Eberhard II. von Württemberg (Graf)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Standbild vum Grof Eberhard II. in dr Stuegerter Stiftschilche

Dr Eberhard II., gnännt „dr Greiner“, (* no 1315; † 15. Merz 1392 z Stuegert) isch Grof vu Wirttebärg vu 1344 bis 1392 gsii.

Läbe[ändere | Quälltäxt bearbeite]

Dr Eberhard isch dr Suhn vum Grof Ulrich III. un dr Sophie vu Pfirt gsii. Är het am 17. Septämber 1342 d Grefi Elisabeth vu Henneberg-Schleusingen ghyrote. Us dr Eh sin zwai Chinder fiirigange: dr Ulrich, dr Vater vu syym Noofolger Eberhard III., un d Sophie, di speter Herzogi vu Lothringe.

Vum Aafang vu syre Regierigszyt bis 1361 het dr Eberhard II. zämme mit syym Brueder Ulrich IV. regiert, wun er zuen eme Huusverdrag zwunge het, wu d Uudailbarkait vum Land bstetigt het. Dr Ulrich het derno am 1. Mai 1362 uf d Regierig verzichtet. Fir d Feschtigung vu syre Macht un fir di territorial Vergreßerig vu Wirttebärg isch dr Eberhard II. verschideni Bindnis yygange un het Usseandersetzige mit em Chaiser Karl IV. gfiert. As Ergebnis hän dr Eberhard un syy Brueder anne 1360 zuesätzligi Privilegie iberchuu (zum Byschpel di elainig Grichtsbarkait), wu d Grofschaft Wirttebärg nei definiert hän. Ufsää het anne 1367 dr Iberfall vum Grof Wolf vu Eberstein uf dr Eberhard erregt, bi me Ufenthalt „im Wildbad“ (vermuetli Wildbad oder Teinach). In syre wytere Regierigszyt het dr Eberhard syy Bolitik stark gege d Ryychsstedt uusgrichtet, wu bi dr Uusdehnig vum wirttebärgische Territorium im Wäg gstande sin. Anne 1372 bi Alte, 1377 bi Reitlenge un 1388 bi Deffenge isch s doderby zue Schlachte gege d Ryychsstedt chuu, wu sich ab 1376 im Schwebische Stedtebund zämmegschlosse hän. Ergebnis vu däne Ussenandersetzige isch e Pattsituation gsii, wu dr Stedt ihri Unabhängigkait erhalte het. Di territoriale Zuegwinn vu Wirttebärg in dr Regierigszyt vum Eberhard sin ainewäg dytli gsii (zum Byschpel Calb un Beblenge). In dr fir Wirttebärg siigryyche Schlacht bi Deffenge isch em Eberhard syy Suhn un designierte Noofolger Ulrich gfalle.

Sunschtigs[ändere | Quälltäxt bearbeite]

Dr Eberhard isch dur Ballade vum Schiller un vum Uhland in d Literatur yygange.

Literatur[ändere | Quälltäxt bearbeite]

  • Eberhard Holz, Wolfgang Huschner (Hrsg.): Deutsche Fürsten des Mittelalters. Edition Leipzig, Leipzig 1995, ISBN 3-361-00437-3.
  • Paul Friedrich von Stälin: Eberhard der Greiner. In: Allgemeine Deutsche Biographie (ADB). Band 5, Duncker & Humblot, Leipzig 1877, S. 555 f.

Weblink[ändere | Quälltäxt bearbeite]

 Allmänd (Commons): Eberhard II. – Sammlig vo witere Multimediadateie



Dä Artikel basiert uff ere fräie Übersetzig vu dere Version vum Artikel „Eberhard_II._(Württemberg,_Graf)“ vu de dütsche Wikipedia.

E Liste vu de Autore un Versione isch do z finde.