Fliegendes Spaghettimonster

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Fliegendi Spaghettimonster as Stoffdier
E Logo wo uf e öicharistisch Fisch im Christedum aaspiilt.

S Flügedi Schbagettimonschder (uf änglisch Flying Spaghetti Monster, oder au eifach: FSM) isch der "Gott" vore Religionsparodii, wo im Juni 2005 vom Füsiker Bobby Henderson gründet worde isch. D'Ahänger vom Monschder nennet sich Pastafaris. Grundlegend isch, dass der sogenannti "Pastafarismus" nüt mitere eigentleche Religioon ztue het, sondern eher als en Art politischi Bewegig (vo Agnoschtiker zum Bispil) z'erachte isch, wo s'Ziel het, ere neue Wälle vo religiös (proteschtantisch) motiviertem Konservativismus i de USA z'begägne.

Bildigspolitik[ändere | Quälltäxt bearbeite]

S'Flügende Monschder isch e diräkti Kritik ar Ideologi vom Intelligent Design, ere nöie religiöse Bewegig mit politischem Ifluss ir USA. D Vertreter vom Intelligent Design wei, dass me a amerikanische Schuele im Biologiunterricht anstatt d Evoluzionsteori s kreazionistisch Intelligent Design lernt, also dass d'Wält mit Adam und Eva aagfange hegi. Aber will Evoluzionsteori für Biologiwüsseschafte isch und der Kreazionismus ke naturwüsseschaftleche Inhalt het, befürchtet me dass Biologe ire Bruef nümm chöi usüebe.

Dr Aalass für d Gründig vo däre „Religion“ isch d öffentlech Diskussion gsi um d Iifüeirg vom Intelligent Design an US-amerikanische Schuele. Unter Verwiis uf s – grad au vo de Verfechter vom Intelligent Designs verwendeti – Argument vo dr Gliichbrechtigung het dr Henderson in eme offnige Brief[1] an d Schuelbhörd vo Kansas gforderet, au siini Glaubeslehr müessi wie di kreationistisch im Unterricht vermittlet werde. Bim Konzept "Flügends Schbagettimonschder" gots also ned drum, e nöie Glaube z'erfinde, sondern die wüsseschaftlechi Inhaltslosigkeit vo de neue religiöse konservative bildigspolitische Strategie z'entlarve. I däm Sinn ischs Flügende Schbagettimonschter eifach nur e konstruktive Bitrag zur US-Bildigspolitik, wo für ordentlechi wüsseschaftlechi Kohärenz ischtot - und het absolut gar nüt mitere neue Religion zdue; "Pastafarismus" isch nur dr scherzhaft Übername vo ebedene, wo bildigspolitischi Debattene wänd populärer mache.

Kritik a religiöse Dogme u Vorurteil[ändere | Quälltäxt bearbeite]

Dr Bobby Henderson und alli "Aahänger" vom Flügede Schbagettimonschder (s'het au vil z'Dütschland, ir Schwiz u in Öschtriich) setze sech gäge religiösi Dogme ii. Die evangelische Chile i de USA si schtarch provoziert worde durs Flügede Schbagettimonschder. Bis hüt schtoot uf der Website vom Flügede Schbagettimonschder, dass si ei Million US-Dollar zahle würde a däm, wo chönt empirisch bewiise, dass der Jesus Christus ned der Sohn vom Flügede Schbagettimonschder wär - das isch empirisch ned z'bewise.

Im wiitere Sinn richtet sech d'Kritik ade chrischtleche Dogme gäge d'Intoleranz gäge Muslime, wo ide USA (unger anderem wägem 11. Septämber) witverbreitet isch, und forderet uf, eigeni Vorurteil und "Dogme" z'überdänke.

Fuessnote[ändere | Quälltäxt bearbeite]

  1. Dütschi Übersetzig vom Brief

Weblinks[ändere | Quälltäxt bearbeite]