Il Pastor fido (Händel)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Il Pastor fido (Erste Fassig HWV 8a, Zwäiti Fassig HWV 8c) mit em Prolog Terpsicore (HWV 8b) für die zwäiti Fassig isch en Opere (Opera seria) in drei Akt vom Georg Friedrich Händel.

Die ersti Fassig[ändere | Quälltäxt bearbeite]

Im September 1712 het dr Händel mit em Komponiere aagfange und isch am 24. Oktober fertig gsi. Am 22. Novämber 1712 isch Il Pastor fido im Londoner Queen’s Theatre zum erste Mol ufgfüert worde. Si het e seer billigi Usstattig ghaa, alti Gosdüm und Kulisse, d Opere het weniger Arie gha as dr Rinaldo und e Hufe vo deene si vertleent gsi und d Rezitativ si chürzer gsi. D Opere het eso em italiänische Ideal entsproche, wo mee Stereotüpe kennt het as die früenere änglische Pastoral, wo dr Händel woorschinlig nit kennt het.


D Bsetzig vo dr Uruffüerig:


D Uruffüerig isch duuregheit, und noch siibe Vorstellige isch s Stück abgsetzt worde.

S Libretto[ändere | Quälltäxt bearbeite]

S Ditelblatt vo dr Vorlaag vom Guarini, 1590

S Buech goot uf s berüemtiste und wirkigsvollste Schööferspiil in dr Litratuurgschicht zrugg, im Giovanni Battista Guarini si Il pastor fido (1585), wo s e Hufe Bearbäitige drvo git.

Die zwaiti Fassig[ändere | Quälltäxt bearbeite]

Im Mai 1734 het dr Händel denn d Opere in ere nöije Fassig mit dr zwäite Royal Academy of Music ufgfüert und si isch uf 15 Uffüerige choo und scho im Novämber druf, noch chliine Ändrige, non emol uf fümf. Drnn isch dr nöi komponierti Prolog Terpsicore scho din gsi, won er bsundrigs für d Dänzer vo dr Marie Sallé gschriibe het.

Litratuur[ändere | Quälltäxt bearbeite]

  • Winton Dean, John Merrill Knapp: Handel’s Operas 1704–1726. The Boydell Press, Woodbridge 2009, ISBN 978-184383-525-7 (änglisch).
  • Silke Leopold: Händel. Die Opern. Bärenreiter-Verlag, Kassel 2009, ISBN 978-3-7618-1991-3.
  • Bernd Baselt: Thematisch-systematisches Verzeichnis. Bühnenwerke. In: Walter Eisen (Hrsg.): Händel-Handbuch. Band 1, Deutscher Verlag für Musik, Leipzig 1978, ISBN 3-7618-0610-8 (unveränderte Noochdruck, Kassel 2008, ISBN 978-3-7618-0610-4).
  • Christopher Hogwood: Georg Friedrich Händel. Eine Biographie. Aus dem Englischen von Bettina Obrecht. Insel Verlag, Frankfurt am Main u. a. 2000, ISBN 3-458-34355-5 (= Insel-Taschenbuch 2655).
  • Arnold Jacobshagen (Hrsg.), Panja Mücke: Das Händel-Handbuch in 6 Bänden. Händels Opern. Band 2, Laaber-Verlag, Laaber 2009, ISBN 3-89007-686-6.
  • Paul Henry Lang: Georg Friedrich Händel. Sein Leben, sein Stil und seine Stellung im englischen Geistes- und Kulturleben. Bärenreiter-Verlag, Basel 1979, ISBN 3-7618-0567-5.
  • Albert Scheibler: Sämtliche 53 Bühnenwerke des Georg Friedrich Händel, Opern-Führer. Edition Köln, Lohmar/Rheinland 1995, ISBN 3-928010-05-0.

Weblingg[ändere | Quälltäxt bearbeite]