Fädersee

Federsee
	Fäderseegebiet bi Bad Buechau, mit 33 km² s grescht Moos z Sidweschtdytschland
Geographischi Lag	Dytschland, Bade-Wirttebärg
Zueflüss	Seekircher Ach
Abflüss	Federseekanal (Kanzach)
Ort am Ufer	Bad Buechau
	Date
Koordinaten	48° 4′ 59,99″ N, 9° 37′ 59,99″ OKoordinate: 48° 4′ 59,99″ N, 9° 37′ 59,99″ O
	Federsee (Baden-Württemberg) Federsee
	Federsee (Baden-Württemberg) Federsee
Höchi über em Meeresspiegel	578 m
Flechi	1,4 km²
Maximali Diefi	3,15 m

f

Dialäkt: Markgreflerisch (Obfige)

Dr Fädersee (dt. Federsee) bi Bad Buechau, ere Stadt weschtlig vu Biberach an der Riß z Oberschwobe, isch mit 1,4 km² dr drittgrescht See z Bade-Wirttebärg. Är lyt zmittsen im mit 33 km² greschte Moos z Sidweschtdytschland.

Seegschicht

Dr hitig Fädersee isch dur e nochyyszytlige Verlandigsprozäss entstande, wu ohni mänschligi Yygriff zum vollständige Verschwinde vum See fiere deet. In dr Mindelyyszyt (vor eppe 400.000 Johr) hän di nerdlige Uuslaifer vum Alperyyglätscher e 150 Meter diefe Drog gschaffe. No dr Wirmyyszyt isch dr Abfluss no Side dur Ändmoräne abgschnitte wore. Doderdur het sich e Yysstausee mit ere Flechi vu uugfehr 30 km² un ere Diefi vu bis zue 40 Meter bildet, Dr Abfluss goht syterhär no Norde zue dr Duene. Noch em Abschmilze vum Yys isch dr Zuefluss us em Side versigt un e Verlandigsprozäss het doderdur aagfange, ass di abgstorbene Pflanze un Alge uf dr Grund vum See abgsunke sin, un dr Seebode langsam mit dr Zyt hecher woren isch.^[1]

Bis vor uugfehr 200 Johr het dr See no ne Flechi vu uugfehr 11 km² gha, dr isch bis zue dr Derfer drum ume gange. Derno het dr Mänsch yygriffe mit em Ziil vun ere Landgwinnig. Di erscht Seefellig (dt. Seefällung) het s 1787/88 gee, doderbyy isch d Seeflechi dur e Verdiefig un Kanalisierig vum weschtlige Abfluss Kanzach uf 7 km² verringeret wore. Di zwot Seefellig 1808/1809 isch noch eme Befähl vum Chenig Friedrich vu Wirttebärg durgfiert wore un het d Seeflechi uf nume no 2,5 km² reduziert, d Diefi uf 5,4 Meter. Dr Verlandigsprozäss het bis anne 1911 zuen ere wytere Verringerig vu dr Flechi uf 1,5 km² gfiert. Zyterhär het dää Prozäss dur Verbesserige im landwirtschaftlige Dingeryysatz un in dr Abwasserchlärtächnik stark chenne verlangsamt wäre.^[2]

Fäderseegebiet

Im Fäderseegebiet läbe 265 Vogelarte, dodervu 107 Bruetvogelarte. Au iber 200 Bruetbäärli vum Bruunkääleli un 18 Bruetbäärli vu dr Rohrweih git s am See. Iber d Bedytig un d Gschicht vum Moos informiere ne Museum, s Fäderseemuseum, un e NABU-Zäntrum. S Fäderseegebiet isch e Vogelschutzgebiet no dr europäische Flora-Fauna-Habitat-Richtlinie un Deil vum europäische Biotopverbund Natura 2000.

S Fäderseebecki isch bekannt as archäologischi Fundlandschaft mit Sidligshinterlosseschafte vor allem us em Jungneolithikum un dr Bronzezyt bzw. dr Urnefälderzyt.

Wel s dur dr Schilf- un Moosgirtel fascht niene ne diräkte Zuegang zum uffige Wasser git, git s z Bad Buechau dr 1,5 Kilometer lange Fäderseestäg, wu vum Parkplatz vum Fäderseemuseum dur s Schilf bis zum uffige Wasser fiert. Dert het s Beobachtigsplattform un e Bootsverleih. Ußerdäm fiert vum Parkplatz vum Fäderseemuseum e Stäg dur s Baangebiet Staudacher uf Moosburg. Em Wasser am negschte lyt Diefebach. Wänn dr nume zwe Meter dief Fädersee im Winter gfroren isch, cha mer vu Diefebach us zum Fäderseestäg uf Bad Buechau laufe.

Aaligergmeine

Am Federsee lige Bad Buechau, Moosburg, Brackehofe, Alleshuse, Seekirch, Diefebach un Oggelshuse.

Au Kanzach, Allmannswyler, Betzewyler un Dirnau ghere zum Fäderseegebiet.

Naturschutzprojäkt

Wel s Regierigspräsidium Dibenge dr Aatrag ReHa Federseemoor vorglait het fir e Renaturierig vu andere Deil vum Fäderseemoos stehn ab 2009 uugfehr 1,3 Millione Euro z Verfiegig.

D Helfti vu dr Cheschte drait di Europäisch Union, di ander Helfti s Land Bade-Wirttebärg, dr NABU Bade-Wirttebärg, dr Landkreis Biberach, di Staatlig Vermege- un Hochböuverwaltig Bade-Wirttebärg un d Stiftig Naturschutzfonds Bade-Wirttebärg.

Stäg
See
Beobachtigspunkt
Fäderseemuseum - rekonschtruiert Moosdorf

Literatur

German, Rüdiger u. a.: Im Herzen Oberschwabens. Bad Buchau und der Federsee. Federsee-Verlag, Bad Buchau, 1988, 2. Auflage, ISBN 3-925171-13-4.
Günzl, Hans: Das Naturschutzgebiet Federsee. Landesanstalt f. Umweltschutz Baden-Württemberg, 1985, ISBN 3-88251-077-3.
Haas, Gerhard und Hans Schwenkel: Das Naturschutzgebiet Federsee. Veröffentlichungen der Württ. Landesstelle f. Naturschutz und Landschaftspflege. Heft 18. 1949.
Zimmermann, Walter (Hrsg.): Der Federsee. Stuttgart, Verlag des Schwäb. Albvereins, 1961. (Die Natur- und Landschaftsschutzgebiete Baden-Württembergs, Bd. 2).

Weblink

Commons: Fädersee – Sammlig vo Multimediadateie

Fuessnote

↑ Vgl. Rüdiger German, "Vom Ur-Federsee zum Faulschlammsee, S. 15ff"
↑ Karl-Heinz Reiter: Vgl. "Rund um den Federsee. Eine Beschreibung des Federsees und seiner Entstehung." Abgruefen am 1. Juni 2009.

Dä Artikel basiert uff ere fräie Übersetzig vum Artikel „Federsee“ vu de dütsche Wikipedia. E Liste vu de Autore un Versione isch do z finde.

[German-1] Vgl. Rüdiger German, "Vom Ur-Federsee zum Faulschlammsee, S. 15ff"

[Reiter-2] Karl-Heinz Reiter: Vgl. "Rund um den Federsee. Eine Beschreibung des Federsees und seiner Entstehung." Abgruefen am 1. Juni 2009.

[1]

[2]