Kabul

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vorlage:Infobox Ort/Wartung/ISO

کابل
Kabul
Kabul (Afghanistan)
Kabul
Kabul
Basisdate
Staat Afghanistan
Provinz Kabul
Höchi 1.807 m
Iiwohner 3.289.000 (Schätzung 2012/13[1])
ISO 3166-2 AF-KAB
Kabul
Kabul

34.53333333333369.166666666667Koordinaten: 34° 32′ N, 69° 10′ O

Kabul (Paschtu/Dari: کابل‎) isch d Hauptstadt vo Afghanistan. Si het öbbe 3,3 Millione Iiwooner (Schetzig 2012/13)[1] und isch die grössti Stadt z Afghanistan und s ökonomische und kulturelle Zentrum vom Land.

Geographii[ändere | Quälltäxt bearbeite]

Die strategischi Bedütig vo dr Stadt chunnt drvo, ass si in dr Nööchi vom Khyber-Pass lit, won e wichdigi Verbindig isch zwüsche Afghanistan, Pakistan und Indie. D Stadt wird vom Fluss Kabul mit Wasser versorgt und het käi äignigs Kanalsüsteem.

D Bevölkerig[ändere | Quälltäxt bearbeite]

Kabul mit sinere ethnische und sproochlige Vilfalt isch e Spiegel vom ganze Land, aber scho immer si die wo Persisch schwätze in dr Meerhäit gsi. Mä schetzt ass 45 % vo dr Bevölkerig Tadschike si, 25 % Hazara, 25 % Paschtune und dr Räst Usbeke, Turkmene, Paschai und anderi Minderhäite.[2]

Sprooche[ändere | Quälltäxt bearbeite]

Kabul isch die bedütendsti persischsproochigi Stadt im Land. Dr Kabuler Dialäkt (persisch کابلى‎ / Kābulī), en östlige Dialäkt vom Persische, isch d Standardsprooch in dr Politik, Bildig und in de Medie. Vili dänke, ass Kābulī s gliiche sig wie die persischi Schriftsprooch Dari, wo äini vo de bäide offizielle Landessprooche vo Afghanistan isch, aber das isch nid richdig.

Religion[ändere | Quälltäxt bearbeite]

Wie im rästlige Afghanistan isch au z Kabul dr Islam die dominierendi Religion. Die mäiste Iiwooner vo dr Stadt si Sunnite, schiitischi Muslim si e bedütendi Minderhäit. Drüber us git s e gröösseri hinduistischi Gmäind. Früener het s in dr Stadt au zoroastrischi und jüüdischi Gmäinde gee, die si hüte aber vollständig verschwunde.

Fuessnoote[ändere | Quälltäxt bearbeite]

  1. 1,0 1,1 Population of Kabul City by District and Sex 2012-13, Central Statistics Organization Afghanistan (PDF; 158 kB)
  2. Bevölkerungskarte Afghanistan (PDF; 547 kB), National Geographic, 2003

Litratuur[ändere | Quälltäxt bearbeite]

  • Christine Issa: Baukultur als Symbol nationaler Identität. Das Beispiel Kabul, Afghanistan. Dissertation, Justus-Liebig-Universität Gießen 2009 (Volltext).
  • Dominic Medley, Jude Barrand: Kabul. (= The Bradt mini guide). Bradt, Chaldont St. Peter 2003, ISBN 1-84162-085-8.
  • Horst Nußer: Kabul kurzgefasst. (= Geographie Kompakt; Bd. 108). Nußer, München 1992, ISBN 3-88091-648-9.

Weblingg[ändere | Quälltäxt bearbeite]

 Allmänd (Commons): Kabul – Sammlig vo witere Multimediadateie
Dä Artikel basiert uff ere fräie Übersetzig vum Artikel „Kabul“ vu de dütsche Wikipedia.

E Liste vu de Autore un Versione isch do z finde.