zuegschribe. D Stadt isch di eltscht permanänt Sidlig vum Land. Drotz ass di erschte Silder scho anne 870 chuu sin, isch die Ortschaft nume langsam gwachse un het erscht anne 1786 s Stadträcht iberchuu.
[ändere] Weblink
Allmänd (Commons): Reykjavík — Witeri Mulitimediadateie zum Artikel
