Eren Derdiyok

Eren Derdiyok Saydam
Spiilerinformatione
Name	Eren Derdiyok Saydam
Geburtstag	12. Juni 1988
Uf d Wält cho z	Basel, Schwiz
Grössi	191 cm
Position	Sturm
Vereinsinformatione
Verein	FC Basel
Trikotnummere	31
Verein in der Jugend
1994-2005	BSC Old Boys
Verein als Aktive1
Johr	Verein	Spiil (Gool)
2005-2006 2006-	BSC Old Boys FC Basel	18 (10) 49 0(10)
Nationalmannschaft2
2006-2007 2007- 2008-	Schwiz U19 Schwiz U21 Schwiz	07 0(7) 05 0(7) 07 0(1)
1 Aage si nume Liga-Spiil.  Stand: 24.Oktober 2008 2Stand: 6. Februar 2008

Dr Eren Derdiyok Saydam (*12. Juni 1988 in Basel) isch e Schwizer Fuessballspiler mit Kurdischer Abstammig. Dr Stürmer stoht ab em 1. Juli 2009 bi Bayer Leverkusen unter emne Vrtag, wo bis 2013 lauft.

Dr Derdiyok isch Schwizer A- und U21-Nationalspiler, drbi sin ihm bi dr Qualifikation für d U21-Europameischterschaft 2008 zahlrichi Goals glunge.

Vo glei uff und au in sinere Jugend het är bim Basler Fuessballclub BSC Old Boys gspilt, wo är drfür scho gege dr FC Basel gspilt het und drbi ei Goal erzilt het. Afangs 2007 isch är vom FC Basel übernoh worde, isch in dr Schwizer Super League 49 Mol zum Iisatz ko und het zäh Goals gschosse (Stand 24. Oggtober 2008).

Am 6. Februar 2008 isch dr Derdiyok zu sim erschte Iisatz für d Schwizer A-Nationalmannschaft im Spil gege Ängland im Wembley-Stadion ko. Bi sim Debüt het är in dr 57. Minute sis erschte Goal für d Nationalmannschaft zum zwüschezitliche 1:1-Usgliich gschosse.

Är isch mit em FC Basel 2007 Cupsiiger worde und het im 2008 sogar s Double (Schwizer Meischter und Cupsiiger) gholt. Im Cupfinal vom 6. April 2008 het är vo Aafang a gspilt und au prompt zum zwüschezitliche 1:0 in dr 31. Minute troffe.

Bi dr EM 2008 in Öschteriich und dr Schwiz isch är im Ufgebot vo dr Schwiz gschtande und isch zu Iisätz ko.

Sit em 17. Novämber 2008 stoht fescht, dass är zur Saison 2009/10 zu Bayer Leverkusen wäggsle wird.