Schweizerische Nationalbank

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schwiizerischi Nationalbank

Schweizerische Nationalbank
Banque Nationale Suisse
Banca Nazionale Svizzera
Banca Naziunala Svizra
Logo
Logo
Hauptsitz Bern und Züri, Schwiz
Gründet 16. Januar 1906 (rächtlig)
20. Juni 1907 (operativ)
Bräsidänt Thomas Jordan
Zändralbank für d'Schwiz
Währig

Schwizer Franke

ISO-4216-Abchürzig CHF
Drucker Orell Füssli Sicherheitsdruck
Bräsänz im Internet www.ofs.ch
Münzbrägastalt(e) Swissmint
Bräsänz im Internet www.swissmint.ch
Bräsänz im Internet

www.snb.ch

Nationalbankgebäude am Bundesblatz z Bern
Schwiizerischi Nationalbank am Hauptsitz Züri

D' Schwiizerischi Nationalbank (SNB) (franz. Banque Nationale Suisse (BNS), ital. Banca Nazionale Svizzera (BNS), rätoroman. Banca Naziunala Svizra (BNS)) git de Weg für d'Banke i de Schwiiz vor. Sie isch d'Zentralbank, wo d'Gäldpolitik und Währungspolitik vo de Schwiiz tuet füehre. Luut de Verfassig isch d'Uufgab, uf alli Interässe vom Land z'luege. D'Unternämensform isch e Aktiegsellschaft.

Uufgabe[ändere | Quälltäxt bearbeite]

  • D'Priise stabil z'halte (Priisstabilität)
  • Bargäldversorgig
  • Durfüehrig vom bargäldlose Zahligsvercher
  • Währigssreserve uufbue
  • D'Überwachig vom Finanzsystem
  • Uusfüehre vo Statistike
  • Beratig vom Bundesrat i Währigsfrage

Für e stabile Franke, wo nöd allpot ufe und abe got, und d'Wirtschaft tuet verunsichere, laat sie sich vom Referänz-Zinssatz leite. De Zinssatz heisst Drümonäts-Libor und chunnt vom Änglische (London Interbank Offered Rate).

D' Nationalbank dörf als einzigi Bank Banknote drucke. Sie werdet druckt vom Orell Füssli. Näbedem dörf sie au d'Münze uf Befehl vom Bund in Umlauf bringe. De Gwünn wo sie tüend erwirtschafte got a 2/3 ad Kantön, de Rescht chunnt de Bund über.

Goldverchauf[ändere | Quälltäxt bearbeite]

D'Nationalbank hät vo 2000 bis 2005 1300 Tonne Gold verchauft, wo sie nüme für d'Gäld- und Währigspolitik bruucht hät. De Erlös vo 21,1 Milliarde Franke hät sie im Joor 2005 an Bund und Kantön uusgschüttet. I de Johr 2007 und 2008 hät d'Nationalbank nomol 250 Tonne Gold verchauft, zum d Zämesetzig vo de Währigsreserve uuszgliche. Sie hät derfür ihri Devisereserve uufgschtockt. D' Nationalbank haltet sit em Septämber 2008 unveränderet 1040 Tonne Gold.

Wichtigi Persönlichkeite[ändere | Quälltäxt bearbeite]

  • Johann Daniel Hirter (1855–1926), Erschti Präsident vo de Schwiizerische Nationalbank 1907-1922
  • François Schaller (1920–2006), Chef vom Bankrat 1986–1989

Weblinks[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Schweizerische_Nationalbank“ vu de dütsche Wikipedia.

E Liste vu de Autore un Versione isch do z finde.