Herrn Stumpfes Zieh- und Zupfkapelle
| Dialäkt: Schwäbisch |
Herrn Stumpfes Zieh- & Zupfkapelle isch a schwäbische Band (odr au Kapell) vo dr Ostalb rond om Aala. S senn bloss vier Leit: Manfred Arold, Benny ‚Banano’ Jäger, Michael ‚Flex’ Flechsler und Marcel ‚Selle’ Hafner. Se spielet Tuba, Posaune, Akkordeon, Waschbrett, Kontrabass, Bassflügelhorn, Gitarra, Banjo, Kindersaxophone, Melodica, Tenorhorn, Trompet, Ziehflöt ond so weidr. On älle den au senga, ond zwar älle Liader uff schwäbisch, moischtens en dr Variante vo dr Ostalb.
[ändere] Gschicht vo dr Band
1992 hot älles ogfanga mit Ufftritt en Schwäbisch Gmendd.
1994 hent se ihrn ersta Fernsähufftritt ghet, uffzeichet en dr Mäulesmühle beim Albin Braig ond 1997 isch de erscht CD rauskomme. 1999 hot s dritt Programm em Südwesta (SWR) a halbstendige Sendong mit en gmacht. Dr Namensgäber, dr Stephan Stumpfe, hot bis ens Johr 2000 selbr au mitgschpielt, nämlich an dr Gitarr.
Ofangs (bzw. so etwa bis 1998) senn se emmer zamma mit em Albin Braig on em Karlheinz Hartmann ufftretta. Se senn also mit em Hannes ond em Bürgermeischter uff Tour gwä. Mittlerweile touret se au alloi.
2002 het dr SWR wiedr a Konzärt uffzeichnet, en dr Seminarturnhalle en Nagold. Dr Mitschnitt davo isch als DVD erheltlich.
[ändere] Diskografie
- 1997 "Badenkele 'n' Klee ".
- 1998 "Unterwegs im Silberrausch" (Live)
- 2001 "Drhoim"
- 2002 "Frummzigg"
- 2004 "abandasee" (Maxi Single)
- 2005 "Sei wie Du"
- 2005 "Wir haben eine Fahne" (Maxi Single)
- 2007 "Stumpfes Live" (Doppel CD / DVD)
- 2008 "Henderscheviersche"
