Raphael Christen
De Raphael Christen (* 16. Juli 1811 z Baasel; † 14. Jänner 1880 z Bärn) isch e Schwiizer Bildhauer gsii.
Er isch dr Sohn vom Bildhauer Joseph Maria Christen. Z Bärn het er e Bildhauerlehr bim Valentin Sonnenschein und bim Joseph Simon Volmar absolviert. De Karl Viktor von Bonstetten hed ihm en Ufenthalt z Rom ermöglecht, wo er sich bim Bertel Thorvaldsen wiiterbildet het. Denn isch er churzi Ziit Lehrer a dr Holzschnitzerschuel z Briens gsii und het sech schliesslech z Bärn niderglo. Er het zahlriichi Büschte gschaffe, u. a. 1847 vom Guillaume-Henri Dufour und um 1848 vom Friedrich Frey-Herosé. Zu siine wichtigschte Wärch ghöre vier Statue a dr Fasade vo dr Schwiizerische Nationalbank, zwöi Rundmedaillons am Kunstmuseum Bärn und d Figur vum Bärnabrunne.
Literatuur
[ändere | Quälltäxt bearbeite]- Tapan Bhattacharya: Christen, Raphael. In: Historisches Lexikon vo dr Schwiiz.
- Barbara Imboden: Christen, Raphael Georg Jakob. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).