Royal Academy of Music (Opernunternehmen)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Royal Academy of Music isch en Opereundernääme gsi, wo 1719 z London under em Patronat vom Georg I. gründet worde isch. Es isch e ständigi italiänischi Opere gsi, wo die bekanntiste öiropäische Gsangssoliste noch Ängland zooge het. Si het im King's Theatre am Londoner Haymarket gspiilt. Dr Johann Jacob Heidegger isch dr kaufmännisch Läiter gsi, und dr Georg Friedrich Händel dr musikalisch Diräkter. Dr Händel het für d Royal Academy of Music e Serii vo Opere komponiert, drunder Radamisto (1720), Giulio Cesare (1724) und Rodelinda (1725). Anderi Komponiste wo au erfolgriich gsi si an dr Academy si dr Attilio Ariosti und dr Giovanni Bononcini gsi.

Wirtschaftlig isch s Undernääme käi Erfolg worde und het sich 1728 ufglööst. Schuld dra het au d Konkurränz vom John Gay und Johann Christoph Pepusch iirer The Beggar's Opera ghaa, won e Satire uf die italiänischi Opera seria gsi isch und bim Publikum unghüür guet aachoo isch.

E Säsong spööter häi dr Heidegger und dr Händel denn die New Academy oder Second Academy gründet, wo bis 1734 im Haymarket-Theater gspiilt het. Denn het sich au die zwäiti Akademii ufglööst. Dr Händel isch ins Coventgarden-Theatre züüglet, und dr Heidegger het s King's Theatre an d Opera of the Nobility vermietet.

Kwelle[ändere | Quälltäxt bearbeite]

  • Carl Dahlhaus, Hans Heinrich Eggebrecht (Hrsg.): Brockhaus Riemann Musiklexikon, Schott, Mainz 1979
  • Carole Taylor: opera companies in: Landgraf, Annette und Vickers, David: The Cambridge Handel Encyclopedia, Cambridge University Press 2009, ISBN 978-0521881920, S. 449ff.
Dä Artikel basiert uff ere fräie Übersetzig vum Artikel „Royal_Academy_of_Music_(Opernunternehmen)“ vu de dütsche Wikipedia.

E Liste vu de Autore un Versione isch do z finde.