Reschafim
| Reschafim | ||
 |
||
| Reschafim us dr Luft | ||
| Basisdate | ||
|---|---|---|
| hebräisch: | רשפים | |
| arabisch: | رشفيم | |
| Staat: |  Israel |
|
| Bezirk: | Nord | |
| Gründet: | 1948 | |
| Koordinate: | 32° 29′ N, 35° 29′ O32.48333333333335.477777777778-119Koordinate: 32° 29′ 0″ N, 35° 28′ 40″ O | |
| Höchi: | 119 m unter dem Meeresspiegel | |
| Iiwohner: | 320 (2007) | |
| Telefonvorwahl: | (+972) 972-4 | |
| Postleitzahl: | 10905 | |
| Art vo dr Gmeind: | Kibbuz | |
| Webpresänz: | ||
|
||
Reschafim (hebr. רשפים, hüfig au Reshafim, e Schriibig wo us em Änglische chunnt) isch e Kibbuz drei Kilometer südwestlig vo der Stadt Bet Sche'an und ghört administrativ zum Beit-Shean-Dal (hüt Emeq HaMaayanot - Quelledal) Regionalroot.
D Gründer si nit-religiösi polnischi und rumänischi Überläbendi vo dr Schoa gsi, wo meistens scho z Europa Mitgliider in der sozialistische HaSchomer HaTzair-Jugendbewegig gsi si. Si hai im Johr 1948, nochdäm alli Araber s Beit-Schean-Dal verlo gha hai, Staatsland in der Aschrafie-Gegend zuedeilt übercho. Am Afang hai si in ere provisorische Siidlig zwüsche de hütige Kibbuzim Reschafim und Schluchot gwohnt, zsämme mit Mitgliider vo der orthodoxe Bnei-Akiva-Bewegig, wo denn in s Kibbuz Schluchot zoge si. Son e ängs Zsämmeläbe und gueti Zsämmenarbet vo nitreligiöse und religiöse Jude isch in sällere Ziit einzigartig gsi.
In de 1950er Johr isch d Iiwohnerschaft vom Kibbuz mit em Zuezug vo neue Mitgliider vo der HaSchomer HaTzair us Argentinie, Marokko, der Türkei, Ägypte und Syrie stark gwachse. Vo de 1960er Johr a si die meiste neue Kibbutznike geboreni Israeli, aber au e baar Freiwilligi us Europa si Mitgliider worde.
Inhaltsverzeichnis |
[ändere] D Wirtschaftskrise
Für zum us dr Krise usezcho, won e schweri Verschuldig vom Kibbuz währed dr grosse Inflation vo de 1980er Johr z Israel d Kibbutzgsellschaft iinegstürzt het, bassiert z Reschafim sit 1990 e diefgrifendi wirtschaftligi und soziali Wandlig. In deren ihrem Rahme si grossi Deil vom Kibbuzläbe privatisiert worde. So si dr gmeinschaftlig Ässaal und d Chuchi zuedo worde, d Wöscherei und dr Kibbutzlade si privatisiert worde und für d Erziehig vo de Chinder underdags in de Chinderhüüser—sit em erste Irakchrieg schlofe d Chinder nüme im Chinderhuus sondern in dr Wohnig vo den Eltere—müesse d Eltere sälber ufcho. Im Lauf vo dr Sanierig het s Kibbuz meh as achzig Brozänt vo dr Bedeiligung an dr Plastikfabrik "Terraflex" müesse verchaufe.
[ändere] Erziehig
Im Kibbuz hets drei Chinderhüüser (Kitas für Chinder bis zum Chindergartenalter) und e Chindergarte, wo d Chinder vom Siibni am Morge bis am Vieri am Nomiddag bhüetet wärde. Mit de benochberte Kibbuz Messilot und Nir Dawid bedriibt Reschafim e Primarschuel z Messilot, won e Abdeilig für autistischi Chinder het. Wenn d Chinder noch dr Schuel heimchömme, chönne si bis am Vieri in ihr eignigs Chinderhuus goo. Das isch au an schuelfreije Dääg und in de Ferie vom Sibni bis am Vieri offe. D Mittelschuel, wo die vier Haschomer Hatzair Kibbuz Reschafim, Nir Dawid, Messilot und Beit Alpha bedriibe hai, isch wäge dr chliine Schüelerzahl vor e baar Johr gschlosse worde und d Chinder lehre jetzt uf dr regionale Schuel z Neve Eitan.
[ändere] Projekt
Für zum d Iiwohnerzahl zvergrössere und d Iiwohnerschaft zverjünge, wird e neui Siidlig plant zsämme mit em Kibbuz Schluchot, wo die die beide Kibbuz verbindet und d Iiwohner drvo deils religiös, deils nitreligiös si.
[ändere] Wirtschaft
S Kibbuz bedriibt Landwirtschaft (Milchwirtschaft, Hüehnerzucht, Fischzucht, subdropischi Frücht, Fäldwirtschaft) und isch bedeiligt an ere Plastikfabrik.
