Encyclopædia Britannica

Us der alemannische Wikipedia, der freie Dialäkt-Enzyklopedy
Encyclopædia Britannica

D Encyclopædia Britannica [ɪnˌsaɪkləˈpiːdiə bɹɪˈtænɪkə] isch e bedütendi Enzyklopädie uf Änglisch. Ähnlich wie dr dütsch Brockhaus will si s menschlige Wüsse so vollständig wie möglig (The Sum of Human Knowledge) vermittle.

D Britannica – wie mer e hüfig abkürzt sait – isch e Produkt vo dr schottische Ufklärig. Die ersti Uflag isch 1768 usege worde und vo 1820 a hai se dr Adam und dr Charles Black z Edinburgh verleit. Im Vergliich zur französische Encyclopédie isch d Britannica ehnder politisch konservativ: die spötere Editione si im allgemeine em regierende Monarch gwidmet. Um 1870 isch dr Verlag für die 9. und 10. Uflag vo Schottland noch London züglet und mit der Ziitig The Times verbunde worde.

Für die 11. Uflage het dr Verlag mit dr Universität Cambridge zsämmegschafft. Denn si d Markerächt an dr Enzyklopedii dr Firma Sears Roebuck verchauft worde und d Redaktion het sich z Chicago niiderglo. Hützudag wird si vo Encyclopædia Britannica Inc usege.

Im Johr 2004 het s 75.000 Artikel mit 44 Millione Wörter in dr Britannica gha. Me cha se in Papiirform (32 Bänd, Listepriis $1400) oder uf CD-ROM bzw. DVD chaufe oder online abonniere.

Am 13. März 2012 het dr Verlag bekannt gää, dass d Enzyklopädi no 244 Johr in Zuekumft uusschliesslich digital erschiint

D Artikel in der Britannica wärde im Allgemeine as guet duredänggt, zueverlässig und guet gschriibe betrachtet. Si vermittlet aber au en ehnder konservativs angloamerikanischs Wältbild, und underscheidet sich so mänggisch vo andere Enzyklopädie. Wenn me se mit Wärk vergliicht, wo ähnlig gross si, gseht me hüfig Underschiid, vor allem bi wärtorientierte Theme. D Autore si in vile Fäll namhafti Wüsseschafter oder bekannti Publiziste; wo ihri Artikel signiere.

Literatur[ändere | Quälltäxt bearbeite]

  • Harvey Einbinder: The Myth of the Britannica. MacGibbon & Kee, London 1964 (Auch: Grove Press, New York NY 1964).
  • A. J. Jacobs: Britannica & ich. Von einem, der auszog, der klügste Mensch der Welt zu werden. Aus dem Amerikanischen von Thomas Mohr. List, Berlin 2006, ISBN 3-471-79513-8.
  • Wolfgang Lierz: Karten aus Stielers Hand-Atlas in der „Encyclopaedia Britannica“. In: Cartographica Helvetica. Heft 29, 2004, ISSN 1015-8480, S. 27–34 Volltext.

Weblingg[ändere | Quälltäxt bearbeite]

 Commons: Encyclopædia Britannica – Sammlig vo Multimediadateie

Wikisource Encyclopædia Britannica im dütschsprochige Wikisource

Dä Artikel basiert uff ere fräie Übersetzig vum Artikel „Encyclopædia_Britannica“ vu de dütsche Wikipedia. E Liste vu de Autore un Versione isch do z finde.