Kirchuster

Wappe

Basisdate
Kanton:	Züri
Bezirk:	Uschter
Gmeind:	Uschter
PLZ:	8600
Koordinate:	47° 20' n. Br. 8° 42' ö. L.
Höchi:	465 m ü. M.
Flächi:	ca. 4 km²
Iwohner:	ca, 8'000 31. Dezember 2008
Websyte:	www.kirchuster.ch

Chirchuschter (amtlich: Kirchuster) isch än ehemaligi Zifilgmeind und äs Quartier fo dä Stadt Uschter im Kanton Züri.

Geografy [ändere]

Chirchuschter entschpricht am Schtadtzäntrum fo Uschter. S'Quartiär gaat vom Burghügel im Südä bis zum Bahnhof im Nordä, fom Stadthuus, dä Biärfabrik und dä Villa Aabach im Oschtä bis zum Bezirksgricht und äm Schtadtpark im Weschtä. Margäzäickä fo Chirchuschtär sind di drüü Chräisäl a dä Zürchärstrass, wo nach irär form und iräm Schmuck Hasälnusschräisäl, Schpringbrunnächräisäl und Nashornchräisäl häissäd.

Gschicht [ändere]

Chirchuschter isch s' historischi Dorf Uschtär, wo fom Schluss Uschtär üf äm Burghügäl dominiäirt isch. Deet isch synerzyt dä Sitz fo dä Herrä fo Bonnschtettä und schpötär fo dä Vögt fo Züri gsy.

Bis Aafang 19. Jaarhundärt isch Chirchuschtär än äigäti Zifilgmäind gsy. Am 9. Juli 1927 sind di früänrigä Zivilgmäindä uufghobä und mit dä hüttigä politischä Gmäind Uschtär färäint wordä. ^[1]

Sehäswürdigkäitä [ändere]

Dä Schtolz fo Uschtär isch natürli s' Schloss Uschtär, wo höch übär dä Schtadt uf äm Burghügäl troont und in Uschtär au äifach d'Burg gnännt wird. Dänn sind in Chrichuschtär narürli reformiärti Chilä, wo äm Quartiär dä Namä git, d'Villa Aabach, di alti Biärfabrik, wo sit Churzäm widär Biär braut wird, dä Schtadtpark, di alti Remisä am Bahnhof, s' modernä Schtadthuus und natürli alli Ychaufszänträ.